ລາວໂຮມລາວ ເພື່ອປະຊາທິປະໄຕ

La confession de Souphanouvong avant sa mort
en 1993 - Confession of Souphanouvong .

" ປັຈສິມມະວາຈາ ຂອງສເດັດເຈົ້າສຸພານຸວົງ ກ່ອນສິ້ນພຣະຊົນ "

(ຈາກໜັງສືເຣື່ອງ"Stalking the Elephant king"
ຂຽນໂດຍທ່ານ Christopher Kremmer.)

ທ່ານ Christopher Kremmer

ເປັນນັກຂຽນ ແລະນັກໜັງສືພິມ ຊາວອອສເຕເລຍທີ່ສົນໃຈສະຖານະການໃນເອເຊັຍອາຄະເນ

ໄດ້ຂຽນປື້ມຫລາຍສະບັບ ກ່ຽວກັບສົງຄາມວຽດນາມ ກັມປູເຈັຽແລະລາວ ປະປ່ອຍໃຫ້ປະຊາຊົນ 3 ຊາດຜະເຊີນໜ້າກັບຊາຕາກັມໂດຍລຳພັງ
ພາຍໄຕ້ແອກຄອບຄອງ ຂອງຄອມມິວນີສຕ໌.

ຄວາມສົນໃຈເຫດການໃນອີນດູຈີນໂດຍສເພາະ ແມ່ນປະເທດລາວ ທຳໃຫ້ທ່ານ
ພະຍາຍາມຫລາຍຄັ້ງຫລາຍຫົນທີ່ຈະເຂົ້າໄປສັງເກດການດ້ວຍຕົນເອງ ແຕ່ກໍ ບໍ່ສາມາດ

ຜ່ານຜ່າກຳແພງໄມ້ໄຜ່ທີ່ຄອມມິວນິສຕ໌ລາວແດງ ປົກງຳຄວາມລີ້ລັບພາຍໃນປະເທດໄດ້.

ຈົນກະທັ່ງລະບອບປົກຄອງຄອມມິວນິສຕ໌ ພັງທະລາຍໃນຢູໂຣບທາງລັດທະບານຈຳເປັນຕ້ອງໄຂປະຕູ

ຂໍທານການຊ່ອຍເຫລືອຈາກປະເທດເສຣີນິຍົມ
ທາງລັດທະບານລາວ
ບໍ່ສາມາດຂັດຂວາງ ນັກຂ່າວໜັງສືພີມອອສເຕຣເລັຽຕໍ່ໄປ

ທ່ານ Christopher Kremmer
ຈິ່ງໄດ້ຮັບອະນຸຍາດໃຫ້ທ່ານເດີນທາງເຂົ້າໄປຍັງປະເທດລາວ
ໃນທ້າຍປີ ຄ.ສ 1993

ຈຸດມຸ່ງໝາຍສຳຄັນທີ່ທ່ານຕ້ອງການຊອກຮູ້ ແມ່ນຊາຕາກັມ ຂອງພຣະບາດສົມເດັດພຣະເຈົ້າມະຫາຊິວິດລາວ ແລະ
ພຣະບໍຣົມວົງສານຸວົງ ທີ່ຫາຍສາບສູນໄປແຕ່ປີ ຄ.ສ.1976

ອາສັຍໄຫວພິບຂອງນັກຂ່າວໜັງສືພິມ ຜູ້ມີປະສົບການ
ທ່ານມີໂອກາດເຂົ້າພົບເຈົ້າສຸພານຸວົງ

ທີ່ກຳລັງເຈັບໜັກທີ່ໂຮງປະທັບຄຸ້ມໂພນສະອາດ
ແລະໃນໂອກາດນີ້ເອງທີ່

ເຈົ້າສຸພານຸວົງໄດ້ເປີດເຜີຍເຣື່ອງຣາວໂດຍລະອຽດ ກ່ຽວກັບການພົວພັນກັບວຽດນາມແລະສຸດທ້າຍ

ໄດ້ຂໍຝາກວາຈາສຸດທ້າຍຜ່ານທ່ານໄປຍັງປະຊາຊົນລາວ
ເຊິ່ງມີເນື້ອໃນໃຈຄວາມດັ່ງຕໍ່ໄປນີ້ :

