ພິທີຖະແຫຼງຂ່າວ ໂອກາດລະນຶກວັນຕ້ານການສໍ້ລາດບັງຫຼວງສາກົນ 9 ທັນວາ ຄົບຮອບ 11 ປີ ໄດ້ມີຂຶ້ນວັນທີ 12 ທັນວາ 2014 ຢູ່ໂຮງແຮມເສດຖາປາລັສ ນະຄອນຫຼວງວຽງຈັນ ເປັນປະທານຮ່ວມຂອງທ່ານ ບຸນປອນ ສັງສົມສັກ ຮອງປະທານອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ສປປ ລາວ ແລະ ທ່ານ Cheikh Toure ຫົວໜ້າອົງການ UNODC ປະຈຳລາວ ມີບັນດາທູຕານຸທູດ ຜູ້ຕາງໜ້າອົງການຈັດຕັ້ງສາກົນ ແລະ ແຂກຖືກເຊີນເຂົ້າຮ່ວມ.
ທ່ານ ບຸນປອນ ສັງສົມສັກ ໄດ້ກ່າວວ່າ: ສະພາບການສໍ້ລາດບັງຫຼວງ ແມ່ນບັນຫາທີ່ທຸກປະເທດໃນໂລກ ກໍ່ຄືອົງການຈັດຕັ້ງສາກົນຕ່າງໆ ໄດ້ເອົາໃຈໃສ່ສະກັດກັ້ນ ແລະ ຕ້ານດ້ວຍຫຼາຍວິທີ ແລະ ມາດຕະການທີ່ແຕ່ລະປະເທດເຫັນຄວນນຳໃຊ້ ມີສົນທິສັນຍາຂອງສະຫະປະຊາຊາດວ່າດ້ວຍການຕ້ານການສໍ້ລາດບັງຫຼວງ ແລະ ນິຕິກຳອື່ນໆ ແນໃສ່ເຮັດໃຫ້ການສໍ້ລາດບັງຫຼວງຢູ່ຂົງເຂດຕ່າງໆໃນແຕ່ລະປະເທດຫຼຸດລົງ ແລະ ສາມາດຄວບຄຸມໄດ້ເພາະວ່າການສໍ້ລາດບັງຫຼວງ ແມ່ນໜຶ່ງໃນບັນດາໄພອັນຕະລາຍ ແລະ ທ້າທາຍຕໍ່ການກຳອຳນາດຂອງພັກ-ລັດ ແລະ ກະທົບເຖິງການພັດທະນາເສດຖະກິດ-ສັງຄົມ ຂອງແຕ່ລະປະເທດ ສະເພາະຢູ່ ສປປ ລາວ ພັກ-ລັດ ຍາມໃດກໍ່ໄດ້ຖືສຳຄັນ ແລະ ເອົາໃຈໃສ່ບັນຫານີ້ ແຕ່ລະສະໄໝຂອງລັດຖະບານ ເປັນຕົ້ນ ແຕ່ປີ 1982 ແມ່ນໄດ້ໃຫ້ທັດສະນະ ແລະ ທິດຊີ້ນຳໃນການແກ້ໄຂສະພາບຫຍໍ້ທໍ້ຕ່າງໆ ໃນກົງຈັກ ແລະ ຖັນແຖວພະນັກງານ-ລັດຖະກອນ ໃນນີ້ ລວມທັງການສະກັດກັ້ນ ແລະ ຕ້ານການສໍ້ລາດບັງຫຼວງ ປີ 2011 ສູນກາງພັກກໍ່ໄດ້ອອກມະຕິ ແລະ ຂໍ້ກຳນົດຈຳນວນໜຶ່ງ ທີ່ເວົ້າເຖິງການສະກັດກັ້ນ ແລະ ຕ້ານການສໍ້ລາດບັງຫຼວງ ສະພາແຫ່ງຊາດ ກໍ່ໄດ້ຮັບຮອງ ແລະ ປະທານປະເທດ ກໍ່ໄດ້ປະກາດໃຊ້ກົດໝາຍວ່າດ້ວຍການຕ້ານການສໍ້ລາດບັງຫຼວງ ສະບັບທຳອິດໃນປີ 2005 ເຊິ່ງໄດ້ມີການປັບປຸງ ແລະ ຮັບຮອງ-ປະກາດໃຊ້ກົດໝາຍດັ່ງກ່າວ ສະບັບປັບປຸງໃໝ່ ໃນເດືອນທັນວາ 2012.
