ທາງດ້ານ ສາກົນ ຝ່າຍຈີນ ກໍຍິນດີ ຮ່ວມກັບ ຝ່າຍລາວ ສືບຕໍ່ ຮັກສາ ການຕິດຕໍ່ ແລະ ປະສານງານ ກັນຢ່າງ ແໜ້ນແຟ້ນ ໃນພາກພື້ນ ແລະໃນໂລກ ພ້ອມກັນ ຊຸກຍູ້ ສາຍພົວພັນ ຈີນ-ອາຊຽນ ໃຫ້ຂຍາຍຕົວ ຢ່າງ ແຂງແຮງ ເພື່ອ ສັນຕິພາບ ຄວາມໝັ້ນຄົງ ແລະ ການພັທນາ ຂນະທີ່ຈີນ ມີຄວາມຂັດແຍ່ງ ຢ່າງຮຸນແຮງ ກັບ ວຽດນາມ ແລະ ຟີລິບປິນ ກ່ຽວກັບ ບັນຫາ ອະທິປະຕັຍ ເໜືອເຂດນໍ້າ ດິນແດນ ຢູ່ ທະເລຈີນໃຕ້ ຊຶ່ງ ຜູ້ນໍາຈີນ ອ້າງວ່າ ເປັນກັມສິດ ຂອງຕົນ ເກືອບວ່າ ທັງໝົດ.

ບັນຫານີ້ ສ້າງຄວາມ ໜັກໃຈ ເປັນຢ່າງຍິ່ງ ໃຫ້ຜູ້ນໍາ ສປປລາວ ຊຶ່ງ ທີ່ຜ່ານມາ ຍາມໃດ ກໍເຂົ້າຂ້າງ ວຽດນາມ ແລະ ຖືວຽດນາມ ມີຄວາມ ສໍາຄັນກວ່າຈີນ ຢູ່ສເມີ ດັ່ງຈະຮູ້ໄດ້ ຈາກຄໍາເຫັນ ຂອງ ທ່ານ ຈູມມະລີ ຢູ່ໃນ ບົດຣາຍງານ ການເມືອງ ຕໍ່ ກອງປະຊຸມ ໃຫຍ່ ຄັ້ງທີ 9 ຂອງ ພັກທີ່ວ່າ:

"ພັກແລະຣັຖ ເຮົາໄດ້ຍຶດໝັ້ນ ຢ່າງສເມີຕົ້ນ ສເມີປາຍ ສາຍພົວພັນ ມິຕພາບ ອັນຍິ່ງໃຫຍ່ ຄວາມ ສາມັກຄີ ພິເສດ ແລະ ການຮ່ວມມື ຮອບດ້ານ ກັບ ສສວຽດນາມ".

ຢ່າງໃດກໍຕາມ ໃນເມື່ອ ເສຖກິດ ສັງຄົມ ຂອງ ປະເທສ ຜະເຊີນກັບ ຄວາມ ຫຍຸ້ງຍາກ ສັບສົນ ທີ່ ຕົນບໍ່ສາມາດ ທີ່ ຈະແກ້ໄຂ ໃຫ້ຕົກ ໄປໄດ້ ຄືຢູ່ໃນ ປັດຈຸບັນນີ້ ຫລາຍໆຄົນ ເວົ້າວ່າ ຜູ້ນໍາ ສປປລາວ ຈໍາເປັນຕ້ອງ ໄດ້ອາສັຍ ພັຍເພິ່ງ ການຊ່ວຍເຫລືອ ຂອງຈີນ ຄືດັ່ງທີ່ ຜ່ານໆມາ. ຄວາມຫຍຸ້ງຍາກ ທີ່ ສປປລາວ ຜະເຊີນຢູ່ນີ້. ຕາມຣາຍງາຍ ຂອງ ທາງການລາວ ເອງ ແລ້ວແມ່ນວ່າ ຄາດໝາຍ ຂອງ ແຜນພັທນາ ເສຖກິດ ສັງຄົມ ສົກ ປີ 2013-2014 ທີ່ວ່າຈະ ເຮັດໃຫ້ ລວມຍອດ ມູນຄ່າ ຜລິຕພັນ ພາຍໃນ ຫລື GDP ໄດ້ 8.3% ນັ້ນ ກໍໄດ້ພຽງ ແຕ່ປະມານ 7.6%. ງົບປະມານ ບໍ່ພຽງພໍ ການເງິນ ພຽງແຕ່ ໃນຕົ້ນປີນີ້ ຣັຖກໍເສັຍ ຣາຍຮັບ ຫລາຍກວ່າ 447 ຕື້ ກີບ ອັນເປັນເຫດ ໃຫ້ຫລາຍ ໂຄງການພັທນາ ຖືກຍົກເລີກ ແມ່ນແຕ່ ພະນັກງານ ຣັຖກອນ ໃນທົ່ວປະເທສ ກໍຍັງບໍ່ໄດ້ ຮັບເງິນເດືອນ ຕາມ ປົກກະຕິ ເຮັດໃຫ້ຊີວິດ ການເປັນຢູ່ ຂອງ ພວກເຂົາເຈົ້າ ຫຍຸ້ງຍາກ ສັບສົນ ຂຶ້ນຕື່ມອີກ.

