ທາງການແຂວງຈໍາປາສັກໄດ້ສັ່ງປິດໂຮງຮຽນທົ່ວແຂວງຕັ້ງແຕ່ວັນທີ່ 22 ກັນຍາ 2013 ເປັນຕົ້ນມາຍ້ອນວ່ານໍ້າຖ້ວມເຖີງ 10 ເມືອງໃນທົ່ວ ແຂວງ, ຖນົນຫລາຍສາຍເພພັງເຮັດໃຫ້ການສັນຈອນໄປມາຖືກຕັດຂາດ. ທາງການແຂວງຮຽກຮ້ອງ ການບໍຣິຈາກອາຫານ ເຂົ້າກິນອາຫານ ແຫ້ງ ນໍ້າດື່ມ ແລະເຄື່ອງຂອງໃຊ້ທີ່ຈໍາເປັນ ເພື່ອນໍາໄປຊ່ວຍເຫລືອ ຜູ້ປະສົພພັຍ.
ເຫດການນໍ້າຖ້ວມໃນແຂວງພາກໃຕ້ ເລີ້ມແຕ່ວັນທີ່ 17 ກັນຍາ ເປັນຕົ້ນມາຫລັງຈາກພາຍຸ ດີແປຣສຊັນລູກນຶ່ງຈາກທະເລຈີນໃຕ້ ໄດ້ພັດເຂົ້າ ມາທາງ ພາກກາງ ຂອງປະເທດວຽດນາມ ເຮັດໃຫ້ເກີດຝົນຕົກໜັກຕິດຕໍ່ກັນມາ ແລະເກີດນໍ້າຖ້ວມ, ມີປະຊາຊົນ ໄດ້ຮັບຜົນກະທົບ ປະມານ 113,000 ຄົນ.
ລາຍງານຂອງທາງການແຂວງວ່າ ໄຮ່ນາທີ່ບໍ່ທັນໄດ້ກ່ຽວເຂົ້າ ປະມານ 12,700 ເຮັກຕາ ຖືກນໍ້າຖ້ວມ ມາຕັ້ງແຕ່ວັນທີ່ 18 ແລະຄົງເນົ່າ ເປື່ອຍໝົດແລ້ວ, ມີຄົນຕາຍ 3 ຄົນ. ຫລາຍຄອບຄົວໃນ ເມືອງປາກເຊ ໄດ້ໄປອາສັຍຢູ່ສນາມກິລາ. ຈໍານວນນື່ງໄປປັກຫລັກຢູ່ແຄມຖນົນ ເລກທີ່ 13. ຖນົນທີ່ເຂົ້າໄປຫາບ້ານຕ່າງໆ ຖືກຖ້ວມໝົດ ເຮັດໃຫ້ການແຈກຢາຍສິ່ງຂອງ ຊ່ວຍເຫລືອໄປບໍ່ເຖິງ.
ທຸກໆ ປິນ້ຳຖວ້ມແບບນີ້
ພວກທ່ານຄິດວ່າ ປະຊາຊົນ ຈະຮວຍຂື້ນ ຫລືວ່າຈະຈົນລົງ ?