"ຍ້ອນຂ້າພະເຈົ້າ ບູຊາຄວາມສວຍງາມຂອງແມ່ຍິງ ຈິ່ງກາຍເປັນຄົນຫູໜວກຕາບອດໃນຊິວິດ"

ມາບັດນີ້ ຂ້າພະເຈົ້າຈຶ່ງຮູ້ວ່າ ເປັນຄວາມຜິດຢ່າງໃຫຍ່ຫລວງໃນຊິວິດຂອງຂ້າພະເຈົ້າ”.

ຂ້າພະເຈົ້າບໍ່ຄິດວ່າ ຫວຽດມິນ ຈະມີພຶດຕິກັມໂຫດຮ້າຍ
ເຖິງຂນາດນີ້ ຕໍ່ປະເທດຊາດ
ແລະປະຊາຊົນລາວຂອງພວກຂ້າພະເຈົ້າ.

ໃນຊ່ວງເວລາທີ່ຂ້າພະເຈົ້າໄປຮ່ວມມືກັບຫວຽດມີນ
ເພື່ອທຳການກູ້ຊາດນັ້ນ ໄດ້ສັນຍາວ່າ:

"ເມື່ອໃດສົງຄາມຍຸຕິລົງ ຄົນວຽດນາມກໍຕ້ອງກັບເມື່ອຢູ່
ປະເທດວຽດນາມ ຄົນລາວກໍຕ້ອງກັບເມື່ອຢູ່ປະເທດລາວ

"ເຖິງວ່າ ສັນຍາມິຕພາບລາວ-ຫວຽດ ເປັນບ້ານພີ່ເມືອງນ້ອງກັນ ຍັງໃຊ້ໄດ້ຢູ່ກໍຕາມ.

ຂ້າພະເຈົ້າບໍ່ຮູ້ວ່າ ເມື່ອໄດ້ພວກເຂົາຈະເອົາຮ່າງກາຍຂອງຂ້າພະເຈົ້າໄປຈູດເຜົາ.
ແຕ່ພຶດຕິກຳທີ່ພວກເຂົາເຈົ້າ

ກະທຳຕໍ່ປະເທດຊາດຂອງພວກຂ້າພະເຈົ້ານັ້ນ
ລຶບບໍ່ສູນກັບການຢຸດລົມຫາຍໃຈ ແລະການເຜົາສົບຂອງຂ້າພະເຈົ້າ.

ກ່ອນນີ້ ຂ້າພະເຈົ້າບໍ່ສາມາດເວົ້າອອກມາ ມີແຕ່ປະປ່ອຍມັນໄວ້ຢູ່ເບື້ອງຫລັງທໍ່ນັ້ນ.

ດັ່ງນັ້ນ ຕໍ່ໜ້າສະພາບການອັນຮ້າຍແຮງຂອງ
ປະເທດຊາດບ້ານເມືອງລາວນີ້

ຂ້າພະເຈົ້າຂໍຮຽກຮ້ອງມາຍັງພີ່ນ້ອງຮ່ວມຊາດທັງຍີງຊາຍ ລູກຫລານທຸກຊົນຊາດຊົນເຜົ່າແລະຜູ້ຊົງຄຸນວຸດທິທັງຫລາຍ

ທີ່ສຸຂພາບເຂັ້ມແຂງ ຈົ່ງມາຮ່ວມຈິດຮ່ວມໃຈກັນເຂົ້າເປັນ
ອັນນຶ່ງອັນດຽວ ເພື່ອຊຳຣະລ້າງໂທດກຳຂອງຂ້າພະເຈົ້າ

