ໃນອະນາຄົດຂ້າງໜ້ານີ້ ພາສາວຽດນາມ ແລະ ພາສາຈີນ ຈະກາຍເປັນຄວາມຈໍາເປັນສໍາລັບຄົນລຸ້ນໃໝ່ໃນລາວ ຫລັງຈາກລາວ ໄດ້ລົງນາມ ການຮ່ວມມືດ້ານການສຶກສາແລະວັທນະທັມກັບສອງປະເທດດັ່ງກ່າວນີ້.
ປັດຈຸບັນນັກສຶກສາລາວ ທີ່ໄປຮຽນຕໍ່ຢູ່ປະເທດວຽດນາມ ມີປະມານ 6,000 ຄົນ. ຢູ່ຈີນໃນແຕ່ລະປີ ກໍມີນັກສຶກສາລາວໄປຮຽນມີບໍ່ຕໍ່າກວ່າ 1 ພັນຄົນ. ກ່ອນນັກສຶກສາ ຫລືເຈົ້າໜ້າທີ່ ທາງການລາວຈະໄປຮຽນຕໍ່ ກໍຕ້ອງຮຽນພາສາວຽດນາມ ຫລືພາສາຈີນເສັຽກ່ອນ. ຢູ່ມະຫາວິທຍາໄລ ແຫ່ງຊາຕຂອງລາວ ກໍມີຫລັກສູດສອນ ພາສາວຽດນາມ ພາສາຈີນ ພາສາຍີ່ປຸ່ນ ພາສາໄທ ພາສາອັງກິດ ແລະ ພາສາຕ່າງປະເທດອື່ນໆແຕ່ ພາສາທີ່ເນັ້ນໜັກຫລາຍກວ່າພາສາອື່ນໆໃນລະຍະນີ້ໄດ້ແກ່ພາສາວຽດນາມ ກັບພາສາຈີນ. ສໍາລັບພາສາຈີນແລ້ວກໍມີການສອນຢູ່ໃນ ມະຫາ ວິທຍາໄລ ຂອງຈີນ ແລະຢູ່ໃນໂຮງຮຽນປະຖົມຂອງຈີນ ທີ່ຕັ້ງຢູ່ໃນລາວ.
ເມື່ອບໍ່ດົນມານີ້ໜັງສືພິມທາງການລາວເວົ້າວ່າ ພາສາວຽດນາມ ຈະຖືກນໍາມາສອນຢູ່ໃນໂຮງຮຽນຕ່າງໆຂອງລາວ ໂດຍການຈັດພາສານີ້ເຂົ້າຢູ່ ໃນຫລັກສູດການສອນ ໃນໂຮງຮຽນແລະສະຖາບັນຕ່າງໆ ທີ່ສ້າງຂຶ້ນ ໂດຍຊາວວຽດນາມທີ່ອາໄສຢູ່ໃນລາວ ແລະການສອນຈະເລີ້ມ ຂຶ້ນໃນປີ 2014 ນີ້.
ພາຍໃຕ້ສັນຍາຂໍ້ຕົກລົງຣະຫ່ວາງກະຊວງສຶກສາທິການ ແລະກິລາຂອງລາວ ກັບກະຊວງສຶກສາແລະການຝຶກອົບຮົມຂອງວຽດນາມ ຝ່າຍວຽດ ນາມຈະຝຶກສອນພາສາ ໃຫ້ເຈົ້າໜ້າທີ່ລາວ ນັກສຶກສາ ໃນມະຫາວິທຍາໄລ ນັກສຶກສາ ທີ່ຈົບປຣິນຍາ ແລ້ວແລະຊາວວຽດນາມ ໃນລາວ ຈໍາ ນວນ 400 ກວ່າຄົນ. ຝ່າຍວຽດນາມຈະແຕ່ງຕັ້ງ ຄຣູສອນພາສາວຽດນາມ ໄປສອນຢູ່ໃນໂຮງຮຽນຣັດ ແລະເອກກະຊົນ ໃນລາວ.
ຢູ່ໄກ້ເຂົາ ຮຽນພາສາເຂົາກໍ່ດີ ແຕ່ລຖບ ລາວ ຕ້ອງມີຄັນຕະລະບັດ ໄວ້
ມາຍຄວາມວ່າມີວຽກເຮັດງານທຳທີ່ຫຼາກຫຼາຍ
ມາແຕ່ຫວຽດ ໄດ້ພາສາຫວຽດ ກໍ່ຕ້ອງເຮັດວຽກນຳບໍລິສັດຫວຽດ
ຈັ່ງຊີ້ມັນກໍ່ຊ່ຳກັບວ່າ ຄົນເຮົາຖືກເຂົາຊື້ ແບບທາງອ້ອມ ສາແລ້ວ ບໍ່ດີ
ແປພັກ
ແຕ່ບໍ່ສຳຄັນເທົ່າພາສາລາວ ກັບ ອັງກິດ ຢູ່ແລ້ວ
