ລາວໂຮມລາວ ເພື່ອປະຊາທິປະໄຕ

ຈັດໄປ 20 ກວ່າຄັ້ງແລ້ວ ພາຍໃນເວລາພຽງ 40 ກວ່າວັນ ຂອງປີ 2014, ທີ່ເຫດການໄຟໄໝ້ ຢູ່ນະຄອນຫຼວງວຽງຈັນ, ນອກນີ້ຍັງມີ ໄຟໄໝ້ຮ້າຍແຮງຢູ່ ແຂວງຫຼວງພະບາງ, ລູກຊົ່ວຈູດເຮືອນຕົນເອງຢູ່ຊຽງຂວາງ, ແລະ ບ່ອນອື່ນໆ. ເຊິ່ງເຫັນວ່າຫຼາຍຈົນໜ້າວິຕົກ.

ສາເຫດທີ່ເຫັນໄດ້ຊັດເຈນແມ່ນ ບັນຫາຂອງລະບົບໄຟຟ້າ, ສາຍໄຟຟ້າເກົ່າ, ອຸປະກອນໄຟຟ້າ ໃຊ້ຫຼາຍເກີນກຳລັງ, ຈູດທູບທຽງປະໄວ້ ຢ່າງປະໝາດ ແລະ ອື່ນໆ. ເຊິ່ງບໍ່ມີໃຜຈະປາຖະໜາໃຫ້ມັນເກີດຂຶ້ນ. ແຕ່ເມື່ອມັນເກີດຂຶ້ນແລ້ວ ຕ້ອງໄດ້ມີການ ຕອບໂຕ້ເພື່ອຊ່ວຍໃນການດັບໄຟ ຢ່າງທັນທີ ແລະ ມີປະສິດທິພາບທີ່ສຸດ. ຈາກເຫດການທີ່ຜ່ານມາ ສັງເກດເລີຍວ່າ ການຊ່ວຍເຫຼືອ ແມ່ນຍັງບໍ່ທັນການ ເວົ້າງ່າຍ ໄຟໄໝ້ກ້ຽງ ເປັນສ່ວນໃຫຍ່.

ກ່ອນອື່ນຕ້ອງຊົມເຊີຍອ້າຍນ້ອງໜ່ວຍດັບເພີ່ງ ທີ່ພວກເຂົາຕ້ອງໄດ້ເຮັດວຽກຢ່າງໜັກ ໄລຍະນີ້ ເພື່ອຈະຊ່ວຍ ດັບໄຟ ເພື່ອກອບກູ້ເອົາຊັບສິນ ແຕ່ມັນກໍ່ສຸດວິໄສ. ເຖິງຢ່າງໃດກໍ່ດີ, ສິ່ງທີ່ຄວນກຽມພ້ອມ ເພື່ອຕອບໂຕ້ກັບ ອັກຄີໄພນີ້ ພວກເຮົາ ໂດຍສະເພາະ ພາກສ່ວນກ່ຽວຂ້ອງ ຄວນໄດ້ເພີ່ມມາດຕະກາດ, ເພີ່ມຄວາມອາດສະມາດ, ແລະ ພາຫະນະ ອຸປະກອນໃຫ້ຫຼາຍກວ່ານີ້.

ຈາກວິດີໂອ ໄຟໄໝ້ ບ້ານພັກເຈົ້າໜ້າ ທີ່ສະພານທອງເໜືອ ມື້ວານນີ້ຕອນບ່າຍ ປະມານ 11:40 ນັ້ນ, ເຫັນວ່າມີຫຼາຍຢ່າງ ທີ່ໜ່ວຍງານດັບເພີ່ງຕ້ອງໄດ້ເອົາໃຈໃສຕື່ມ.

1. ຄວາມພ້ອມ ແລະ ອຸປະກອນດັບເພີງ, ໂດຍສະເພາະລົດດັບເພີງ, ຕ້ອງໄດ້ມີປະຈຳທຸກໆ ເມືອງ ຢ່າງໜ້ອຍ ເມືອງ ລະສອງຄັນ. ອັນນີ້ໄຟໄໝ້ ຢູ່ທ່າເດື່ອ, ແລ່ນລົດຈາກທົ່ງຂັນຄຳໄປຮອດ ໄດ້ມອດແຕ່ຖ່ານ, ແຖມເກີດອຸບັດຕິເຫດ ຕຳລົດແຄມທາງເປັນຂະບວນ, ຍັງບໍ່ຮູ້ໃຜຈະຮັບຜິດຊອບ, ຫາກລົດດັບເພີງເຮັດປະກັນໄພ ຊັ້ນ 1 ໄວ້ ກໍ່ຍັງໄຄ, ບໍລິສັດ ປະກັນໄພຈະຮັບຜິດຊອບຊ່ວຍ.

