ຜູ້ນໍາປ້ອງກັນປະເທສວຽດນາມ ທ່ານ Phung Quang Thanh ພ້ອມຄນະພົບກັບຄນະຜູ້ນໍາ ປ້ອງກັນປະເທສລາວ ທ່ານ ດວງໃຈ ພິຈິດ ວັນ ທີ 6 ມົກກະຣາ 2014.
ທ່ານ ດວງໃຈ ພິຈິດ ສະແດງຄວາມຂອບໃຈວຽດນາມ ທີ່ໃຫ້ການສນັບສນູນແລະຊ່ວຍເຫລືອລາວແລະກອງທັບລາວ ໃນຫລາຍປີທີ່ີຜ່ານມາ ແລະວ່າກອງທັບປະຊາຊົນລາວຈະຢືນຢູ່ຄຽງຂ້າງກັບກອງທັບປະຊາຊົນວຽດນາມ ແລະຍຶດໝັ້ນຢູ່ໃນການພົວພັນພິເສດຣະຫວ່າງ 2 ປະເທສ ເພື່ອຄົນລຸ້ນຕໍ່ໄປ.
ທ່ານເຊື່ອວ່າການຢ້ຽມຢາມຂອງທ່ານ Phung Quang Thanh ຈະປະກອບສ່ວນເຂົ້າໃນການຮັດແໜ້ນສາຍພົວພັນມິຕພາບຄວາມສາມະຄີ ພິເສດ ແລະການຮ່ວມມືຮອບດ້ານ ລາວ-ວຽດນາມ.
ສ່ວນທ່ານ Phung Quang Thanh ກໍໄດ້ສັລເສີນຜົລສໍາເຣັດຂອງລາວ ທີ່ໄດ້ຮັບເມື່ອບໍ່ນານມານີ້ ແລະມີຄວາມຫວັງວ່າການປະຕິວັດ ໃນ ຣະຍະໃໝ່ນີ້ກອງທັບປະຊາຊົນລາວຈະໄດ້ຮັບຜົລສໍາເຣັດຢ່າງໃຫຍ່ ຫລວງ ຕາມວັດຖຸປະສົງ ທີ່ພັກແລະປະຊາຊົນວາງອອກ.
ທ່ານຢືນຢັນວ່າ ພັກ, ຣັຖ, ປະຊາຊົນ ແລະກອງທັບວຽດນາມ ຈະເຮັດສຸດຄວາມສາມາດຮ່ວມກັບຝ່າຍລາວ ເພື່ອປົກປັກຮັກສາສົ່ງເສີມແລະ ພັທນາ ມິຕພາບອັນເປັນມູນເຊື້ອຣະຫວ່າງສອງປະເທສ ເພື່ອສັນຕິພາບ ແລະຄວາມໝັ້ນຄົງຢູ່ຂົງເຂດແລະໃນທົ່ວໂລກ.
ສອງຝ່າຍໄດ້ປຶກສາຫາລືກັນເຖິງບັນຫາ ທີ່ຕ່າງຝ່າຍມີຄວາມສົນໃຈ ແລະໄດ້ຣາຍງານໃຫ້ກັນຮູ້ໂດຍຫຍໍ້ ເຖິງສະພາບເສຖກິດ-ສັງຄົມ ຂອງ ປະເທສ ເຖິງການເຄື່ອນໄຫວປ້ອງກັນປະເທສ ແລະໄດ້ລົງນາມໃນແຜນ ການຮ່ວມມືກັນ ສໍາລັບປີ 2014.
ເຮັດແນວໃດໄດ້ແນວຄົນລາວໄປຫຼົງສ້າງຮູບລູກແກວ ຊື່ໄກສອນ ຂື້ນມາວ່າເປັນຜູ້ນຳລາວ
ແລ້ວພາກັນບູຊາທົ່ວບ້ານທົ່ວເມືອງຄື ແນວນີ້ມັນກະເຮັດໃຫ້ພໍ່ມັນໄດ້ໃຈມາສັ່ງການ
ຕິກໆລະບໍ.ເປັນຫັຽງບໍ່ພາກັນສ້າງຮູບຜູ້ນຳທີ່ເປັນຄົນລາວແທ້ໆເຊັ່ນ:
ສຸພານຸວົງ,ພູມີ ວົງວິຈິດ.ສີທົນ ກົມມະດຳ,ໄຟດາງ,ທ່ານສິງກະໂປ ແລະ ອື່ນໆ
ດັ່ງນີ້ເປັນຕົ້ນ.
