ຈີນສົ່ງລັດຖະມົນຕີຊວຍກະຊວງສັນຕິບານມາສແດງຄວາມເສຍໃຈ ແລະ ໄວ້ອາໄລຕໍ່ການຈາກໄປໂດຍ
ບໍ່ມີວັນກັບຂອງການນຳຂອງລາວ.ແຕ່ບໍ່ເຫັນຂ່າວຂອງປະເທດເພື່ອນຮ່ວມຣົບຂຸມຄອງດຽວກັນ,ເຂົ້າ
ເມັດຫັກ,ຜັກເສັ້ນດຽວແບ່ງກັນກິນສົ່ງຕົວແທນມາຖາມຂ່າວມະຫາຕະໂສກຂອງລາວເລີຍ.
ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຈີນຢ້ຽມຢາມແລະສະແດງຄວາມເຫັນໃຈຕໍ່ຄອບຄົວຂອງທ່ານທອງບັນ ຕາມຂ່າວ CRI, ຕອນບ່າຍວັນທີ 19 ພຶດສະພານີ້ ທ່ານຮວງມິງ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຈີນ ໄດ້ນຳພາຄະນະເດີນທາງໄປ ຢ້ຽມຢາມແລະສະແດງຄວາມເຫັນໃຈຕໍ່ຄອບຄົວຂອງທ່ານທອງບັນ ແສງອາພອນເປັນສະເພາະ. ຕອນບ່າຍວັນທີ 19 ພຶດສະພານີ້ ຄະນະຜູ້ແທນກະຊວງປ້ອງກັນຄວາມສະຫງົບຈີນ ແລະທ່ານກ່ວນຮວາປິ່ງ ເອກອັກຄະລັດຖະທູດຈີນປະຈຳລາວ ໄດ້ໄປຢ້ຽມຢາມ ແລະສະແດງຄວາມເຫັນໃຈຕໍ່ຄອບຄົວຂອງທ່ານທອງບັນ ແສງອາພອນ. ທ່ານຮວງມິງກ່າວວ່າ, ສະຫາຍທອງບັນ ແສງອາພອນແມ່ນການນຳທີ່ດີເລີດຂອງພັກ, ລັດຖະບານແລະກະຊວງປ້ອງກັນຄວາມສະຫງົບຂອງລາວ, ແມ່ນການນຳຜູ້ດີເດັ່ນທີ່ປະຊາຊົນລາວເຄົາລົບຮັກແພງ, ກໍແມ່ນເພື່ອນມິດແລະອ້າຍນ້ອງທີ່ດີຂອງຈີນ, ຝ່າຍຈີນຮູ້ສຶກເສົ້າສະຫຼົດໃຈທີ່ສຸດຕໍ່ການສູນເສຍການນຳແລະອ້າຍນ້ອງທີ່ດີຄືແນວນີ້. ພາກສ່ວນປະຕິບັດກົດໝາຍຂອງຈີນຈະຈົດຈຳຄຸນງາມຄວາມດີຂອງສະຫາຍທອງບັນໄວ້ຈົນເທົ່າໃດໆ, ຂໍໃຫ້ພັນລະຍາຂອງສະຫາຍທອງບັນຈົ່ງຮັກສາສຸຂະພາບຂອງຕົນໃຫ້ດີ, ແລະຍິນດີຕ້ອນຮັບເພິ່ນໄປຢ້ຽມຢາມຈີນໃນເວລາອັນເໝາະສົມ. ໂອກາດດຽວກັນນີ້, ພັນລະຍາຂອງສະຫາຍທອງບັນກໍໄດ້ສະແດງຄວາມຂອບໃຈຕໍ່ການນຳຈີນທ່ານຕ່າງໆຄືທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ທ່ານເມີ້ງ ຈ້ຽນຈູ້ ກຳມະການກົມການເມືອງສູນກາງພັກກອມມູນິດຈີນ ເລຂາທິການຄະນະການເມືອງແລະກົດໝາຍສູນກາງ, ແລະທ່ານກົວເຊິ່ງຄຸ່ນ ທີ່ປຶກສາແຫ່ງລັດ, ທັງເປັນລັດຖະມົນຕີວ່າການກະຊວງປ້ອງກັນຄວາມສະຫງົບຈີນ ທີ່ໄດ້ສົ່ງໂທລະເລກໄວ້ອາໄລແລະສະແດງຄວາມເຫັນໃຈ. ທ່ານນາງກ່າວວ່າ, ຢູ່ໃນເຮືອນ, ທ່ານທອງບັນເປັນຜົວທີ່ດີ, ພໍ່ທີ່ດີ, ຢູ່ໃນໜ່ວຍງານ, ເພິ່ນໄດ້ເຮັດວຽກຢ່າງດຸໝັ່ນພາກພຽນ, ແລະເຮັດວຽກເພື່ອປະຊາຊົນຢູ່ທຸກເວລາ. ທ່ານນາງກ່າວວ່າ, ໝົດຄອບຄົວສະແດງຄວາມຂອບໃຈຕໍ່ທ່ານຮວງມິງ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຈີນແລະຄະນະຜູ້ແທນທີ່ມາຢ້ຽມຢາມ, ແລະໃຫ້ຄວາມອົບອຸ່ນຕໍ່ຄອບຄົວ ແລະຂໍຝາກຄວາມຂອບໃຈຕໍ່ເພື່ອນມິດຈີນທັງຫຼາຍທີ່ເອົາໃຈໃສ່ພວກເຮົາ.
