ລາວໂຮມລາວ ເພື່ອປະຊາທິປະໄຕ

ເສັ້ນທາງຊ່ວງໄຟແດງຕະລາດທາດຫຼວງເກົ່າ ຫາສົ້ນຂົວບືງທາດຫຼວງ ກໍ່ສ້າງສຳເລັດປີ 1998

ຖືວ່າໄດ້ມາດຕະຖານດີພໍສົມຄວນ ຖ້າບົວລະບັດຮັກສາດີ ອາຍຸການນຳໃຊ້ຄົງຍາວນານເຖີງ 20ປີ.

ໃນເວລານັ້ນຢູ່ເຂດນີ້ຍັງບໍ່ມີຕືກ ອາຄານ ແລະ ຜູ້ຄົນອາໄສຢູ່ໜາແໜ້ນຄືປະຈຸບັນ, ສະພາບຍັງເປັນ

ບືງຢູ່ ແລະ ມີຄອງນ້ຳລຽບທາງເລິກ. ແຕ່ຍ້ອນອົງການຈັດຕັ້ງກ່ຽວຂ້ອງເພີ່ນບໍ່ສົນໃຈປະຕິບັດໜ້າທີ່

ຂອງເພີ່ນ ເຊັ່ນ ເມືອງ, ໂຍທານະຄອນຫຼວງວຽງຈັນ, ອພບ, ກົມເຄຫາ ຜັງເມືອງ ເປັນຕົ້ນ, ໃຜຢາກຖົມ

ດີນປົກໜອງເກັບນ້ຳກໍ່ອານຸຍາດ, ໃຜຢາກຖົມຄອງລະບາຍນ້ຳຂ້າງທາງກໍ່ອານຸຍາດ, ໃຜຢາກປຸກສ້າງອັນໃດ

ໃສ່ບ່ອນໃດ ກໍ່ອານຸຍາດ, ໃຜຢາກເທເບຕົງໃສ່ໜ້າທາງ ປິດປ່ອງລະບາຍນ້ຳກໍ່ໄດ້ ບໍ່ມີການຄຸ້ມຄອງເລີຍ.

ບັນຫາກໍ່ເລີຍເປັນການທຳລາຍທາງຫຼວງ ຄືດັ່ງເຫັນກັນຢູ່ທຸກວັນນີ້, ໃນພາບນີ້ ແມ່ນມີຝົນຕົກພຽງເລັກນ້ອຍ

ແຕ່ກໍ່ຍັງເປັນໜອງປາຖ້າຫາກຢູ່ໃນກໍລະນີຝົນຕົກໜັກຈະເປັນແນວໃດ? ບັນດາທ່ານທີ່ອາໃສຢູ່ໃນເຂດນີ້ຄົງຈະໄດ້ເຫັນແລ້ວ