ລາວ-ຈີນ ລົງນາມ ຮ່ວມມືກັນ ຫລາຍສະບັບ ແຕ່ບໍ່ມີ ຂ່າວວ່າ ເຣື້ອງ ສ້າງທາງ ຣົດໄຟ ຄວາມໄວສູງ ຣະຫວ່າງສອງປະເທດ ນັ້ນ ຫລືບໍ່? ທ່ານ ຈູມມະລີ ໄຊຍະສອນ ປະທານປະເທດລາວ ໄປຢ້ຽມຢາມສປຈີນ ນັບແຕ່ວັນທີ 26 ຈົນເຖິງວັນ ທີ 30 ກັນຍາ ແລະໄດ້ພົບປະຫາລື ກັບທ່ານ ຊີ ຊິນປິງ ປະທານສປຈີນ. ໃນເວລາພົບປະນັ້ນ ປະທານ ຈູມມະລີ ໄຊຍະສອນ ໄດ້ສເນີໃຫ້ ສອງປະເທດຟ້າວສ້າງ ທາງຣົດໄຟ ຄວາມໄວສູງ ນັບແຕ່ເຂດຊາຍແດນຈີນ ລົງໄປເຖິງ ນະຄອນຫລວງ ວຽງຈັນ. ສ່ວນປະທານ ຊີ ຊິນປິ່ງ ຕົກລົງ ຈະຮ່ວມມືກັບ ສປປລາວ ໃນຮອບດ້ານ ແຕ່ບໍ່ໄດ້ບອກ ຣາຍລະອຽດວ່າ ຈະຮ່ວມມື ໃນການສ້າງທາງຣົດໄຟ ນັ້ນຫລືບໍ່.
ກ່ອນທີ່ປະທານປະເທດລາວ ຈະໄປຢ້ຽມຢາມຈີນ ໃນຄັ້ງນີ້ໜັງສືພິມຕ່າງປະເທດ ກໍຄາດຄະເນວ່າ ຜູ້ນໍາລາວແລະຈີນ ຕ້ອງຫາລືກັນກ່ຽວກັບ ການສ້າງທາງຣົດໄຟຢ່າງແນ່ນອນເພາະຄນະຣັຖມົນຕຣີລາວ ກໍຕົກລົງໃຫ້ສ້າງ ແລະ ເອກອັຄຣາຊທູຕຈີນ ປະຈໍາລາວ ກໍປະກາດສນັບສນູນ ໂຄງການດັ່ງກ່າວ. ແຕ່ໜັງສືພິມ Vientiane Times ພາສາອັງກິດ ຂອງທາງການລາວ ສະບັບລົງວັນທີ່ 30 ເດືອນກັນຍາ ຣາຍງານພຽງ ແຕ່ວ່າ ລາວແລະຈີນ ໄດ້ລົງນາມ ໃນຂໍ້ຕົກລົງ ກ່ຽວກັບການຮ່ວມມື ຣະຫວ່າງກັນ ຫລາຍສະບັບ ແຕ່ບໍ່ໄດ້ແຈ້ງຣາຍລະອຽດ ກ່ຽວກັບການ ຮ່ວມມືໃນດ້ານໃດແດ່ ແລະບໍ່ໄດ້ກ່າວເຖິງການ ສ້າງທາງຣົດໄຟ ນັ້ນເລີຍ.
ອຸປສັກໃຫຍ່ຕໍ່ການສ້າງ ທາງຣົດໄຟລາວ-ຈີນ ກໍແມ່ນ ຝ່າຍລາວຂໍຢືມເງິນ 7 ຕື້ ດອນລ່າສະຫະຣັຖ ຈາກຈີນດ້ວຍດອກເບັ້ຍຕໍ່າ ເຊັ່ນ 2-3 ສ່ວນຮ້ອຍ ແຕ່ຈີນຢາກໄດ້ 5.8 ສ່ວນຮ້ອຍ ຊຶ່ງຝ່າຍລາວເຫັນວ່າ ເປັນດອກເບັ້ຍ ທີ່ສູງເກີນໄປ.