ນາຍົກລັດຖະມົນຕີລາວຕ້ອນຮັບການເຂົ້າຢ້ຽມຄຳນັບຂອງຄະນະຜູ້ແທນກະຊວງປ້ອງກັນຄວາມສະຫງົບຈີນ ຕາມຂ່າວ CRI, ຕອນບ່າຍວັນທີ 20 ພຶດສະພານີ້,ຢູ່ຫ້ອງວ່າການລັດຖະບານ, ທ່ານທອງສິງ ທຳມະວົງ ນາຍົກລັດຖະມົນຕີລາວໄດ້ຕ້ອນຮັບຢ່າງສະໜິດສະໜົມຕໍ່ການ ເຂົ້າຢ້ຽມຄຳນັບຂອງຄະນະຜູ້ແທນກະຊວງປ້ອງກັນຄວາມສະຫງົບຈີນທີ່ໄດ້ເດີນທາງມາວຽງຈັນເພື່ອເຂົ້າຮ່ວມພິທີໄວ້ອາໄລທ່ານພົນໂທ ດວງໃຈ ພິຈິດ ກຳມະການກົມການເມືອງສູນກາງພັກ ປະຊາຊົນປະຕິວັດລາວ, ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງປ້ອງກັນ ປະເທດ, ທ່ານທອງບັນ ແສງອາພອນ ເລຂາຄະນະເລຂາທິການສູນກາງພັກປະຊາຊົນປະຕິວັດລາວ,ລັດຖະມົນຕີວ່າການກະຊວງປ້ອງກັນຄວາມສະຫງົບແລະສະຫາຍການນຳລາວ ທ່ານອື່ນໆ. ທ່ານນາຍົກລັດຖະມົນຕີທອງສິງ ທຳມະວົງໄດ້ຕາງໜ້າໃຫ້ພັກ,ລັດແລະປະຊາຊົນລາວຂອບໃຈນຳສະຫາຍການນຳສູນກາງຈີນເຊັ່ນທ່ານເລຂາທິການໃຫຍ່ສີຈິ້ນຜິງ, ທ່ານນາຍົກລັດຖະມົນຕີຫຼີເຄີ້ສ໋ຽງທີ່ໄດ້ສົ່ງໂທລະເລກສະແດງຄວາມເສົ້າສະຫຼົດໃຈໄປຍັງການນຳລາວ, ທ່ານໄດ້ກ່າວຂອບໃຈຕໍ່ຜູ້ນຳຈີນທີ່ໄດ້ມອບໝາຍໃຫ້ຄະນະຜູ້ແທນກະຊວງປ້ອງກັນຄວາມສະຫງົບເດີນທາງມາເພື່ອບັນເທົາຄວາມໂສກເສົ້າເສຍໃຈຂອງພັກ,ລັດ,ທະຫານຕຳຫຼວດແລະປະຊາຊົນລາວ. ທ່ານທອງສິງທຳມະວົງກ່າວວ່າ, ສະຫາຍພົນໂທດວງໃຈ ພິຈິດແລະສະຫາຍທອງບັນ ແສງອາພອນໄດ້ປະກອບສ່ວນເຂົ້າໃນພາລະກິດການຮ່ວມມືຮັກສາຄວາມປອດໄພລະຫວ່າງລາວ-ຈີນ, ໄດ້ປົກປັກຮັກສາສະເຖຍລະພາບແລະຄວາມປອດໄພຂອງເຂດແຄມຝັ່ງແມ່ນ້ຳຂອງ. ເຖິງວ່າສອງສະຫາຍດັ່ງກ່າວໄດ້ເຖິງແກ່ມໍລະນະກຳໃນອຸບັດເຫດຍົນຕົກກໍ່ຕາມ, ແຕ່ພັກແລະລັດຖະບານລາວຈະຮ່ວມກັບຝ່າຍຈີນເພີ່ມທະວີການຮ່ວມມືໃນຂົງເຂດຕ່າງໆຕື່ມອີກ. ໃນໄລຍະເຄື່ອນໄຫວເຮັດວຽກຢູ່ລາວ, ທ່ານຫວງມິງ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຈີນ ຫົວໜ້າຄະນະຜູ້ແທນຈີນ, ໄດ້ແລກປ່ຽນຄວາມເຫັນກັບທ່ານສົມແກ້ວ ສີລາວົງ ລັດຖະມົນຕີຊ່ວຍວ່າການຜູ້ປະຈຳການກະຊວງປ້ອງກັນຄວາມສະຫງົບລາວກ່ຽວກັບສອງຝ່າຍຈະມີການເພີ່ມທະວີການຮ່ວມມືກັນດ້ານການປາບປາມຢາເສບຕິດ,ການແລກ ປ່ຽນຂ່າວລັບ, ການຝຶກອົບຮົມພະນັກງານແລະອື່ນໆຕື່ມອີກ, ລົງເລິກການຮ່ວມມືຮັກສາ ຄວາມປອດໄພຕາມລຳແມ່ນ້ຳຂອງ. ທ່ານສົມແກ້ວ ສີລາວົງກ່າວວ່າ, ຝ່າຍລາວຈະຮ່ວມມືແບບຄຽງບ່າຄຽງໄຫຼ່ກັບຝ່າຍຈີນ, ອອກແຮງຈົນສຸດຄວາມສາມາດຂອງຕົນເພື່ອຊຸກຍູ້ໃຫ້ ການຮ່ວມມືດ້ານການປະຕິບັດກົດໝາຍແລະການຮ່ວມມືຮັກສາຄວາມປອດໄພຕາມລຳແມ່ນ້ຳຂອງໃຫ້ສືບຕໍ່ຂະຫຍາຍກ້າວສູ່ລວງເລິກຕື່ມອີກ.
