ໃນມໍ່ໆມານີ້ ສປປລາວ ຖືກ ຕັກເຕືອນ ຈາກ ອົງການ ກອງທຶນ ສາກົນ ວ່າໃຫ້ ປະຫຍັດ ແລະ ໃຫ້ ປະຕິຮູບ ນະໂຍບາຍ ການເງິນ ແລະ ການໃຊ້ຈ່າຍ ເພື່ອ ຫລີກລ່ຽງ ເຫດວິກິດ ການເງິນ ທີ່ ຈະເກີດຂຶ້ນໄດ້.
ອິງຕາມຄໍາຖແລງຂອງເຈົ້າຫນ້າທີ່ກອງທືນສາກົນ ທີ່ມີສູນກາງຢູ່ ກຸງວໍຊີງຕັນ ສະຫະຣັຖອະເມຣິກາ ຜແນກທີ່ກ່ຽວຂ້ອງຈາກອົງການກອງທືນ ສາກົນໄດ້ຈັດການສຳມະນາໃຫ້ຄຳແນະນໍາປະຈໍາປີ ແກ່ຣັຖບານລາວຂຶ້ນ ທີ່ນະຄອນຫລວງວຽງຈັນ ວ່າງຫລັງໆມານີ້ສະແດງຄວາມເປັນຫ່ວງ ຕໍ່ສະພາບການເງິນເຟີ້ ທີ່ຖີບຕົວສູງຂຶ້ນເລື້ອຍໆ ຣະບົບການທະນາຄານໃນລາວ ການຈ່າຍຫນີ້ສີນຂອງຣັຖບານ ການຂາດດຸນການຄ້າ ແລະ ການຫລຸດລົງ ຢ່າງຫລວງຫລາຍ ຂອງເງີນຕຣາຕ່າງປະເທດ ຊື່ງເປັນເງິນສຳຮອງ ໃນທະນາຄານ ແຫ່ງຊາດລາວ.
ທ່ານ ອາສວິນ ອາຫຸຍຢາ ຜູ້ທີ່ເປັນຜູ້ນຳພາຄນະ ຂອງກອງທຶນສາກົນໄປລາວ ເພື່ອໄປຮ່ວມປະຊຸມດັ່ງກ່າວ ຣະຫວ່າງວັນທີ 28 ສິງຫາ ຫາ ວັນທີ 12 ກັນຍາ ກ່າວຫລັງຈາກທີ່ທ່ານກັບມາ ສະຫະຣັຖວ່າ ການຄວບຄຸມ ການໃຊ້ຈ່າຍຂອງ ຣັຖບານລາວ ເປັນສີ່ງສຳຄັນໃນການຕ້ານ ການຮົ່ວໄຫລ ຂອງເງີນຕຣາຕ່າງປະເທດເພື່ອ ເປັນທາງອອກຂອງເຫດວິກິດ ທາງດ້ານການເງິນ ທີ່ຈະເກີດຂື້ນໃນອະນາຄົດ.
ການຕັກເຕືອນຂອງອົງການກອງທຶນສາກົນ ມີຂຶ້ນຫລັງຈາກທີ່ພົບວ່າ ລາຍຮັບຂອງຣັຖບານລາວ ໄດ້ຫລຸດລົງຢ່າງຕໍ່ເນື່ອງ ທີ່ເຮັດໃຫ້ ນາຍົກ ຣັຖມົນຕຣີລາວ ທ່ານ ທອງສິງ ທັມມະວົງ ອອກຄຳສັ່ງໃຫ້ກະຊວງ ທະບວງກົມຕ່າງໆ ໃນລາວ ຄວບຄຸມການໃຊ້ຈ່າຍ ຢ່າງເຄັ່ງຄັດໃນການ ຈ່າຍຫນີ້ສິນຂອງຣັຖ ເພື່ອຫລີກລ່ຽງເຫດວິກິດ ທາງດ້ານການເງີນໃນລາວ.
ປັດຈຸບັນສປປລາວເປັນຫນີ້ຕ່າງປະເທດໃນສັດສ່ວນປະມານ 29.8 % ຂອງຍອດຜົລຮ່ວມຂອງປະເທດແລະກໍເພີ້ມຂຶ້ນເລື້ອຍໆ ຣັຖບານລາວ ອາດຈະບໍ່ສາມາດໃຊ້ຫນີ້ ຕ່າງປະເທດໄດ້ທັນເວລາຍ້ອນ ການບໍຣິຫານຈັດການທາງດ້ານການເງີນບໍ່ໄດ້ມາຕຖານ ການຮົ່ວໄຫລ ການສໍ້ຣາສ ບັງຫລວງ ແລະ ການເກັບພາສີລາຍໄດ້ ຂອງຣັຖບານ ກໍຖືກສໍ້ໂກງ ແລະຍັກຍອກຈາກເຈົ້າຫນ້າທີ່ຣັຖ ເຮັດໃຫ້ຣັຖບານລາວ ບໍ່ສາມາດສ້າງ ລາຍຮັບ ໃຫ້ສົມດູນກັບລາຍຈ່າຍໄດ້.
ຖ້າບໍ່ມີການກຳນົດຈຸດຢືນນຳໃຊ້ກົດໝາຍການສໍ່ລາດບັງຫລວງອອກມານຳໃຊ້ຢ່າງເຂັ້ມແຂງ ແລະ ມີປະສິດທິພາບ ເພື່ອເປັນການປົກປັກຮັກສາຜົນປະໂຫຍດຂອງຊາດ ແລະ ກວດສອບຕິດຕາມລາຍຮັບຕ່າງໆຢ່າງຈິງຈັງ.........ຖ້າຜູ້ໃດເຮັດກະທຳມີຄວາມຜິດກໍ່ໃຫ້ມີການດຳເນີນຄະດີຕັດສິນຕາມກົດໝາຍ......ຖ້າພັກລັດປະຕິບັດໄດ້ຮັບຮອງວ່າລາຍຮັບລື່ນຄາດຫມາຍແນ່ນອນ ແລະ ຈະສາມາດປັບປຸງແນວຄິດພະນັກງານໃຫ້ມີຄວາມຊື່ສັດຕໍ່ພັກລັດ ແລະ ຮັກສາຜົນປະໂຫຍດຂອງຊາດໄດ້້ຢ່າງມີລະບຽບວິໄນ.......ມີຕັວຢ່າງທີ່ດີຫລາຍປະເທດທີ່ໄດ້ຜົນປະໂຫຍດຢ່າງມະຫາສານ ແລະ ມີການພັດທະນາຢ່າງວ່ອງໄວ ຖ້າປາສະຈາກການສໍ່ລາດບັງຫລວງ ແລະ ມີການກວດສອບການເກັບລາຍຮັບຢ່າງຈິງຈັງ ...........ຂ້າພະເຈົ້າ ມີຂໍ້ຄິດວ່າຢາກໃຫ້ມີການກວດສອບລາຍຮັບແບບລະບົບການຕິດຕາມອອນໄລສົ່ງຂໍ້ມູນໃຫ້ສ່ວນກາງຕິດຕາມແບບວິນາທີເລີຍເລື່ອງຂໍ້ມູນລາຍຮັບ.............ບໍ່ແມ່ນຊິມາບັນທຶກໄວ້ກ່ອນແລ້ວສົ່ງເປັນຂໍ້ມູນລາຍງານໃຫ້ຂັ້ນເທິງຊາບພາຍຫລັງ ບັນຫາແບບຍັງເຫັນໄດ້ເລື່ອງຊ່ອງວ່າງ .........ໃຫ້ເວລາຄິດແລະມີການດັດແປງ ຊອກຫາຜົນປະໂຫຍດ .............ແລະ ອີກບັນຫາໜຶ່ງທີ່ລາວເຮົາໄດ້ຊື້ລົດສະແກນກວດເຄື່ອງຜ່ານແດນ ( ລາຄາ 3,000,000 $ ) ທີ່ມີຢູ່ແຕ່ລະດ່ານສາກົນບໍ່ນຳໃຊ້ເປັນປົກກະຕິ ລະບົບແບບນີ້ກໍ່ຢາກໃຫ້ພາກສ່ວນນີ້ຮັບຜິດຊອບເອົາໃຈໃສ່ຕື່ມແດ່ ເພາະວ່າລັດເສຍຜົນປະໂຫຍດຈາກການກວດສິນຄ້າຜິດກົດໝາຍນີ້ເປັນຈຳນວນມະຫາສານ ດັ່ງທີ່ເປັນຂ່າວຜ່ານມາມີການລັກລອບຂົນງາຊ້າງ . ໄມ້ຫວງຫ້າມ ແລະ ອື່ນໆ . ທີ່ເຄື່ອນນຳສົ່ງເຂົ້າ ແລະ ອອກ ນັ້ນໃຫ້ມີການອອນໄລສົ່ງຂໍ້ມູນໃຫ້ພາກສ່ວນຂັ້ນເທິງມີການຕິດຕາມກວດສອບໃຫ້ໃກ້ຊິດນຳ ເພື່ອໃຫ້ຂໍ້ມູນຕິດຕາມໃຫ້ສອດຄ່ອງຮັບຮູ້ນຳກັນ ເປັນການສະກັດກັ້ນເກັບລາຍຮັບໄດ້ມີຕົວເລກແນ່ນອນ .........ພັກລັດກໍ່ຈະມີລາຍຮັບໝັ້ນຄົງເກັບລາຍຮັບໄດ້ຕາມຄາດໝາຍ....................................
