ການເມືອງລາວໃນປີໜ້າ

ຄວາມພຍາຍາມຂອງຣັຖບານລາວ ທີ່ເຄີຍດຶງດູດເອົາການລົງທຶນ ຈາກຕ່າງປະເທດເຊັ່ນ: ຍີ່ປຸ່ນ ເກົາຫລີໃຕ້ ແລະຢູໂຣບນອກເໜືອຈາກ ປະ ເທດເພື່ອນບ້ານ ໄທ ວຽດນາມ ແລະຈີນ

ທີ່ຣັຖບານລາວໄດ້ມານັ້ນ ເຫັນວ່າເປັນທິດທາງ ທີ່ຖືກຕ້ອງເພື່ອຫລີກລ້ຽງ ການອີງຕໍ່ນໍາແຕ່ບາງປະ ເທດເທົ່ານັ້ນ. ນັ້ນຄືຄໍາເຫັນຂອງໜັງສືພິມ ຕິດຕາມ ທຸຣະກິດອອນລາວ ຫລື ມີໂຕຍໍ່ວ່າ BMI.

BMI ວ່າການສ້າງເຂື່ອນໃສ່ແມ່ນໍ້າຂອງຂອງລາວ ເປັນບັນຫານຶ່ງທີ່ອາດເຮັດໃຫ້ມີຄວາມເຄັ່ງຕຶງ ຣະຫ່ວາງປະເທດລຸ່ມແມ່ນໍ້າຂອງ ດ້ວຍກັນ.

BMI ເຫັນວ່າຄວາມສ່ຽງ ການກົດຂີ່ທາງການເມືອງ ເປັນຄວາມສ່ຽງທີ່ຍິ່ງໃຫ່ຽ ສໍາລັບລາວ ທາງການເມືອງ ແລະດ້ານເສຖກິດ ໃນປີ 2014 ນີ້ ໃນເຫດຜົນທີ່ວ່າ

ສາກົນຕັດການຊ່ວຍເຫລືອລົງ ແລະຜົນສະທ້ອນ ຈາກຄວາມຮູ້ສຶກ ຂອງນັກລົງທຶນ.

BMI ວ່າໃນຫລາຍປີມານີ້ ສປປລາວພຍາຍາມຫລາຍທີ່ສຸດ ໃນການດູດດຶງເອົາການລົງທຶນໃຫ້ກ້ວາງຂວາງອອກ.

BMI ວ່າຈີນໃຫ້ການຊ່ວຍເຫລືອລາວເປັນຈໍານວນຫລວງຫລາຍໃນລະຍະສັ້ນ ແຕ່ໃນລະຍະຍາວນັ້ນຢ້ານວ່າ ມີຄວາມສ່ຽງທາງດ້ານ ເສຖກິດ ແລະການເມືອງ.

BMI ເຫັນວ່າໂຄງການສ້າງທາງຣົດໄຟຣະຫ່ວາງສອງປະເທດລາວກັບຈີນທີ່ມີມູນຄ່າ 7 ຕື້ກັບ 2 ລ້ານໂດລາ ໂດຍທີ່ເອົາທຶນຈາກຈີນແຕ່ຝ່າຍ ດຽວ ຈະບໍ່ພຽງແຕ່ມີຄວາມສ່ຽງຕໍ່

ຣະບົບງົບປະມານຂອງຣັຖບານລາວ ເທົ່ານັ້ນ, ແຕ່ມັນເປັນຄວາມສ່ຽງສູງ ທາງການເມືອງ.

BMI ວ່າບັນຫາການກົດຂີ່ຂົ່ມເຫັງດ້ານການເມືອງ ອາດນາບຂູ່ຕໍ່ເສຖກິດ. ໃນຫລາຍເດືອນມານີ້ ການຈັບຕາເບິ່ງລາວມີເພີ້ມຂື້ນ ໃນຂະນະທີ່ ປະຊາຄົມ ນານາຊາຕສືບຕໍ່ກົດດັນ

ຫາຄໍາຕອບຈາກລາວ ກ່ຽວກັບ ການຫາຍສາບສູນຂອງ ທ່ານ ສົມບັດ ສົມພອນ ນັກພັທນາຊຸມຊົນ ຫຼັງ ຈາກຣັຖບານ ປະຕິເສດບໍ່ໃຫ້ນານາຊາຕ ເຂົ້າໄປຊ່ວຍຄົ້ນຫາ

ທ່ານ ສົມບັດ ຊຶ່ງມັນບອກເຖິງວ່າ ການກົດຂີ່ຂົ່ມເຫັງ ທາງການເມືອງໃນລາວ ຍັງມີຕໍ່ໄປ.

BMI ວ່າລາວອິງຕໍ່ການຊ່ວຍເຫລືອ ແລະລົງທຶນຈາກຕ່າງປະເທດ ເວລານີ້ ເຈົ້າໜ້າທີ່ໃນສະຫະພາບຢູໂຣບຈໍານນວນນຶ່ງນາບຂູ່ວ່າຈະເອົາ ມາຕການຕໍ່ລາວຫລາຍຢ່າງແລ້ວ ຖ້າຫາກວ່າ ບັນຫານີ້ບໍ່ຖືກແກ້ໄຂ.