ທຸຣະກິຈຂົນສົ່ງໃນລາວ ເສັຽຜົນ ປໂຍດ

ທຸຣະກິຈຂົນສົ່ງສິນຄ້າຢູ່ລາວ ໄດ້ຮັບຜົນກະທົບຈາກການປະຕິບັດ ຕາມຂໍ້ຕົກລົງວ່າດ້ວຍການສົ່ງສິນຄ້າທາງບົກຮ່ວມກັບ ຈີນແລະໄທ.

ເຈົ້າໜ້າທີ່ຣະດັບສູງ ຣັຖວິສາຫະກິດຂົນສົ່ງທາງບົກແລະນໍ້າ ຜູ້ຂໍສງວນຊື່ເປິດເຜີຍ ຕໍ່ເອເຊັຍເສຣີ ເມື່ອບໍ່ດົນມານີ້ວ່າ. ການຂົນສົ່ງສິນຄ້າ ຣະ ຫວ່າງ ລາວ-ໄທ ແລະຈີນ ໂດຍການນໍາໃຊ້ເສັ້ນທາງ ເລກ3 ໃນແຂວງ ບໍ່ແກ້ວ ແລະຫລວງນໍ້າທາ ເປັນເສັ້ນທາງຫລັກ ໃນການເຊື່ອມຕໍ່ຣະ ຫວ່າງກັນນັ້ນ ໄດ້ສົ່ງຜົນກະທົບຢ່າງໜັກ ຕໍ່ທຸຣະກິດຂົນສົ່ງສິນຄ້າໃນລາວ.

ທັ້ງນີ້ເນື່ອງຈາກວ່າຣະບົບ One Stop Service ທີ່ອະນຸຍາດໃຫ້ຣົຖຂົນສົ່ງສິນຄ້າຈີນແລະໄທ ສາມາດແລ່ນຜ່ານເຂດແດນລາວໄດ້ຢ່າງ ສະ ບາຍນັ້ນ ເຮັດໃຫ້ທຸຣະກິຈຂົນສົ່ງຂອງຝ່າຍລາວ ເສັຽຜົນປໂຍດຢ່າງໜັກ ແລະວ່າ ວິທີດຽວທີ່ທຸຣະກິດການຂົນສົ່ງລາວ ຈະດໍາເນີນຕໍ່ໄປໄດ້ຄື: ອະນຸຍາດໃຫ້ຣົດຂົນສົ່ງສີນຄ້າ ຂອງຈີນແລະຂອງໄທ ເຂົ້າຮອດແຕ່ຊາຍແດນລາວເທົ່ານັ້ນ. ດັ່ງເຈົ້າໜ້າທີ່ ທ່ານນີ້ ອະທິບາຍວ່າ:

“ຕົວຢ່າງທາງ R-3 ຣົຖຈີນຂົນມາຮອດຊາຍແດນແລ້ວ ເອົາລົງໃນສາງ ຣົຖລາວຂົນຕໍ່ໄປຮອດບໍ່ແກ້ວ, ຣົຖໄທຂົນມາໄວ້ສາງບໍ່ແກ້ວ ຣົຖລາວ ຂົນຕໍ່ ໝາຍຄວາມວ່າ ແບ່ງປັນຄວາມຮັບຜິດຊອບກັນ ຂອງແຕ່ລະ ປະເທດ ວ່າດິນຂ້ອຍ ຂ້ອຍຂັບແນ່ ແມ່ນຢູ່ ສະດວກສະບາຍ ເຈົ້າບໍ່ໄດ້ ເອົາລົງ ເຈົ້າກາຍໄປເລີຍ ຮອດປະເທດໄທ ແຕ່ເຈົ້າຂອງປະເທດ ຊິໄດ້ຫຍັງ ໄດ້ແຕ່ສ້າງຖນົນ ມູນຄ່າຫລາຍລ້ານ ດອນລ່າ ແຕ່ຜົນປໂຍດ ທີ່ໄດ້ບໍ່ມີ”.

ທັງນີ້ ໂດຍກົມການຄ້າ ຕ່າງປະເທດຂອງຈີນ ໄດ້ຄາດຫມາຍວ່າຕລອດ ປີ 2013 ນີ້ຈະມີສິນຄ້າທີ່ຂົນສົ່ງຣະຫວ່າງຈີນ ກັບໄທ ຜ່ານມາລາວ ປະມານ 6 ແສນ  ກວ່າຕັນ.