ນັບແຕ່ປີ 2003 ເຖິງປັດຈຸບັນ ບັນດາປະເທດລັດພາຄີສົນທິສັນຍາຂອງອົງການສະຫະປະຊາຊາດ ວ່າດ້ວຍການຕ້ານການສໍ້ລາດບັງຫຼວງ ແມ່ນໄດ້ຖືເອົາວັນທີ 9 ທັນວາ ເປັນວັນສຳຄັນເປັນວັນແຫ່ງຄວາມສາມັກຄີ ຕໍ່ສູ້ຕ້ານການສໍ້ລາດບັງຫຼວງສາກົນ ປັດຈຸບັນມີ 174 ປະເທດ ໄດ້ລົງນາມໃຫ້ສັດຕະຍາບັນຕໍ່ສົນທິສັນຍາດັ່ງກ່າວ ໂດຍຖືເອົາວັນດັ່ງກ່າວເປັນວັນປຸກລະດົມປູກຈິດສຳນຶກ ຕ້ານການສໍ້ລາດບັງຫຼວງພ້ອມກັນທົ່ວໂລກ ສຳລັບຢູ່ລາວປີນີ້ ອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ບັນດາທູຕານຸທູດ ອົງການຈັດຕັ້ງສາກົນ ໄດ້ສົມທົບກັນຈັດຕັ້ງ 3 ກິດຈະກຳເພື່ອສະເຫຼີມສະຫຼອງວັນດັ່ງກ່າວຄື: ຂຶ້ນປ້າຍຄຳຂວັນຢູ່ບາງເສັ້ນທາງໃນນະຄອນຫຼວງວຽງຈັນ ໂດຍມີເນື້ອໃນວ່າ: “ທັບມ້າງຕ່ອງໂສ້ການສໍ້ລາດບັງຫຼວງ” ກິດຈະກຳຖະແຫຼງຂ່າວ ແລະ ກິດຈະກຳແລ່ນມິນິມາຣາທອນ.
Anonymous wrote: http://www.vientianemai.net/teen/khao/1/13313 ວັນທີ 16 ທັນວາ 2014 - ເວລາ 10:14:05 ພິທີຖະແຫຼງຂ່າວ ໂອກາດລະນຶກວັນຕ້ານການສໍ້ລາດບັງຫຼວງສາກົນ 9 ທັນວາ ຄົບຮອບ 11 ປີ ໄດ້ມີຂຶ້ນວັນທີ 12 ທັນວາ 2014 ຢູ່ໂຮງແຮມເສດຖາປາລັສ ນະຄອນຫຼວງວຽງຈັນ ເປັນປະທານຮ່ວມຂອງທ່ານ ບຸນປອນ ສັງສົມສັກ ຮອງປະທານອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ສປປ ລາວ ແລະ ທ່ານ Cheikh Toure ຫົວໜ້າອົງການ UNODC ປະຈຳລາວ ມີບັນດາທູຕານຸທູດ ຜູ້ຕາງໜ້າອົງການຈັດຕັ້ງສາກົນ ແລະ ແຂກຖືກເຊີນເຂົ້າຮ່ວມ.ທ່ານ ບຸນປອນ ສັງສົມສັກ ໄດ້ກ່າວວ່າ: ສະພາບການສໍ້ລາດບັງຫຼວງ ແມ່ນບັນຫາທີ່ທຸກປະເທດໃນໂລກ ກໍ່ຄືອົງການຈັດຕັ້ງສາກົນຕ່າງໆ ໄດ້ເອົາໃຈໃສ່ສະກັດກັ້ນ ແລະ ຕ້ານດ້ວຍຫຼາຍວິທີ ແລະ ມາດຕະການທີ່ແຕ່ລະປະເທດເຫັນຄວນນຳໃຊ້ ມີສົນທິສັນຍາຂອງສະຫະປະຊາຊາດວ່າດ້ວຍການຕ້ານການສໍ້ລາດບັງຫຼວງ ແລະ ນິຕິກຳອື່ນໆ ແນໃສ່ເຮັດໃຫ້ການສໍ້ລາດບັງຫຼວງຢູ່ຂົງເຂດຕ່າງໆໃນແຕ່ລະປະເທດຫຼຸດລົງ ແລະ ສາມາດຄວບຄຸມໄດ້ເພາະວ່າການສໍ້ລາດບັງຫຼວງ ແມ່ນໜຶ່ງໃນບັນດາໄພອັນຕະລາຍ ແລະ ທ້າທາຍຕໍ່ການກຳອຳນາດຂອງພັກ-ລັດ ແລະ ກະທົບເຖິງການພັດທະນາເສດຖະກິດ-ສັງຄົມ ຂອງແຕ່ລະປະເທດ ສະເພາະຢູ່ ສປປ ລາວ ພັກ-ລັດ ຍາມໃດກໍ່ໄດ້ຖືສຳຄັນ ແລະ ເອົາໃຈໃສ່ບັນຫານີ້ ແຕ່ລະສະໄໝຂອງລັດຖະບານ ເປັນຕົ້ນ ແຕ່ປີ 1982 ແມ່ນໄດ້ໃຫ້ທັດສະນະ ແລະ ທິດຊີ້ນຳໃນການແກ້ໄຂສະພາບຫຍໍ້ທໍ້ຕ່າງໆ ໃນກົງຈັກ ແລະ ຖັນແຖວພະນັກງານ-ລັດຖະກອນ ໃນນີ້ ລວມທັງການສະກັດກັ້ນ ແລະ ຕ້ານການສໍ້ລາດບັງຫຼວງ ປີ 2011 ສູນກາງພັກກໍ່ໄດ້ອອກມະຕິ ແລະ ຂໍ້ກຳນົດຈຳນວນໜຶ່ງ ທີ່ເວົ້າເຖິງການສະກັດກັ້ນ ແລະ ຕ້ານການສໍ້ລາດບັງຫຼວງ ສະພາແຫ່ງຊາດ ກໍ່ໄດ້ຮັບຮອງ ແລະ ປະທານປະເທດ ກໍ່ໄດ້ປະກາດໃຊ້ກົດໝາຍວ່າດ້ວຍການຕ້ານການສໍ້ລາດບັງຫຼວງ ສະບັບທຳອິດໃນປີ 2005 ເຊິ່ງໄດ້ມີການປັບປຸງ ແລະ ຮັບຮອງ-ປະກາດໃຊ້ກົດໝາຍດັ່ງກ່າວ ສະບັບປັບປຸງໃໝ່ ໃນເດືອນທັນວາ 2012.ນັບແຕ່ປີ 2003 ເຖິງປັດຈຸບັນ ບັນດາປະເທດລັດພາຄີສົນທິສັນຍາຂອງອົງການສະຫະປະຊາຊາດ ວ່າດ້ວຍການຕ້ານການສໍ້ລາດບັງຫຼວງ ແມ່ນໄດ້ຖືເອົາວັນທີ 9 ທັນວາ ເປັນວັນສຳຄັນເປັນວັນແຫ່ງຄວາມສາມັກຄີ ຕໍ່ສູ້ຕ້ານການສໍ້ລາດບັງຫຼວງສາກົນ ປັດຈຸບັນມີ 174 ປະເທດ ໄດ້ລົງນາມໃຫ້ສັດຕະຍາບັນຕໍ່ສົນທິສັນຍາດັ່ງກ່າວ ໂດຍຖືເອົາວັນດັ່ງກ່າວເປັນວັນປຸກລະດົມປູກຈິດສຳນຶກ ຕ້ານການສໍ້ລາດບັງຫຼວງພ້ອມກັນທົ່ວໂລກ ສຳລັບຢູ່ລາວປີນີ້ ອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ ບັນດາທູຕານຸທູດ ອົງການຈັດຕັ້ງສາກົນ ໄດ້ສົມທົບກັນຈັດຕັ້ງ 3 ກິດຈະກຳເພື່ອສະເຫຼີມສະຫຼອງວັນດັ່ງກ່າວຄື: ຂຶ້ນປ້າຍຄຳຂວັນຢູ່ບາງເສັ້ນທາງໃນນະຄອນຫຼວງວຽງຈັນ ໂດຍມີເນື້ອໃນວ່າ: “ທັບມ້າງຕ່ອງໂສ້ການສໍ້ລາດບັງຫຼວງ” ກິດຈະກຳຖະແຫຼງຂ່າວ ແລະ ກິດຈະກຳແລ່ນມິນິມາຣາທອນ.
ມາເທດສະນາກອນບັ້ງເກົ່າ ນະໂຍບາຍນ້ຳເໜົ່າ ຕາມປະເພນີ