Anonymous wrote:ຖ້າຫາກຜູ້ນຳຈີນປ່ຽນໃຈບໍ່ໃຫ້ກູ້ເງີນມະຫາສານແທ້ນັ້ນແມ່ນດີທີ່ສຸດແລ້ວ, ຖືວ່າຜູ້ນຳຈີນຄົນປະຈຸບັນມີຄວາມຍຸຕິທັມຢູ່ໃນໃຈແທ້ ບໍ່ເປັນຄົນສວຍໂອກາດ ....
ຖ້າຫາກຜູ້ນຳຈີນປ່ຽນໃຈບໍ່ໃຫ້ກູ້ເງີນມະຫາສານແທ້ນັ້ນ
ແມ່ນດີທີ່ສຸດແລ້ວ, ຖືວ່າຜູ້ນຳຈີນຄົນປະຈຸບັນມີຄວາມຍຸຕິທັມ
ຢູ່ໃນໃຈແທ້ ບໍ່ເປັນຄົນສວຍໂອກາດ ....
ເຫດຜົນຄັກສົມຄວນ,ແຕ່ຢາກປະກອບຄວາມເຫັນນຳອີກຕື່ມເປັນການສ່ວນຕົວ.ຜູ້ນຳຈີນຄົນນີ້ຂື້ນມາແມ່ນມີການປະຕິຮູບ
ທາງສັງຄົມບໍ່ນ້ອຍໂດຽສເພາະບັນຫາສໍ້ໂກງ ຫຼື corruption ໃນພາສາສາກົນ.ຄືແນວນີ້ເມື່ອຜູ້ນຳຈີນລະດັບສູງມອງເຫັນວ່າທີ່
ເມືອງລາວໂດຽສເພາະໃນກຸ່ມຜູ້ມີອຳນາດບໍລິຫານຍັງຂາດຄວາມໂປງໃສມຸ້ງມານະກອບໂກຍຜົນປະໂຫຍດຂອງຊາດໄປຈາກ
ປະຊາຊົນຊຶ່ງຜິດກັບອຸດົມການຂອງກອມມຸຍນິດຈີນກໍ່ຄືທ່ານ ສິຈິນຜິງ ປະທານປະເທດຈີນຄົນປະຈຸບັນ ຊຶ່ງຢາກເຫັນ
ການຊ່ວຍເຫຼືອຂອງຈີນຕ້ອງຖືກນຳໄຊ້ເພື່ອຜົນປະໂຫຍດຂອງປະຊາຊົນລາວໂດຽສ່ວນຮວມ,ບໍ່ແມ່ນເພື່ອມາຄູນຮັ່ງ
ຄູນມີແກ່ຜູ້ມີອຳນາດໃນ ພັກ-ລັດ ລາວ ເທົ່ານັ້ນ.ທ່ານບໍ່ຢາກເຫັນການຊ່ວຍເຫຼືອຂອງປະຊາຊົນຈີນອ້າຍນ້ອງດ່າງພອຍ
ດ້ວຍນຳມີຂອງຜູ້ນຳລາວທີ່ຄິດຫາແຕ່ໂກງກິນໂກງໄຊ້ ເພື່ອຄູນຮັ່ງຄູນມີແກ່ຄອບຄົວຕົນ ແລະ ພວກຜອງ.
ຝັນວ່າ ສິຈັບເສືອມືເປົ່າ. ແມ່ນຫຍັງກະບໍ່ມີ ບາດແລ້ວຢາກເທດເອົາແຕ່ແນວດີ ໆ.
ບໍ່ຈຽມກະລາຫົວເລີຍ
ຈຸມມະລີ ໄປຈີນເທື່ອນີ້ ບໍ່ໄດ້ຫຍັງ ກັບມາໄດ້ແຕ່ ຫຳກັບໂຄຍ
ຂໍທານ ນຳຈີນ ເຂົາກໍບໍ່ໃຫ້
ຢືມເງີນມາສ້າງ ລົດໄຟຄວາມໄວສູງ ຈີນກໍ່ບໍ່ Ok,
ຖ້າ Ok ພັກລັດຕ້ອງຄ້ຳປະກັນເງີນກູ້ທັງໝົດ ແລະໃຫ້ເອກກະຊົນຂອງຈີນມາຮ່ວມລົງທືນ 100 ເປີເຊັນນຳ
ແຖມມີເງື່ອນໃຂອີກ 4 ປະການ ..........................
