ລາວໂຮມລາວ ເພື່ອປະຊາທິປະໄຕ

ທູດຝຣັ່ງເຄື່ອນໄຫວຕິດຕາມຄວາມຄືບໜ້າການເກັບກູ້ຊາກເຮືອບິນ ແລະ ກ່ອງດຳ

ວັນທີ 24 ຕຸລາ 2013 ຜ່ານມານີ້, ທ່ານ ອິວ ກາໂມນາ ເອກອັກຄະລັດຖະທູດຝຣັ່ງ ປະຈຳລາວໄດ້ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈຳປາສັກ ເພື່ອຕິດຕາມຄວາມຄືບໜ້າໃນການຊອກຄົ້ນກູ້ໄພຊາກສົບຜູ້ຖືກເຄາະຮ້າຍ ແລະ ຊາກເຮືອບິນ Qv 301 ຂອງສາຍການບິນລາວທີ່ເກີດອຸບັດເຫດໃນວັນທີ 16 ຕຸລາ ທີ່ຜ່ານມາ.
ການມາເຄື່ອນໄຫວຢູ່ຈຳປາສັກເທື່ອນີ້ກ່ອນອື່ນ ທ່ານ ອິວ ກາໂມນາ ໄດ້ເຂົ້າພົບປະຢ້ຽມຢາມທ່ານດຣ. ສອນໄຊ ສີພັນດອນ ເຈົ້າແຂວງໆຈຳປາສັກ ຢູ່ທີ່ສຳນັກງານປົກຄອງແຂວງ ເພື່ອແຈ້ງຈຸດປະສົງ ແລະ ໃນໂອກາດດຽວກັນນີ້ ທ່ານ ເຈົ້າແຂວງໆຈຳປາສັກກໍ່ໄດ້ລາຍງານຄວາມຄືບໜ້າການຊອກຄົ້ນກູ້ໄພຊາກສົບຜູ້ຖືກເຄາະຮ້າຍ ແລະ ຊາກເຮືອບິນ ລວມທັງການຊອກຄົ້ນກ່ອງດຳ ແລະ ການອຳນວຍຄວາມສະດວກ, ການປະຕິບັດນະໂຍບາຍຕ່າງໆ ຕໍ່ຜູ້ຖືກເຄາະຮ້າຍໃນຄັ້ງນີ້ໃຫ້ທ່ານ ເອກອັກຄະລັດຖະທູດຝຣັ່ງຮັບຊາບໂດຍສັງເຂບ.
ຈາກນັ້ນ ທ່ານ ອິວ ກາໂມນາ ກໍ່ໄດ້ຕາງໜ້າລັດຖະບານຝຣັ່ງສະແດງຄວາມໂສກເສົ້າເສຍໃຈຢ່າງສຸດຊຶ້ງຕໍ່ກັບອຸບັດເຫດເຮືອບິນຕົກຄັ້ງນີ້ ເພາະຖືເປັນໄພພິບັດຄັ້ງຮ້າຍແຮງສຳລັບພັກ, ລັດຖະບານ ແລະ ປະຊາຊົນລາວ, ເຊິ່ງລັດຖະບານຝຣັ່ງກໍ່ໄດ້ຈັດສົ່ງຊ່ຽວຊານ ແລະ ວິຊາການມາຊ່ວຍເຫຼືອຊອກຄົ້ນກູ້ໄພໃນເຫດການຄັ້ງນີ້ດ້ວຍ.
ພ້ອມນີ້ ທ່ານ ອິວ ກາໂມນາ ກໍ່ໄດ້ໄປວາງພວງມາລາຢູ່ທ່າເຮືອແຮ່-ຊາຍສິດທິໄຊ ບ້ານຫ້ວຍເລົາ ເມືອງປາກເຊ ເພື່ອໄຫວ້ອາໄລແດ່ຜູ້ທີ່ເສຍຊີວິດຈາກເຫດການຄັ້ງນີ້, ຈາກນັ້ນກໍ່ເດີນທາງໄປຕິດຕາມຄວາມຄືບໜ້າການຊອກສະແກນຫາສັນຍານກ່ອງດຳຢູ່ຈຸດທີ່ພົບຊາກເຮືອບິນ, ໂດຍມີ ທ່ານ ດຣ.ບຸນຖອງ ດີວິໄຊ ຮອງເຈົ້າແຂວງໆຈຳປາສັກ ນຳໜ້າພາທາງ ແລະ ມີເຈົ້າໜ້າທີ່ກ່ຽວຂ້ອງເຂົ້າຮ່ວມ.

ມື້ນີ້ສາມາດເອົາແຕ່ປີກມັນຂຶ້ນໄດ້.

https://www.facebook.com/photo.php?v=547942778607096