ພວກຍອມກືນກິນ ນ້ຳລາຍໂຕເອງທີ່ຖົ່ມລົງດິນແລ້ວ
ຍອມກາບ,ຍອມໄຫ່ວ,ພວກນາຍທຶນຕ່າງຊາດ ທີ່ພວກເຂົາເຄີຍປະນາມວ່າ
ເປັນສັດຕຣູໂຕຮ້າຍກາດຂອງພວກເຂົາ
ສົມສະຫວາດ ເລັ່ງສະຫວັດ ສຳເລັດການຢ້ຽມຢາມຝຣັ່ງ
ໃນໄລຍະເຄື່ອນໄຫວຢູ່ນະຄອນຫລວງປາຣີ, ທ່ານ ສົມສະ ຫວາດ ເລັ່ງສະຫວັດ ແລະ ຄະນະກໍໄດ້ພົບປະກັບທ່ານ Laurent Fabius ລັດຖະມົນຕີວ່າການກະຊວງການຕ່າງປະເທດຝຣັ່ງ ຕາມການປະສານງານຂອງສະຖານ ທູດຝຣັ່ງປະ ຈຳລາວ, ຊຶ່ງທ່ານລັດຖະມົນຕີຝຣັ່ງ ໄດ້ຕີລາຄາສູງຕໍ່ການພົວພັນທາງດ້ານການເມືອງລະຫວ່າງສອງປະເທດ ແລະ ໄດ້ສະແດງ ຄວາມຂອບໃຈຕໍ່ລັດຖະບານລາວ, ທີ່ໄດ້ຊ່ວຍແກ້ໄຂເລື່ອງການຈັດສັນທີ່ດິນໃຫ້ແກ່ໂຮງຮຽນສອນພາສາຝຣັ່ງ Hoffet ທີ່ນະຄອນຫລວງວຽງຈັນ. ນອກຈາກນັ້ນ ທັງສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ-ສັງຄົມພາຍໃນປະເທດຂອງຕົນ ແລະ ໄດ້ເຫັນດີເປັນເອກະພາບນຳກັນວ່າລາວ ແລະ ຝຣັ່ງມີຄວາມຈຳເປັນຈະຕ້ອງໄດ້ຮ່ວມ ກັນຊຸກຍູ້ການພົວພັນທາງດ້ານເສດຖະກິດ, ການຄ້າ ແລະ ການລົງທຶນໃຫ້ຫລາຍຂຶ້ນກວ່າເກົ່າເພື່ອໃຫ້ສົມຄູ່ກັບການພົວພັນ ທີ່ດີທາງດ້ານການເມືອງ ແລະ ກັບທ່າແຮງບົ່ມຊ້ອນທີ່ມີ. ທັງສອງຝ່າຍ ເຫັນດີໃຫ້ການເອົາໃຈໃສ່ເສີມຂະຫຍາຍການແລກ ປ່ຽນວັດທະນະທຳນຳກັນໃຫ້ຫລາຍຂຶ້ນກວ່າເກົ່າ ແລະ ອີງຕາມຄຳສະເໜີຂອງຝ່າຍລາວເຮົາ, ທ່ານລັດຖະມົນຕີຝຣັ່ງຕົກລົງ ເພີ່ມທຶນການສຶກສາໃຫ້ແກ່ນັກຮຽນລາວຂຶ້ນຕື່ມ 50% ຈາກຈຳນວນທຶນທີ່ມີຢູ່ໃນປັດຈຸບັນ. ນອກຈາກນັ້ນ, ຝ່າຍຝຣັ່ງຢືນຢັນ ຈະສືບຕໍ່ໃຫ້ການຮ່ວມມືກັບລາວໃນວຽກງານປົກປັກຮັກສາເມືອງມໍລະດົກໂລກຫລວງພະບາງ ແລະ ວັດພູຈຳປາສັກການຮັກ ສາຄວາມປອດໄພທາງການບິນພົນລະເຮືອນໃຫ້ໄດ້ມາດຕະຖານສາກົນ, ພ້ອມທັງຍິນດີພິຈາລະນາການຊ່ວຍເຫລືອການເປັນ ປະທານອາຊຽນຂອງ ສປປ ລາວ ໃນປີ 2016 ທີ່ຈະມາເຖິງນີ້ ຕາມຄວາມຮຽກຮ້ອງຕ້ອງການຂອງຝ່າຍລາວ.
