ບໍລິສັດພູເບ້ຍມາຍນິງ ວາງເປົ້າໝາຍຜະລິດຄຳ ກວ່າ 1 ແສນອອນໃນປີ 2014ຕາມການເປີດເຜີຍຂອງທ່ານ ຣີຊາດ ເທເລີ ຜູ້ອຳນວຍການໃຫຍ່ ຝ່າຍປະສານ ງານລະຫວ່າງປະເທດຂອງບໍລິສັດພູເບ້ຍມາຍນິງຈໍາກັດ ຕໍ່ສື່ມວນຊົນ ເມື່ອວັນທີ 16 ມັງກອນ 2014 ຜ່ານມາວ່າ ບໍລິສັດພູເບ້ຍມາຍນິງ ເປັນບໍລິສັດລົງທຶນ ເອກະຊົນຕ່າງປະເທດ ໂດຍແມ່ນບໍລິສັດ ແພນອອສ ຖືຫຸ້ນ 90% ແລະ ລັດຖະບານລາວຫຸ້ນ 10% ມາຮອດປັດຈຸບັນ ໄດ້ລົງທຶນຮວມມູນຄ່າທັງໝົດ 1.000 ລ້ານໂດລາສະຫະລັດ ມີເນື້ອທີ່ສຳປະທານທັງໝົດ 2.631 ກິໂລແມັດ ໃນນັ້ນ ໄດ້ລົງມືຂຸດຄົ້ນບໍ່ຄຳ ເງິນ ທອງ ຢູ່ 2 ແຫ່ງຄື: ໂຮງງານຂຸດຄົ້ນບໍ່ຄຳ ເງິນ ທອງ ພູຄຳ ແລະ ໂຮງງານຂຸດຄົ້ນຊຸດຄົ້ນຄຳ ເງິນ ທອງ ບ້ານຫ້ວຍຊາຍ ມີສະຖານທີ່ຕັ້ງຢູ່ແຂວງໄຊສົມບູນ ນອກນີ້ ຍັງມີໂຄງການອື່ນໆອີກຈຳນວນໜຶ່ງ ທີ່ພວມສຶກສາສຳຫລວດຢູ່ ຂະນະທີ່ທ່ານ ທ໋ອບ ອັດເຊີ ອຳນວຍການໃຫຍ່ ປະຈຳພາກພື້ນອາຊີຕາເວັນອອກສຽງໃຕ້ ບໍລິສັດແພນອອສ ກ່າວວ່າ ສະພາບ ການຜະລິດໃນປີ 2013 ໄຕມາດທີ 3 ສາມາດຜະລິດທອງໄດ້ 17.124 ໂຕນ ຄຳ 47.186 ອອນ ແລະ ເງິນ 228.459 ອອນ ຊຶ່ງການຜະລິດປຸງແຕ່ງແຮ່ ແມ່ນສ້າງສະຖິຕິໄດ້ທັງໂຮງງານພູຄຳ ແລະບ້ານຫ້ວຍຊາຍ ເນື່ອງຈາກໂຄງການ ໄດ້ປັບປຸງປະສິດຕິພາບການຜະລິດ ເພີ່ມອັດຕາການດຳເນີນງານລື່ນອັດຕາທີ່ ກຳນົດໄວ້ ແລະຍັງຄາດວ່າການຜະລິດທອງຂອງໂຮງງານດັ່ງກ່າວຈະເພີ່ມຂຶ້ນ ໃນປະລິມານສູງສຸດ 90 ພັນໂຕນຕໍ່ປີ ສຳລັບເປົ້າໝາຍການຜະລິດໃນປີ 2014 ໄດ້ຕັ້ງເປົ້າໄວ້ຈະຜະລິດທອງ 65.000-70.000ໂຕນ ຜະລິດຄຳ 160.000- 165.000 ອອນ ແລະ ເງິນ 1 ລ້ານກວ່າອອນ.
