ລາວໂຮມລາວ ເພື່ອປະຊາທິປະໄຕ

ການເມືອງລາວພັກດຽວ ບຸກຄົນກຸ່ມດຽວ ກຳອຳນາດ ການບໍລິຫານກະຄົນພາຍໃນພັກ ກວດກາ ກະຄົນພາຍໃນພັກ ສ່ວນປະຊາຊົນ ມິສິດໄປບ່ອນບັດເລືອກຕັ້ງ ເຮັດຕາມເຈົ້ຫນ້າທີ່ສັ່ງ

ແລະ ມີສິດປະຕິຕາມນະໂຍບາຍຢ່າງຄັ່ງຄັດ ຫ້າມຂັດຄ້ານ ຫລື ຕໍ່ຕ້ານ ຫ້າມເດີນຂະບວນປະທ້ວງ ຕຳນິ ຕິຕຽນ ແນວທາງນະໂຍບາຍ ທີ່ພັກໄດ້ວາງອອກ.

ການສະຫມັກເລືອກຕັ້ງແມ່ນ ຄະນະກຳມະການ ລະດັບຊາດ ເປັນຜູ້ຄັດສັນ, ເຖິງຊິຢາກສະຫມັກ ຖ້າອົງການທີ່ຕົນສັງກັດ ແລະ ບໍ່ມີຄົນສະເຫນີ ກໍບໍ່ມີສິດ, ຫລືຖ້າມີຄົນ ສະເຫນີແລ້ວ ແຕ່ຄະນະກຳມະການຄັດສັນການເລືອກຕັ້ງ ບໍ່ອະນຸຍາດ ກໍບໍມີສິດລົງຮັບສະຫມັກເລືອກຕັ້ງໄດ້.​

ສ່ວນການກວດສອບກວດ ກາ ພາກປະຊາຊົນ ເຊິ່ງເປັນຄົນສ່ວນໃຫຍ່ ແທບຈະບໍ່ມີບົດບາດ ແທບຈະບໍ່ມີໂອກາດ ບໍ່ຊ່ອງທາງ ກວດສອບກວດກາ, ໃນຖານະພົນລະເມືອຂອງປະເທດ ຍ້ອນລະດັບການສຶກສາ ຍ້ອນຜູ້ບໍລິຫານ ບໍ່ເປີດໂອກາດໃຫ້ ມີຫລາຍຊ່ອງທາງ ໃນການສົ່ງຂໍ້ມູນ ຫລືຕຳນິນັ້ນໆ

ສ່ວນ ສານປະຊາຊົນ ກໍແມ່ນຄົນພາຍໃນພັກ ເປັນຜູ້ກຳອຳນາດ ຮັບຜິດຊອບ ເມືອຄະດີທີ່ມີສ່ວນກ່ຽວຂອງກັບສະມາຊິກພັກປະຊາຊົນ ກໍບໍ່ກ້າ ຍອມຮັບໄປໂດຍປະລິຍາຍ.

ສ່ວນອົງການບໍລິຫານຕ່າງໆ ທຸກລະດັບຫົວຫນ້າເຂດ ເຈົ້າເມືອງ ເຈົ້າແຂວງ ຫ້ອງການພະແນກຂະແຫນງ ຕ່າງໆ ແທບຈະບໍ່ມີບ່ອນຮັບຄຳຕຳນິສົ່ງຂ່າວ ຫລືບ່ອນຮ້ອງທຸກ.

ສ່ວນພວກກວດກາ ພັກລັດ ທຸກລະດັບ ນັບແຕ່ສູນກາງ ລົງຫາທ້ອງຖິ່ນ ບໍມີເວບໄຊ, ເບີໂທ ອີເມລ ລະຫັດໄປສະນີ, ເພື່ອຮັບຮ້ອງທຸກ ແກ້ໄຂປັນຫາ ພວກເຮັດຜິດລະບຽບກົດຫມາຍ ຫລື ພວກເຈົ້າຫນ້າທີ່ສວຍໃຊ້ຫນ້າທີ່

 ສະນັ້ນ ປະເທດໄດທີ່ມີພັກດຽວ ຈິງມີຄວາມສະຫງົບ ຍ້ອນປະຊາຊົນປະທ້ວງ ຕຳນິິຕິຕຽນບໍໄດ້ເດັດ ຂາດ ມີແຕ່ຍ້ອງຍໍສັນລະເສີນໄດ້ເທົ່ານັ້ນ.

ແລະເຫັນເວບຕ່າງໆ ຂອງພັກລັດມີຫລາຍເວບແຕ່ບໍມີເວບໄດທີ່ເປີດໂອກາດໃຫ້ສະແດງຄວາມເຫັນແບບກົງໄປກົງມານອກຈາກຍ້ອງຍໍເທົ່ານັ້ນ.

ເດັດນ້ອຍກໍ່ຍັງຮູ້ດີການເມືອງນໍ້າເນົ່າເໝັມຈົນບໍ່ຈັກຊື່ເວົ້າ

ใจร้ายจัง