ລາວໂຮມລາວ ເພື່ອປະຊາທິປະໄຕ

ຂໍເລົ່າຕໍ່ໜ້ອຍໜຶ່ງ

ແຕ່ກ່ອນໜ້ານັ້ນ ຂໍເວົ້າເລື່ອງຄົນແຂວງຫົວພັນ ຂ້າໝາເພື່ອເຮັດບຸນຫາຍາດທີ່ຕາຍໄປໄດ້ໄລຍະໃດໜຶ່ງແລ້ວ

ແນ່ນອນເຂົາບໍ່ໄດ້ເຮັດພິທີທາງ ພຸດ ແຕ່ເປັນແບບຖວາຍ ຫຼາຍກວ່າ ຄ້າຍໆກັບການລ້ຽງຜີ ຂອງຄົນເໜືອບາງເຂດນັ້ນແລ້ວ

ກະຄືຈະເຮັດໃຫ້ສຸກດີແລ້ວ ແລ້ວແຕ່ງເປັນພາ ຖວາຍໄວ້ກາງເຮືອນພ້ອມທັງໃຫ້ໝໍພອນ ຫຼືຜູ່ທີ່ມີອາຍຸຫຼາຍໃນຄອບຄົວນັ້ນກ່າວ ຫຼື ເອີ້ນຄອບວ່າ ສົ່ງໝາໄປໃຫ້ແລ້ວເດີ

ເຊິ່ງຄວາມໝາຍບໍ່ແມ່ນວ່າສົ່ງໄປໃຫ້ກິນ ແຕ່ໝາຍຄວາມວ່າສົ່ງໝາມາເພື່ອເປັນໝູ່ເພື່ອນ ເປັນອົງຄະຣັກ ປົກປ້ອງວິນຍານຢູ່ໃນ ພົບພູມເຂົາກໍ່ຖືວ່າໝາເປັນສັດຊັ້ນສູງຄືກັນ

ແຕ່ວ່າທີ່ກິນເໜື້ອທີ່ເຮັດສຸກດີແລ້ວນັ້ນ ກະແມ່ນວ່າມັນບໍ່ຈຳເປັນຕ້ອງຖິ້ມ ກິນເພື່ອໃຫ້ໝາໂຕນັ້ນເຮັດປະໂຫຍດໃຫ້ຄົນໄດ້ສູງສຸດ ສະນັ້ນເຂົາຈະກິນຢ່າງມີຄວາມສຸກ

ບາງຄົນກິນກັບເຂົ້າຄັກແນ່ ແລະອື່ນໆ.....................................

ສ່ວນວ່າການລັກໝາແມ່ນເປັນຂ່າວທຳມະດາສຳລັບສັງຄົມລາວ ແມ່ນໄດ້ຍິນເລື້ອຍ ເພາະວ່າມັນກະພໍມີລາຄາຢູ່ເດ

ການລັກຂອງເຂົາມີຫຼາຍວິທີ ວິທີໜຶ່ງທີ່ມີຄົນເລົ່າສູ່ຟັງຄືການຕຶກເບັດ ໝາຍຄວາມວ່າເອົາເຫຼັກມາຂົດງໍໃຫ້ຄືດວງເບັດ ຜູກເຊືອກໃສ່ ເອົາເຂົ້າ ຫຼື ໃສ້ກອກ ຕາມເຮັດເຫຍື່ອ

ຂີ່ລົດຈັກ ຫຼືລົດຖີບ ເມື່ອໄປຮອດເຮືອນເປົ້າໝາຍ ກະຢ່ອນເບັດລົງໃສ່ບໍລິເວນໝາຢູ່ ໝາມາກິນ ເຂົາກໍ່ທົກເບັດຈົນປັກເຂົ້າປາກສຸນັກນັ້ນ ແລ້ວກໍ່ຂີ່ລົດພ້ອມທັງເຄັ່ງສາຍເບັດຕະຫຼອດ

ເພື່ອບໍ່ໃຫ້ໝາມີໂອກາດຄາຍ ຫຼື ຟິດຈົນເບັດຫຼູດ. ການລັກແມ່ນຈະປະຕິບັດໃນຍາມກາງຄືນທີ່ເຈົ້າຂອງເຮືອນນອນແລ້ວ ໝາເຮົາເອງກໍ່ເຄີຍເສຍຫຼາຍໂຕ (ສັງຄົມລາວສ່ວນຫຼາຍແມ່ນລ້ຽງໝາປ່ອຍອອກນອກເຮືອນໄດ້ ສະບາຍ

ແຕ່ວ່າການຕຶກເບັດກໍ່ບໍ່ໄດ້ປະສົບຄວາມສຳເລັດສະເໝີໄປ ໝາບາງໂຕມັນກໍ່ບໍ່ກິນເບັດ ບາງໂຕກໍ່ຫຼູດ.

 ອີກວິທີໜຶ່ງແມ່ນໃຊ້ບ້ວງຄ້ອງເອົາຄືກະປອມ ເຊິ່ງຈະມີພາຫະນະເປັນລົດ ແລະ ຄົນ ສອງຄົນ ຜູ່ໜຶ່ງຂັບ ຜູ່ໜຶ່ງຄ້ອງ

ສ່ວນຫຼາຍແມ່ນເດັກຊາວໜຸ່ມທີ່ບໍ່ມີວຽກເຮັດງານທຳ ພາກັນລັກໄປກິນ ແກ້ມເຫຼົ້າ ບາງຄັ້ງກໍ່ເອົາໄປຂາຍໃຫ້ຮ້ານປີ້ງ-ອົບ

ເຊິ່ງວ່າບາງຄົນກໍ່ຖືກຈັບໄດ້ເຊັ່ນກັນ ແລະກໍຖືກປັບໃໝຫຼາຍລ້ານກີບ ເພາະເຂົາຈະເທຄະດີອື່ນໆໃສ່ຄະດີດຽວ ບາງຄົນກໍ່ຕິດຄຸກ ເປັນປີໆ ກໍ່ມີ ຫາກມີປະຫວັດລັກຂະໂມຍອື່ນໆ

ເອົາລະເວົ້າປານນີ້ທ່ານໆຄົງຈິນຕະນາການອອກແລ້ວວ່າໃັນເປັນເລື່ອງທຳມະດາຂອງສັງຄົມໃດໜຶ່ງ ສະທ້ອນໃຫ້ເຫັນວ່າການບໍ່ມີວຽກເຮັດງານທຳ ນຳມາເຊິ່ງໃພສັງຄົມ