ข้อแรก รัฐบาลลาวต้องค้ำประกันเงินกู้ทั้งหมดที่บริษัทเอกชนของจีนมาร่วมลงทุน 100% ข้อสอง รัฐบาลลาวต้องปฏิบัติตามเงื่อนไข 4 ประการ คือ1. ต้องตั้งบริษัทขึ้นมาบริหารจัดการรายได้จากโครงการรถไฟความเร็วสูง โดยมีสถานะเป็นลูกหนี้รัฐบาลจีน2. ต้องจ่ายดอกเบี้ยหนี้สินในอัตรา 2% เป็นเวลา 30 ปี โดยมีระยะปลอดการชำระหนี้ (แต่ยังคิดดอกเบี้ย) 10 ปีแรก3. รัฐบาลลาวต้องค้ำประกันเงินกู้ทั้งหมดด้วยทรัพย์สินของโครงการ รวมรายรับในอนาคตต่อรัฐบาลจีน ซึ่งหมายถึงที่ดินตลอดแนวทางรถไฟ4. รัฐบาลลาวต้องค้ำประกันเพิ่มเติมด้วยรายได้จากเหมืองทองคำ 2 แห่งในแขวงเซโปน
ຈີນເປັນຫນຶ່ງໃນມະຫາອຳນາດຂອງໂລກ ມີຄວາມຮູ້ແລະປະສົບການ ໃນດ້ານການຍັກຍອກສໍ້ໂກງເປັນຢ່າງດີ.ຈິນໄດ້ປະກາດດັງກ້ອງໂລກໄປແລ້ວເມື່ອບໍ່ນານມານີ້ ໂດຍການສັ່ງປະຫານຊີວິດລັດຖະມົນຕີວ່າການສ້າງທາງລົດໄຟຄວາມໄວສູງ ຂອງຈີນ ຊຶ່ງເຂົາຜູ້ນີ້ອາດຈະມີສ່ວນພົວພັນໃນການມາຍົວະເຍົ້າໃຫ້ພັກລັດຂອງລາວ ຮັບເອົາແຜນການສ້າງທາງລົດໄຟຄວາມໄວສູງຂື້ນໃນລາວ ເພາະເຂົາຈະມີຜົນໄດ້ອັນມະຫາສານຈາກໂຄງການດັ່ງກ່າວເຫມືອນກັນ. ເມື່ອເຂົາຖືກປະຫານຊີວິດໄປ ໂຄງການສ້າງລົດໄຟຄວາມໄວສູງໃນລາວກໍຈຳຕ້ອງຕົກໄປໃນໂຕ.
ລັດຖະບານຈີນເຂົ້າໃຈດີ ເຖິງຄວາມຢາກໄດ້ຂອງພັກລັດລາວທີ່ຢາກສ້າງຄວາມຮັ່ງມີແລະຮັກສາຖານອຳນາດຂອງກຸ່ມໂຕເອັງໄວ້.ແຕ່ການເຮັດສັນຍາກັບພັກລັດລາວ ມັນບໍ່ມີຄວາມຫມາຍເຖິງຈະເອົາບໍ່ແຮ່ຕ່າງໆມາຄ້ຳປະກັນກໍຕາມ ເພາະລາຄາແຮ່ທາດແມ່ນຂື້ນລົງຕາມຄວາມຕ້ອງການຂອງໂລກ ຊຶ່ງອາດຈະບໍ່ມີລາຄາກໍເປັນໄດ້ໃນອະນາຄົດຂ້າງຫນ້າ ນີ້ຄືຄວາມສ່ຽງສູງທີ່ຈີນບໍ່ອາດຈະເອົາເງິນກ້ອນມະຫາສານມາຖີ້ມໄດ້. ຊ້ຳບໍ່ພໍ ພັກລັດລາວ ຍັງສະແດງທ່າທີ່ ອັນບໍ່ສົມຄວນທີ່ມອບຫມາຍໃຫ້ຫວຽດນາມ ມາດູດເອົາທາດ ບອກສ໌ໄຊດ໌ ອອກໄປຈາກທາງໃຕ້ຂອງລາວທັງໆ ທີ່ຍັງຕໍ່ລອງນຳຈີນຢູ່. ການກະທຳທີ່ໄຮ້ຄວາມຄຶດດັ່ງກ່າວ ນອກຈາກຈະກະທົບກະເທືອນຕໍ່ການຫາກິນດ້ານການປູກກາເຟຂອງປຊຊ ລາວແລ້ວ ມັນຍັງບົ່ງບອກຢ່າງໂຈ່ງແຈ້ງວ່າ ພັກລັດລາວ ບໍ່ໄດ້ມີຄວາມຮັບຊອບຜິດຕໍ່ການກະທຳໃດໆ ທັງນັ້ນ ນອກຈາກ ຈະສ້າງຄວາມລ້ຳລວຍໃຫ້ແກ່ກຸ່ມໂຕເອັງຢ່າງດຽວ.
