ຂະບວນການເພື່ອສິທທິມະນຸສ ແລະປະຊາທິປະໄຕລາວ-ອອສເຕຣລຽນ ຂສປລ ໄດ້ຈັດກອງປະຊຸມ ສຶກສາສົນທະນາຂຶ້ນໃນຕອນບ່າຍ ຂອງ ວັນອາທິດ ທີ 6 ຕຸລາ 2013, ຢູ່ໃນຫ້ອງປະຊຸມ ສະມາຄົມສົ່ງເສີມຊຸມຊົນລາວໃນເຂດເມືອງ Fairfield, ນະຄອນ Sydney ອອສເຕຣເລັຽ. ໃນກອງປະຊຸມມີສະມາຊິກ ຂສປລ ຫລາຍຄົນຈາກເຂດອ້ອມແອ້ມ ນະຄອນ Sydney ພ້ອມທັງສະມາຊິກ ຈາກນະຄອນຫລວງ ແຄນເບຣາ ແລະ ຊຸມຊົນລາວ ຜູ້ສົນໃຈ ກ່ຽວກັບ ສະພາບການ ດ້ານສິທທິມະນຸສ ເຂົ້າມາຮ່ວມຮັບຟັງ ແລະ ສົນທະນາ.
ທາງກອງປະຊຸມໄດ້ ສຶກສາສົນທະນາ ກ່ຽວກັບການຫາຍສາບສູນໄປຂອງ ຄົນລາວທັງໃນລາວເອງ ແລະທີ່ໄດ້ເດີນທາງມາຈາກ ຕ່າງປະເທດ ດັ່ງ ດຣ ສົມບັດສົມພອນ ເມື່ອເດືອນທັນວາ 2012 ແລະຄົນລາວອະເມຣິກັນ 3 ຄົນທີ່ຫາຍ ສາບສູນໄປໃນແຂວງສວັນນະເຂດ ເມື່ອເດືອນ ມົກກະຣາ 2013.
ທາງກອງປະຊຸມໄດ້ ມີມະຕິວ່າຈະສືບຕໍ່ທວງຖາມ ຣັຖບານໃໝ່ພັກຮ່ວມ Australian Liberal-National ກ່ຽວກັບບັນຫາ ການລ່ວງລະເມີດ ສິທທິມະນຸສໃນລາວ ພ້ອມທັງຈະຂຍາຍໃຫ້ຄວາມຮູ້ຄວາມເຂົ້າໃຈກ່ຽວກັບສິທທິໃນການເປັນ ມະນຸສຂອງຄົນລາວ-ອອສເຕຣລຽນໃຫ້ຫຼາຍຂຶ້ນ. ປະທານ (ຂສປລ) ໄດ້ກ່າວເຖິງ ຈຸດປະສົງ ຄວາມມຸ້ງໝາຍ ຂອງຂະບວນການນີ້ວ່າ:
"ທຸກຄົນມະນຸສທີ່ເກີດມາ ສົມຄວນມີກຽດມີສັກສີໃນຄວາມເປັນມະນຸສ ກຽດມີສັກສີໃນຄວາມເປັນມະນຸສ ຈະຕ້ອງບໍ່ມີອໍານາດໃດໆມາຢຽບຍໍ່າ ທໍາລາຍ ຂ້າພະເຈົ້າຢາກປົກປ້ອງຮັກສາແລະເຊີດຊູຄົນທຸກຄົນໃຫ້ມີກຽດມີສັກສີໃນຄວາມ ເປັນມະນຸສຍັງມີຫຼາຍໆຊາດຫຼາຍໆປະເທດ ທັງໆທີ່ ເປັນສະມາຊິກ ອົງການ ສະຫະປະຊາຊາດ ແລະ ອສປຊ ກໍໄດ້ປະກາດ ກົດໝາຍນີ້ ເປັນກົດໝາຍ ຂອງໂລກແລ້ວ ຜູ້ນຳປະເທດເຫລົ່ານັ້ນ ກໍຍັງຢຽບຍໍ່າທໍາລາຍ ສິທຂອງຄົນຢູ່ ຂ້າພະເຈົ້າ ຢາກຍົກເຣື່ອງນີ້ຂຶ້ນມາ ໃຫ້ຄົນລາວ ໂດຍສະເພາະຢູ່ໃນ ອອສເຕຣເລັຽ ໄດ້ຮັບຮູ້ ແລະໄດ້ ປະຕິບັດນໍາກັນ".
