ລາວໂຮມລາວ ເພື່ອປະຊາທິປະໄຕ

ມືດແປດດ້ານ ບໍ່ຮູ້ພັກລັດ ຈະພາປະຊາຊົນ ປະເທດຊາດໄປຮອດໄສ, ສູ່ສັງຄົມນິຍົມ ຫລື ສັງຄົມຂອງພັກພວກ ພີ່ນ້ອງ ໃນວົງການພັກລັດຫລາຍກວ່າ

ເພາະວິໄສທັດ ຫລືສິ່ງທີ່ພັກລັດຢາກໄດ້ ຢາກໄປ ມັນບໍ່ມີເຄື່ອງມືວິທີການ ໂຕຊີ້ວັດ ໂຕຈັດຕັ້ງປະຕິບັດ ເພື່ອແກ້ໄຂບັນຫາຄວາມເດຶອດຮອ້ນ ແລະ ຄວາມມຸ້ງມາດປາດຖະໜາຂອງປະຊາຊົນໄດ້ຈິງ ເມື່ອໃດບັນຫາ

ເຫລົ່ານີ້ ຍັງບໍ່ໄດ້ຮັບການແກ້ໄຂ:

1. ພັກນັກງານລັດ ແລະ ເອກະຊົນ ຮ່ວມກັນສໍ້ລາດບັງຫລວງ ສໍ້ຫລວງບັງລາດ ທຸກຈອກທຸກແຈ ແຕ່ບໍ່ມີການບັງຄັບໃຊ້ກົດໝາຍ

2. ພັກກຳອຳນາດຜູ້ດຽວ ບໍ່ມີຜູ້ໃດ ຕຳນິ ວິຈານໄດ້

3. ຊ່ອງຫວ່າງລະຫວ່າງຄົນຮັ່ງ ແລະ ຄົນທຸກ ຫ່າງກັນຫລາຍ

4. ສະພາບສິ່ງແວດລ້ອມເຊື່ອມໂຊມ ຫລຸດໜ້ອຍຖອຍລົງ

5. ໄພຂົ່ມຂູ່ຂາກທຳມະຊາດຮຸນແຮງຂຶ້ນ ຕອ້ງໃຊ້ງົບປະມານເພີ່ມຂື້ນເພື່ອຟື້ນຟູ ຮັບມີ

6. ທີ່ດິນທຳມາຫາກິນຈອງປະຊາຊົນຖືກຍຶດເອົາໄປເປັນຂອງເອກະຊົນ

7. ຂໍ້ຂັດແຍ່ງທີ່ດິນເພີ່ມຂຶ້ນ ແຕ່ການຂົ່ມຂູ່ ປາບປາມປະຊາຊົນກໍຮຸນແຮງຂຶ້ນ

8. ປະຊາຊົນຂາດທີ່ເພີ່ງ ເພາະສູ້ເອກະຊົນ ແລະ ອຳນາດລັດບໍ່ໄດ້

9. ຜູ້ນຳບໍ່ສົນໃຈບັນຫາຄວາມເດຶອດຮ້ອນຂອງປະຊາຊົນ ແຕ່ເຫັນແກ່ໜ້າຂອງຕົນພວກຕົນຫລາຍໃຊ້ຈ່າຍງົບປະມານແຜ່ນດິນ ເກີນຕົວ ໄປນຳການຈັດງານ

10. ຜູ້ນຳ ການເມືອງ ຂາດຄວາມເປັນຕົວຂອງຕົນເອງ ຕ້ອງເອື່ອຍອີງ ວຽດ ຈີນ

11. ເຫັນພີ່ນ້ອງຮ່ວມຊາດ ທີ່ມີຄຳເຫັນຕ່າງ ເປັນສັດຕູ ແລະ ຕ້ອງກຳຈັດບໍ່ໃຫ້ມີໜໍ່ແໜງ ແຕ່ວຽດມັນດ່າ ເຂກຫົວ ແນວໃດກໍເຊື່ອຟັງ

12. ບໍ່ສົນໃຈກັດຈິກາສາກົນ ແລະ ບໍ່ເຄົາລົບກົດໝາຍທີ່ຕົນໃຫ້ສັນຍາ ຂໍພຽງເວົ້າບໍ່ຖືກໃຈ ຕຳນິເມື່ອໃດ ຖືກອຸ້ມຫາຍເມື່ອນັ້ນ

13. ບໍ່ມີຄວາມໂປ່ງໃສ ໃນການໃຊ້ຈ່າຍງົບປະມານແຜ່ນດີນ ເພາະບໍ່ມີອົງກອນອິດສະລະ ທີ່ເຊື່ອຖືໄດ້ກວດສອບ ໂດຍສະເພາະງົບໃຊ້ຳາຍໃນວຽກງານຂອງພັກ

14. ປະຊາຊົນລາວ ໃນຕົວເມືອງ ທີ່ເປັນນັກຮຽນຮູ້ ປັນຍາຊົນຍັງເພີດເພີນ ຫລີ້ນກິນ ແບບບໍລິໂພກນິຍົມ ບໍ່ສົນໃຈບັນຫາຄວາມເດຶອດຮອ້ນຂອງປະຊາຊົນທີ່ຢູ່ທ້ອງຖິ່ນ

15. ສະມາຊິກພັກມີຄ່ານິຍົມ ເຫີ່ກັນໄປຍົກລະດັບທິດສະດີ ການເມືອງທັງພາຍໃນ ແລະ ຫວຽດນາມ ເພື່ອຄວາມກ້າວໜ້າການງານ ແຕ່ບໍ່ສາມາດແກ້ໄຂບັນຫາ ທີ່ກ່າວມາທັງ 14 ຂໍ້ໄດ້

16. ປະຊາຊົນບໍ່ມີພື້ນທີ່ສະແດງອອກທາງການເມືອງ ບໍ່ສາມາດໃຊ້ສິດ ເສລີພາບໃນການປາກເວົ້າໄດ້ ເພາະນັກສືບສອດແນມ ຈັບຜິດ ມີທົ່ວທຸກບ່ອນ