ລັດວິສາຫະກິດຫວຍພັດທະນາ ຈະເປີດໃຫ້ມີການ ພະນັນ ບານເຕະ ຢ່າງຖືກກົດໝາຍ.
ກ່ອນອື່ນ, ຮັກລາວ ຂໍຈົ່ມຈາກໃຈກ່ອນວ່າ ຜູ້ທີ່ສະເໜີໃຫ້ມີການສົ່ງເສີມ ການພະນັນແບບນີ້ ໄດ້ມີການປະເມີນເລື່ອງຜົນກະທົບທາງສັງຄົມແລ້ວບໍ່, ແຕ່ຮັກລາວເຊື່ອແນ່ວ່າ ໄດ້ມີການຄິດໄລ່ວ່າຈະໄດ້ກຳໄລຢ່າງມະຫາສານແນ່ນອນ. ເອົາບັນຫາທີ່ ເຫັນທຸກມື້ນີ້ກ່ອນ ແມ່ນຂາຍເລກຂາຍຫວຍ ທຸກວັນ ອັງຄານ ແລະ ວັນສຸກ ທົ່ວບ້ານທົ່ວເມືອງ ແລ້ວ, ເຊິ່ງບັນຫານີ້ ເປັນການສົ່ງເສີມໃຫ້ຄົນຄິດ ເພີຝັນ ໃນສິ່ງທີ່ ເປັນໄປໄດ້ຍາກ ຫຼື ເກືອບວ່າ ເປັນບໍ່ໄດ້ ທີ່ຈະຖືກເລກ. ຊ້ຳບໍ່ໜຳ ເຮັດໃຫ້ຄົນທີ່ ທຸກຍິ່ງທຸກຊ້ຳ ແລະ ຮັກລາວກໍ່ບໍ່ເຄີຍເຫັນໃຜ ໃນປະເທດລາວ ທີ່ລວຍຍ້ອນຖືກເລກ. ຄວນອອກເດືອນລະຄັ້ງໄດ້ບໍ່? ກ້າວມາຫາເລື່ອງການພະນັນບັນເຕະ, ຢາກໃຫ້ພິຈາລະນາຄືນໃໝ່ ບໍ່ຄວນໃຫ້ມີ. ຮັກລາວຍັງຈື່ໄດ້ວ່າ ຫຼັງຈາກປະເທດລາວ ປົດປ່ອຍອອກຈາກແອກປົກຄອງ ໃນປີ 1975, ລັດຖະບານໄດ້ຄຸມເຂັ້ມ ແລະ ເດັດຂາດ ໃນການປາບປາມ ການພະນັນທຸກຮູບແບບ, ເລື່ອງໂສເພນີ ແລະ ບັນຫາສັງຄົມອື່ນໆ. ແຕ່ເປັນຫຍັງດຽວນີ້ ຈິ່ງມີການສົ່ງເສີມເລື່ອງນີ້ຫຼາຍແທ້. ຢ່າລື່ມວ່າບັນພະບູລຸດເຄີຍກ່າວໄວ້ວ່າ: ໂຈນຂຶ້ນເຮືອນ 100 ຄັ້ງ ກໍ່ບໍ່ເທົ່າໄຟໄໝ້ເຮືອນ 1 ຄັ້ງ, ໄຟໄໝ້ເຮືອນ 10 ຄັ້ງກໍ່ບໍ່ເທົ່າ ຕິດການພະນັນ. ເປັນຫຍັງຄືວ່າຊັ້ນ, ໄຟໄໝ້ເຮືອນ ກໍ່ຍັງເຫຼືອດິນ ເອົາໄປຂາຍ. ແຕ່ຕິດການພະນັນ ແມ່ນຈະຖືກຍຶດເອົາຈົນໝົດເນື້ອໝົດຕົວ. ແລະ ເຫັນຫຼາຍຄອບຄົວ ຕ້ອງແຕກແຍກ ຍ້ອນການພະນັນ. ຮັກລາວເຊື່ອແນ່ວ່າ ຂໍ້ຄວາມນີ້ ອາດຈະເຮັດໃຫ້ຜູ້ໃຫຍ່ ຫຼາຍຄົນບໍ່ພໍໃຈ, ແຕ່ຢາກໃຫ້ເຂົ້າໃຈຜົນກະທົບ, ໂດຍສະເພາະໄວລຸ້ນ ຫຼື ຄົນຮຸ່ນໃໝ່ ພວກເຂົາຈະຄິດວ່າ ບ້ານເມືອງເຮົາຈະກາຍ ເປັນບ່ອນມົ້ວສຸມຂອງການພະນັນທຸກຮູບແບບ. ຢາກໃຫ້ເບິ່ງຕົວຢ່າງ ປະເທດໄທ ເຖິງວ່າບ້ານເຂົາຈະມີຄົນຕິດການພະນັນ ແລະ ມັກຫຼາຍ, ລັດຖະບານ ກໍ່ຍັງຫ້າມບໍ່ໃຫ້ມີການພະນັນ, ຄາຊິໂນ ກໍ່ບໍ່ໃຫ້ມີ ເພາະ ພວກເຂົາຮູ້ວ່າ ນີ້ມັນເປັນຕົ້ນເຫດຂອງບັນຫາສັງຄົມ. ບໍ່ຢາກໃຫ້ໄປເວົ້າວ່າ ປະເທດນັ້ນ ປະເທດນີ້ ກະມີການພະນັນຖືກກົດໝາຍ, ແນວອັນບໍ່ດີ ຊິໄປຮຽນແບບນຳ ເຂົາເຮັດຫຍັງ. ອີກເທື່ອໜຶ່ງຢາກໃຫ້ທ່ານຜູ້ໃຫຍ່ ທີ່ນຳພາປະເທດຊາດບ້ານເມືອງ, ຊ່ວຍພິຈາລະນາບັນຫານີ້ ກ່ອນທີ່ມັນຈະສວາຍເກີນໄປ. ໂດຍ: ຮັກລາວ
Anonymous wrote:ລັດວິສາຫະກິດຫວຍພັດທະນາ ຈະເປີດໃຫ້ມີການ ພະນັນ ບານເຕະ ຢ່າງຖືກກົດໝາຍ. ກ່ອນອື່ນ, ຮັກລາວ ຂໍຈົ່ມຈາກໃຈກ່ອນວ່າ ຜູ້ທີ່ສະເໜີໃຫ້ມີການສົ່ງເສີມ ການພະນັນແບບນີ້ ໄດ້ມີການປະເມີນເລື່ອງຜົນກະທົບທາງສັງຄົມແລ້ວບໍ່, ແຕ່ຮັກລາວເຊື່ອແນ່ວ່າ ໄດ້ມີການຄິດໄລ່ວ່າຈະໄດ້ກຳໄລຢ່າງມະຫາສານແນ່ນອນ. ເອົາບັນຫາທີ່ ເຫັນທຸກມື້ນີ້ກ່ອນ ແມ່ນຂາຍເລກຂາຍຫວຍ ທຸກວັນ ອັງຄານ ແລະ ວັນສຸກ ທົ່ວບ້ານທົ່ວເມືອງ ແລ້ວ, ເຊິ່ງບັນຫານີ້ ເປັນການສົ່ງເສີມໃຫ້ຄົນຄິດ ເພີຝັນ ໃນສິ່ງທີ່ ເປັນໄປໄດ້ຍາກ ຫຼື ເກືອບວ່າ ເປັນບໍ່ໄດ້ ທີ່ຈະຖືກເລກ. ຊ້ຳບໍ່ໜຳ ເຮັດໃຫ້ຄົນທີ່ ທຸກຍິ່ງທຸກຊ້ຳ ແລະ ຮັກລາວກໍ່ບໍ່ເຄີຍເຫັນໃຜ ໃນປະເທດລາວ ທີ່ລວຍຍ້ອນຖືກເລກ. ຄວນອອກເດືອນລະຄັ້ງໄດ້ບໍ່? ກ້າວມາຫາເລື່ອງການພະນັນບັນເຕະ, ຢາກໃຫ້ພິຈາລະນາຄືນໃໝ່ ບໍ່ຄວນໃຫ້ມີ. ຮັກລາວຍັງຈື່ໄດ້ວ່າ ຫຼັງຈາກປະເທດລາວ ປົດປ່ອຍອອກຈາກແອກປົກຄອງ ໃນປີ 1975, ລັດຖະບານໄດ້ຄຸມເຂັ້ມ ແລະ ເດັດຂາດ ໃນການປາບປາມ ການພະນັນທຸກຮູບແບບ, ເລື່ອງໂສເພນີ ແລະ ບັນຫາສັງຄົມອື່ນໆ. ແຕ່ເປັນຫຍັງດຽວນີ້ ຈິ່ງມີການສົ່ງເສີມເລື່ອງນີ້ຫຼາຍແທ້. ຢ່າລື່ມວ່າບັນພະບູລຸດເຄີຍກ່າວໄວ້ວ່າ: ໂຈນຂຶ້ນເຮືອນ 100 ຄັ້ງ ກໍ່ບໍ່ເທົ່າໄຟໄໝ້ເຮືອນ 1 ຄັ້ງ, ໄຟໄໝ້ເຮືອນ 