2. ພະນັກງານດັບເພີງ ຕ້ອງໄດ້ເຝີກເປັນປະຈຳ ແລະ ເອົາຄົນທີ່ຫ້າວຫັນ ແຂງແຮງ, ຈຶກຈັກກວ່ານີ້ ແລະ ສຳຄັນ ຕ້ອງມີໄຫວພິບ ເພື່ອຈະເຮັດການຕອບໂຕ້ກັບ ໄຟ. ຈາກວິດີໂອຂ້າງລຸ່ມ ລົດມາຮອດ ແລ້ວ ກ້ຽວໄປວຽນມາ ກິນເວລາໄປ ກວ່າ 5 ນາທີ່ ກະຍັງບໍ່ໄດ້ ສີດນ້ຳ! ໄຟກະໄໝ້ໝົດກ່ອນແລ້ວ. ເຫັນແລ້ວຈົນຄັນແຂ້ວ ຢາກແລ່ນ ໄປຈັບຫົວສີດນ້ຳຊ່ວຍພຸ້ນແລ້ວ.

3. ຖ້າເປັນໄປໄດ້ ຄວນຈະເຮັດ ປ້ອມເຝົ້າລະວັງ ເພາະນະຄອນຫຼວງວຽງຈັນ ມີພື້ນເປັນທົງຮາບ, ການຈະສ້າງປ້ອມເຝົ້າລະວັງ ຄືແບບ ຫໍໄອເຟວ ຢູ່ສະຖານີໂທລະພາບແຫ່ງຊາດ ເພື່ອເຝົ້າລະວັງ ອັກຄີໄພ ຫຼື ເຫດຮ້າຍອື່ນໆ ກໍ່ຈະເປັນການດີ. ເຮັດໄວ້ຈັກ ສາມສີ່ຈຸດ, ຫົວເມືອງ, ກາງເມືອງ, ທ້າຍເມືອງ. ຮັບຮອງວ່າການຊ່ວຍເຫຼືອຈະວ່ອງໄວຂຶ້ນກວ່າເກົ່າ. ທັງເອົາເປັນປ້ອມເພື່ອຈັບ ແລະ ປັບໃໝ ພວກທີ່ມັກ ຈູດຂີ້ເຫຍື້ອ ໂລເລ ອັນເປັນການທຳລາຍ ສະພາບແວດລ້ອມ.

4. ຮຽກຮ້ອງໃຫ້ບັນດາບໍລິສັດ ໃຫຍ່ໆ ເຊັ່ນເບຍລາວ, ພູເບຍມາຍນິງ, MMG ຊື້ລົດດັບເພີງບໍລິຈາກ ບໍລິສັດລະ ຄັນ ກໍ່ຈະເປັນການດີ.

5. ຕ້ອງມີການໃຫ້ການສຶກສາ ແລະ ຄວາມຮູ້ພື້ນຖານ ເລື່ອງການຮັບມືກັບ ອັກຄີໄພ ໃນຫຼັກສູດການຮຽນຂອງມັດທະຍົມ ຫຼື ແຕ່ປະຖົມ ແຮງດີ. ເອົາເຂົ້າເປັນວິຊາບັງຄັບ, ໂດຍລວມເອົາ ເລື່ອງອັກຄີໄພ, ການປະຖົມພະຍາບານເບື້ອງຕົ້ນ, ແລະ ອື່ນໆ ທີ່ກ່ຽວກັບ ການຕອບສະໜອງເລື່ອງສຸກເສີນ.

ກໍ່ຕ້ອງຂໍອະໄພ ຫາກບາງຄຳເຫັນຂ້າງເທີງມັນຫາກ ບໍ່ມ່ວນຫູປານໃດ, ແຕ່ຖ້າມັນເປັນປະໂຫຍດ ກໍ່ຢາກໃຫ້ເອົາໄປປະຕິບັດ ເພື່ອຜົນປະໂຫຍດ ໂດຍລວມຂອງສັງຄົມ.

https://www.facebook.com/photo.php?v=717363751628633&set=vb.629940653704277

ໜ້າເປັນຫວ່ງ ໃນຕົວເມືອງນະຄອນຫລວງວຽງຈັນ ມີອາຄານແລະຕຶກສູງຫລາຍຊັ້ນ

ແຕ່ລົດດັບໄຟລຸ້ນນີ້ ຍັງບໍ່ມີພໍຄັນ ນີ້ຄືຄວາມ ສະລາດສອງໃສ ຂອງພັກລັດ