ກົດຫມາຍສື່ມວນຊົນໃຫມ່ ຂອງ ສປປລາວ ຖືກອະນຸມັດຈາກສະພາແຫ່ງຊາດ ໃນເດືອນກໍຣະກະດາ ປີ 2008 ແຕ່ການປະຕິບັດໃຊ້ຖືກ ເລື່ອນເວລາ ກົດຫມາຍສບັບດັ່ງກ່າວມີແຜນຈະຖືກ
ບັງຄັບໃຊ້ໃນທ້າຍປີ 2013. ອິງຕາມເນື້່ອໃນຂອງກົດຫມາຍມາຕຣາ 65 ວ່າດ້ວຍສິດ ທິ ຂອງສື່ມວນຊົນ ຂະບວນການສານ ສາມາດຈຳຄຸກນັກຂ່າວໄດ້ ຖ້າຫາກລາຍງານຂ່າວ ທີ່ສ້າງ
ຄວາມເຊື່ອມເສັຽ ແລະຄວາມປອດພັຍ ຂອງພັກຣັຖ. ທັ້ງໆທີ່ຮ່າງກົດຫມາຍນັ້ນໄດ້ຣະບຸເຖິງສິດທິ ຂອງການອອກຂ່່າວ ແຕ່ພັກຣັຖຍັງມີສິດອຳນາດ ໃນການຄວບຄຸມ ເນື້່ອໃນໃຈ ຄວາມຂ່າວ ສານ
ການພິມເຜີຍແພ່ ແລະອອກຂ່າວ ຂອງນັກຫນັງສືພີມໃນສປປລາວ.
ຜູ້ບໍຣິຫານຣະດັບສູງ ຈາກສຖານີວິທຍຸແຫ່ງຊາດ ທ່ານນື່ງເວົ້າວ່າ ກະຊວງຖແລງຂ່າວວັທນະທັມ-ການທ່ອງທ່ຽວ ໄດ້ຈັດປະຊຸມສຳມະນາ ຮ່ວມກັບບັນນາທິການຂອງຫນັງສືພິມທຸກແຫ່ງ ທຸກໆທິດ
ເພື່ອໂອ້ລົມກ່ຽວກັບການອອກຂ່າວ ໃນແຕ່ລະວັນ ແລະໃຫ້ອອກຄວາມຄິດເຫັນ ກ່ຽວກັບຂ່າວທີ່ຫລໍ່ແຫລມ.
ເຖິງແມ່ນວ່າກົດຫມາຍຣັຖທັມມະນູນລາວມາຕຣາ 44 ຈະໃຫ້ສິດເສຣິພາບແກ່ປະຊາຊົນລາວໃນການປາກເວົ້າ ການສະແດງອອກ
ການ ຊຸມນຸມ ແລະການອອກຂ່າວສານ ແຕ່ສະພາບ ໂຕຈິງນັ້ນ ປະຕິບັດບໍ່ໄດ້ເລີຍ.