ທີ່ມີຕໍ່ປະເທດຊາດ ແລະປະຊາຊົນພົລເມືອງລາວດຽວນີ້
ຂ້າພະເຈົ້າ ບໍ່ແມ່ນເປັນຜູ້ຮັກຊາດ ແລະເຮືອ ເພື່ອຜົນປະໂຍດໃຫ້ແກ່ປະຊາຊົນອີກແລ້ວ
"ຍ້ອນຖືກພວກເຂົາຕົ້ມ”
.
ເມື່ອພວກລູກຫລານໄດ້ຍີນ ໄດ້ຟັງ ຫລືໄດ້ອ່ານຄຳຮຽກຮ້ອງນີ້ແລ້ວ ຈົ່ງຮີບຫັນປ່ຽນແນວຄິດຈິດໃຈ ໄປສູ່ທິດທາງໃໝ່

ເພື່ອປົກປັກຮັກສາປະເທດຊາດ
ແລະຊັບສົມບັດຂອງ ຊາດຂອງປະຊາຊົນ ສຳຄັນທີ່ສຸດ ແມ່ນ ຊິວິດຂອງຄວາມເປັນລາວໃວ້ໃຫ້ໝັ້ນຄົງ.”

"ພີ່ນ້ອງຮ່ວມຊາດທີ່ຮັກແພງທັງຫລາຍ ໂດຍສະເພາະແມ່ນພວກອ້າຍເອື້ອຍນ້ອງ
ແລະລູກຫລານທີ່ຢູ່ຕ່າງປະເທດ

ແມ່ນເປັນຜູ້ຮັກຊາດແພງເຊື້ອຢ່າງແທ້ຈີງ
ພວກເຈົ້າເຫັນການໄກແລະມີຄວາມຮູ້ ຄວາມສະລາດສ່ອງຊອດ ຄວາມຮັກຊາດຂອງພວກເຈົ້ານັ້ນ

ມີມາກຫລາຍ ພວກເຈົ້າຢ່າປະໃຫ້ປະເທດຊາດຕາຍ ສຳລັບພີ່ນ້ອງລູກຫລານທີ່ຢູ່ພາຍໃນປະເທດ
ຕ້ອງຮີບປະຕິຮູບຕົວເອງ ແລ້ວກອດຮັດເຂົ້າກັນໃຫ້ແໜ້ນ

ກ້າວເດີນໄປສູ່ທິດທາງໃໝ່ພິເສດສຸດແມ່ນຕ້ອງເດີນ
ໄປຕາມແນວຄິດ ຂອງພວກລູກຫລານທີ່ຢູ່ຕ່າງປະເທດ
ຖ້າພວກເຈົ້າເຂົ້າໃຈສະພາບການບ້ານເມືອງດີ

ແລະ ປະຕິບັດຕາມຄຳຮຽກຮ້ອງດັ່ງກ່າວ ພວກເຈົ້າ
ຕ້ອງຢູ່ຢ່າງໝັ້ນຄົງ ແລະມີກຽດ.

“ກ່ອນຂ້າພະເຈົ້າຈະສີ້ນຊີວີດໄປ ຂໍຝາກ
ຄວາມຮຽກຮ້ອງນີ້ໄວ້ ໃຫ້ພີ່ນ້ອງຮ່ວມຊາດທັງຫລາຍ

ຈົ່ງເອົາໃຈໃສ່ ສູ້ຊົນ ປະຕິບັດ "ຂ້າພະເຈົ້າເຊື່ອໝັ້ນວ່າ :
“ປະເທດຂອງພວກເຮົາ ຈະຕ້ອງຢູ່ຢ່າງໝັ້ນຄົງ
ແລະ ເປັນປະເທດລາວຕໍ່ໄປ.”

ໃຜສົນໃຈຫາອ່ານໄດ້ໃນປຶ້ມ
"ຫາກສຸພານຸວົງ ກັບຊາດ ມາເກິດ"

----------------------------------------------------------------------------------------------

ພາບຖ່າຍຄອບຄົວປະທານສຸພານຸວົງ
ປະທານສຸພານຸວົງ
ຢ່າວຽງຄຳ (ພັນລະຍາລຸງສຸພາ)
ປ້າຍອດແກ້ວມະນີ(ລູກສາວລຸງສຸພາ)
ສາວຍອດຄຳມະນີ(ຫລານສາວລຸງສຸພາ)