ຄົນຈີນທີ່ອ່ານ - ຂຽນ ພາສາລາວໄດ້ ມີຫຼາຍອີ່ຫຼີ ຢູ່ມະຫາວິທະຍາໄລແຫ່ງຊາດ ກໍ່ມີນັກຮຽນຈາກຈີນ ຫຼາຍ ສິບຄົນ ໃນແຕ່ລະສົກຮຽນ
ຄິດວ່າເຂົາຕ້ອງໄດ້ເຫັນໄດ້ຮູ້ເວັບໄຊທ໌ ປະເພດນີ້ແນ່ນອນ ຫວັງວ່າເຂົາຊິເອົາໃຈເຮົາໄປໃສ່ໃຈເຂົາ ແລະ ເຮັດໃຫ້ການສ້າງສາ ເປັນປະໂຫຍດແກ່ທັງສອງຝ່າຍ
ຢ່າງຢັ້ງຢືນ ແລະ ຍາວນານ ຖາວອນ ສົມເປັນປະເທດ ອ້າຍໃຫຍ່ ຂອງອາຊີ ຕາເວັນອອກ
ຂໍອະໃພ ຄັນຂຽນ ພາສາລາວ ບໍ່ຖືກ
Anonymous wrote:ຖ້າ Ok ພັກລັດຕ້ອງຄ້ຳປະກັນເງີນກູ້ທັງໝົດ ແລະໃຫ້ເອກກະຊົນຂອງຈີນມາຮ່ວມລົງທືນ 100 ເປີເຊັນນຳແຖມມີເງື່ອນໃຂອີກ 4 ປະການ ..........................ข้อแรก รัฐบาลลาวต้องค้ำประกันเงินกู้ทั้งหมดที่บริษัทเอกชนของจีนมาร่วมลงทุน 100% ข้อสอง รัฐบาลลาวต้องปฏิบัติตามเงื่อนไข 4 ประการ คือ1. ต้องตั้งบริษัทขึ้นมาบริหารจัดการรายได้จากโครงการรถไฟความเร็วสูง โดยมีสถานะเป็นลูกหนี้รัฐบาลจีน2. ต้องจ่ายดอกเบี้ยหนี้สินในอัตรา 2% เป็นเวลา 30 ปี โดยมีระยะปลอดการชำระหนี้ (แต่ยังคิดดอกเบี้ย) 10 ปีแรก3. รัฐบาลลาวต้องค้ำประกันเงินกู้ทั้งหมดด้วยทรัพย์สินของโครงการ รวมรายรับในอนาคตต่อรัฐบาลจีน ซึ่งหมายถึงที่ดินตลอดแนวทางรถไฟ4. รัฐบาลลาวต้องค้ำประกันเพิ่มเติมด้วยรายได้จากเหมืองทองคำ 2 แห่งในแขวงเซโปนເງື່ອນໄຂນີ້ເຂົາກຳນົດອອກຕັ້ງແຕ່ເວລາເລີ່ມເຈລະຈາທຳອິດພຸ້ນແລ້ວລັດຖະບານລາວເຂົາບໍ່ກັງວົນຍ້ອນດອກດອກເງື່ອນໄຂແບບນີ້
ເງື່ອນໄຂນີ້ເຂົາກຳນົດອອກຕັ້ງແຕ່ເວລາເລີ່ມເຈລະຈາທຳອິດພຸ້ນແລ້ວ
ລັດຖະບານລາວເຂົາບໍ່ກັງວົນຍ້ອນດອກດອກເງື່ອນໄຂແບບນີ້