10 ຄັ້ງກໍ່ບໍ່ເທົ່າ ຕິດການພະນັນ. ເປັນຫຍັງຄືວ່າຊັ້ນ, ໄຟໄໝ້ເຮືອນ ກໍ່ຍັງເຫຼືອດິນ ເອົາໄປຂາຍ. ແຕ່ຕິດການພະນັນ ແມ່ນຈະຖືກຍຶດເອົາຈົນໝົດເນື້ອໝົດຕົວ. ແລະ ເຫັນຫຼາຍຄອບຄົວ ຕ້ອງແຕກແຍກ ຍ້ອນການພະນັນ. ຮັກລາວເຊື່ອແນ່ວ່າ ຂໍ້ຄວາມນີ້ ອາດຈະເຮັດໃຫ້ຜູ້ໃຫຍ່ ຫຼາຍຄົນບໍ່ພໍໃຈ, ແຕ່ຢາກໃຫ້ເຂົ້າໃຈຜົນກະທົບ, ໂດຍສະເພາະໄວລຸ້ນ ຫຼື ຄົນຮຸ່ນໃໝ່ ພວກເຂົາຈະຄິດວ່າ ບ້ານເມືອງເຮົາຈະກາຍ ເປັນບ່ອນມົ້ວສຸມຂອງການພະນັນທຸກຮູບແບບ. ຢາກໃຫ້ເບິ່ງຕົວຢ່າງ ປະເທດໄທ ເຖິງວ່າບ້ານເຂົາຈະມີຄົນຕິດການພະນັນ ແລະ ມັກຫຼາຍ, ລັດຖະບານ ກໍ່ຍັງຫ້າມບໍ່ໃຫ້ມີການພະນັນ, ຄາຊິໂນ ກໍ່ບໍ່ໃຫ້ມີ ເພາະ ພວກເຂົາຮູ້ວ່າ ນີ້ມັນເປັນຕົ້ນເຫດຂອງບັນຫາສັງຄົມ. ບໍ່ຢາກໃຫ້ໄປເວົ້າວ່າ ປະເທດນັ້ນ ປະເທດນີ້ ກະມີການພະນັນຖືກກົດໝາຍ, ແນວອັນບໍ່ດີ ຊິໄປຮຽນແບບນຳ ເຂົາເຮັດຫຍັງ. ອີກເທື່ອໜຶ່ງຢາກໃຫ້ທ່ານຜູ້ໃຫຍ່ ທີ່ນຳພາປະເທດຊາດບ້ານເມືອງ, ຊ່ວຍພິຈາລະນາບັນຫານີ້ ກ່ອນທີ່ມັນຈະສວາຍເກີນໄປ. ໂດຍ: ຮັກລາວ
ແນວຄິດຂອງຜູ້ນຳທີ່ຮຽນຈົບປໍສາມມາປົກຄອງປະເທດຈຶ່ງຊອກຫາເຫຕແລະຜົນບໍ່ເຫັນ ດັ່ງທີ່ທ່ານໄດ້ອະທິບາຍມາຂ້າງຕົ້ນ
ເວົ້າລວມເວົ້າສະເພາະລະແມ່ນວ່າ ພວກກົບຕາລໍຕົກນ້ຳສ່າງ ຈຶ່ງບໍ່ຮູ້ກວ້າງເຫັນໄກ....
ບໍ່ແມ່ນພວກພັກລັດພາກັນເປັນບ້າຫວາຈຶ່ງມາສນັບສນູນໃຫ້ປະຊາຊົນ
ມົ້ວສຸມໃສ່ອະບາຍະມຸກ? ເອົາໂລດພີ່ນ້ອງເອີຍ ເສັຍເງິນເສັຍຄຳ ເສັຍເຮືອນ
ເສັຍດິນ ບໍ່ມີເງີນຫລີ້ນການພະນັນໃຫ້ຂ້າໃຫ້ປຸ້ນກັນໂລດ.
ຢາບ້າ ປະສົມກັບ ການພະນັນ ມັນກໍເໝາະທີ່ສຸດແລ້ວທີ່ພັກລັດນຳເອົາອອກ
ມາເບື່ອເມົາປະຊາຊົນ ເມື່ອປະຊາຊົນຕິດສອງຢ່າງນີ້ແລ້ວຜົນສຸດທ້າຍກໍນຳເອົາ
ດິນໄປຂາຍໃຫ້ພັກລັດ ແລ້ວພັກລັດກໍບໍ່ຈຳເປັນໄປໄລ່ທີ່ໄລ່ທາງປະຊາຊົນອີກ.
ນີ້ລະຄືຄວາມສລາດສ່ອງໃສຂອງພັກລັດອັນແທ້ຈິງ.