ແມ່ນແຕ່ ງົບປະມານ ທີ່ ສະພາ ແຫ່ງຊາດ ອະນຸມັດ ໃຫ້ກະຊວງ ສຶກສາທິການ ແລະ ກິລາ ແລ້ວ ກໍຍັງ ເອົາອອກມາ ໃຊ້ບໍ່ໄດ້. ຢູ່ໃນ ສັງຄົມລາວ ໂດຍ ທົ່ວໄປແລ້ວ ບໍ່ມີ ຄວາມສງົບ ອັນແທ້ຈິງ ພໍເທົ່າໃດ. ມີຫຼາຍ ບັນຫາ ທີ່ ທາງການ ແກ້ບໍ່ຕົກ ແລະ ຍັງຈະແກ້ບໍ່ຕົກ ອີກຫລາຍໆຢ່າງ ເປັນຕົ້ນ ກໍແມ່ນ ບັນຫາທີ່ດິນ ປະຊາຊົນ ຖືກບັງຄັບ ໃຫ້ອອກຈາກ ຖິ່ນຖານ ບ້ານເດີມ ຂອງ ພວກເຂົາເຈົ້າ ຍ້ອນ ຣັຖບາລ ອະນຸມັດ ໃຫ້ພວກ ສໍາປະທານ ໃນໂຄງການ ຕ່າງໆ ໄປກວມເອົາ ບັນຫາ ຢາເສບຕິດ ການ ຄ້າມະນຸດ ພັຍຫວ່າງງານ ຕລອດ ເຖິງບັນຫາ ກ່ຽວກັບ ສິດທິພື້ນຖານ ຕ່າງໆ ຂອງ ພົລເມືອງລາວ ສິດ ເສຣີພາບ ໃນ ການປາກເວົ້າ ຂີດຂຽນ ໂຮມຊຸມນຸມ ຈັດຕັ້ງ ສະມາຄົມ ການເຊື່ອຖື ສາສນາ ແລະ ສິດທິອື່ນໆ ຂອງ ພົລເມືອງ.

ກ່ຽວກັບ ບັນຫາ ທີ່ວ່ານັ້ນ ຈະຮູ້ໄດ້ ຈາກ ການຣາຍງານ ຂອງ ປະທານ ສານ ປະຊາຊົນ ສູງສຸດ ສປປລາວ ທີ່ວ່າ 1 ປີ ຜ່ານມາ ມີຄະດີ ເຂົ້າມາສານ ປະຊາຊົນ ທຸກຂັ້ນ 7,769 ເຣຶ່ອງ ຮວມໃສ່ ຄະດີ ຄ້າງມາແຕ່ ປີກ່ອນ ເປັນ 9,382 ເຣຶ່ອງ ທຽບໃສ່ ຣະຍະດຽວກັນ ຂອງ ປີຜ່ານມາ ເພີ່ມຂຶ້ນ 847 ເຣຶ່ອງ. ພຽງແຕ່ ຄໍາຮ້ອງ ຂໍຄວາມເປັນທັມ ແລະ ຂໍ້ຂັດຂ້ອງ ຂອງ ປະຊາຊົນ ຕໍ່ ສະພາ ແຫ່ງຊາດ ກໍນັບເປັນ ພັນເຣຶ່ອງ ແລ້ວ.

ບັນຫາ ທັງໝົດ ທີ່ວ່າມານັ້ນ ມີການ ວິພາກວິຈານ ກັນວ່າ ຈະຕ້ອງໄດ້ ຮັບການ ແກ້ໄຂ ຊຶ່ງຜູ້ນໍາ ພັກ-ຣັຖ ສປປລາວ ຕ້ອງມີຄວາມ ຮັບຜິດຊອບ ຈະອາສັຍແຕ່ ຄວາມສາມາດ ຂອງ ຜູ້ນໍາລາວ ແລະ ການຊ່ວຍ ເຫລືອ ຂອງ ວຽດນາມ ເທົ່ານັ້ນ ແມ່ນເປັນ ໄປບໍ່ໄດ້ ເຖິງແມ່ນ ຜູ້ນໍາພັກ ຈະສືບຕໍ່ ເພິ່ມທະວີ ການຊີ້ນໍາ ຊຸກຍູ້ ວຽກງານ ການກໍ່ສ້າງ ຮາກຖານ ການເມືອງ ພັທນາ ຊົນນະບົດ ຕິດພັນ ກັບການ ປະຕິບັດ ວຽກງານ 3 ສ້າງ ຢ່າງແຂງແຮງ ແນວໃດກໍຕາມ.