ເຖິງຢ່າງໃດກໍດີສະມາຊິກ ຂສປລ ແລະຊຸມຊົນລາວ-ອອສເຕຣລຽນສ່ວນໃຫຍ່ຍັງມີຄວາມວິຕົກກັງວົນເປັນຫ່ວງນໍາສະພາບສິທທິມະນຸສ ແລະ ປະຊາທິປະໄຕໃນລາວຢູ່ ຍ້ອນວ່າພື້ນຖານຂອງສິທທິໃນການເປັນມະນຸສໃນລາວເຊັ່ນ: ສິທທິໃນການເປັນພົລເມືອງຂອງຊາດ ສິທທິໃນການ ນັບຖືສາສນາ ສິທທິໃນການປາກເວົ້າ ສະແດງຄວາມຄິດເຫັນ ແລະສໍາຄັນທີ່ສຸດແມ່ນ ສິທທິທາງການເມືອງອັນໄດ້ແກ່ສິທທິເສຣີພາບ ປະຊາ ທິປະໄຕນັ້ນປະຊາຊົນລາວທົ່ວໄປ ທີ່ຍັງບໍ່ຮູ້ຈັກ ຢ່າງແຈ່ມແຈ້ງຊໍ້າ, ກອງປະຊຸມ ມີຄວາມເຫັນ ວ່າດັ່ງນັ້ນ.
ຄືມີແຕ່ ຜູ້ອາຍຸສູງເນາະ ພວກເຮົາລາວໃນຍາມໃດກໍລໍຖ້າ ການເປັນປາກເປັນສຽງຈາກລາວນອກ ຄືພວກທ່ານ ແຕ່ເປັນຫ່ວງເຖີງລຸ້ນສືບທອດ ຈາກພວກທ່ານ, ຢາກຮູ້ວ່າຄົນໜຸ່ມສາວລາວນອກ
ພວກເຂົາຄິດເຫັນ ມີຄວາມກະຕືລືລົ້ນແນວໃດ ກັບບັນຫາການເມືອງ ປະຊາທິປະໄຕຢູ່ພາຍໃນ ສປປລາວ? ເພາະການປະຕິຮູບການເມືອງ ການປົກຄອງ ລະບອບປະຊາທິປະໄຕ ຢູ່ລາວ ມັນຍັງຈະ
ແກ່ຍາວຢູ່ ຝາກໃຫ້ລາວນອກທົ່ວໂລກ ເອົາໃຈໃສ່ປູກຈິດສຳນຶກໃຫ້ກັບຄົນໜູ່ມສາວ ໃຫ້ຫລາຍຂື້ນ ເພື່ອເປັນລຸ້ນສືບທອດ ກຽມພ້ອມປະກອບສ່ວນ ແຜນປອງດອງໃນອະນາຄົດ ຖ້າຂາດການເຄື່ອນໄຫວ
ກະຕຸ້ນຈາກພາຍໃນອກ ຄົງເປັນໄປໄດ້ຍາກ ທີ່ຈະເຮັດໃຫ້ລາວເປັນປະຊາທິປະໄຕຫລາຍຂື້ນ ເພາະຄົນລາວໃນເຂົາ ບໍ່ຖົກຖຽງກັນເລຶ້ອງປະຊາທິປະໄຕ ເພາະພັກລັດໃຫ້ລວມສູນ ຖືກປິດຫູປິດຕາ ຄືໂລກຮູ້
ນັ້ນລະ ເຫັນຜິດເປັນຖືກ ເອົາພັກເອົາພວກເປັນໃຫ່ຍ ເອົາເລຶ້ອວຫລີ້ນກິນ ມີຜົນປະໂຫຍດຮ່ວມກັນ ແລ້ວຈຶ່ງຖືວ່າຮັກແພງກັນ.