ດັ່ງນັ້ນ ຈຶ່ງຈໍາເປັນ ຕ້ອງໄດ້ໄປ ຂໍ ຄວາມຮ່ວມມື ແລະ ການຊ່ວຍເຫລືອ ຈາກຈີນ ຕື່ມອີກ ຊຶ່ງເປົ້າໝາຍ ຂອງການ ໄປຢ້ຽມຢາມ ຈີນ ຂອງ ທ່່ານ ຈູມມະລີ ໄຊຍະສອນ ທີ່ ຫາກໍ ສິ້ນສຸດລົງ ໃນວັນທີ 29 ກໍຣະກະດາ ນີ້ ກໍເປັນຄື ແນວນັ້ນ ແທ້.

ຂໍທານເອົາເິງນມາປັນກັນກິນ,ພວກໂຈນຊາດຊົ່ວ

ເຊື່ອແນ່ວ່າຈີນຕ້ອງທຸ້ມເງິນໃຫ້ ສປປ ລາວ ເພື່ອດຶງເອົາລາວອອກຈາກແກວໃຫ້ໄດ້.

ອີກບໍ່ດົນບັກຈູມຈະຖືກແກວມ້ຽນແລ້ວຍົກບັກບຸນຍັງຂຶ້ນຄອງແທນຕຳແໜ່ງປະທານ

ປະເທດ ເພາະບັກບຸນຍັງຈິດໃຈເຕັມຮ້ອຍທີ່ອາສາເປັນຂີ້ຂ້າແກວແລະຍອມມອບທຸກຢ່າງ

ໃຫ້ແກວແມ້ແຕ່ລູສາວແລະເມັຍມັນກໍຍອມເຄນໃຫ້ຖ້າແກວຕ້ອງການ. ຫລັງຈາກນັ້ນ

ຈີນກໍຈະມ້ຽນບັກບຸນຍັງແບບລັບໆແລະສ້າງຫລັກຖານໃສ່ຮ້າຍແກວວ່າເປັນຜູ້ຂ້າບັກບຸນຍັງ

ເພື່ອເຮັດໃຫ້ຄົນລາວທັ້ງປະເທດຊັງແກວ. ມັນຈະກ້ຽວໄປວຽນມາແບບນີ້ບໍ່ມີມື້ສິ້ນສຸດດອກ

ຫາກມື້ໃດຊັບໃນດິນສິນໃນນ້ຳຂອງ ສປປ ລາວຍັງບໍ່ແຫ້ງຂອດແລະພູຜາປ່າໄມ້ລາວທົ່ວປະເທດ

ໄດ້ກັບກາຍເປັນພູຫົວໂລ້ນໄປ.

ສາທຸອະນຸໂມທາມິ...........ອາແມນ.

ຂ້ອຍບໍ່ກ້າປະນາມຍາຈົກແຫ່ງຍຸດທະພົບ ແຕ່ຢາກຮູ້ວ່າ ລູກເຂີຍຫຼ້າຂອງຈູມມະລີ ໄຊຍະສອນ

ທີ່ໄດ້ຖືກລອບສັງຫານພ້ອມພົນໂທດວງໃຈ ພິຈິດ, ເຈືອງ ສົມບູນຂັນ, ສຸກັນ ມະຫາລາດ,

ທອງບັນ ແສງອຳພອນ ແລະຜູ່ເຄາະຮ້າຍອື່ນໆ ແມ່ນຄົນລາວອົບພະຍົບທີ່ເຄີຍອາໃສຢູ່

ເມືອງ Fresno ຣັຖ California ຄືທ່ານຄຳພຸກ ອິນທະວົງ ເວົ້າໃນລາຍການທີວີຂອງເພິ່ນຫຼືບໍ່?

ເພາະຕາມທີ່ໄດ້ຍິນເຂົາເວົ້າກັນໃນສະພາກາເຟ ລູກເຂີຍຂອງຈູມມະລີຄົນນຶ່ງທີ່ເປັນປະທານ

ບໍລິສັດພັດທະນາເຂດສາມລ່ຽມພາກໃຕ້ກໍ່ແມ່ນລູກຊາຍນາຍຕຳຣວດເກົ່າປະຈຳນະຄອນບານ

ເມືຶອງປາກເຊ ແຂວງເຊໂດນ.

ຍັງມີລູກຫຼານການນຳອີກຫຼາຍຄົນແຕ່ງງານສ້າງຄອບຄົວກັບລູກຫຼານອະດີດເຈົ້ານາຍຂອງ

ຣັຖບານວຽງຈັນ, ຍ້ອນເຫດຜົນໃດ?

ຂອບໃຈ.