ລາວໂຮມລາວ ເພື່ອປະຊາທິປະໄຕ

ຄ່າເຊົ່າຫ້ອງແຖວຂອງນັກສຶກສາ

ຂ້າພະເຈົ້າຢາກສະເໜີ ເລື່ອງການເຊົ່າທີພັກອາໄສຢູ່ ນະຄອນຫຼວງ ໂດຍສະເພາະຫ້ອງແຖວ. ສວນໃຫຍ່ແມ່ນນັກສຶກສາຈາກຕ່າງແຂວງ ເປັນຜູ້ເຊົ່າ ເບີງແລ້ວລາຄາບໍ່ຍຸດຕິທຳ ແລະ ບໍ່ສົມເຫດສົມຜົນ ເພາະມັນແພງຫຼາຍ. ເພາະເຈົ້າຂອງຫ້ອງແຖວວ່າງລາຄາເອົາເອງ ໂດຍບໍ່ໄດ້ຄຳນຶງວ່າ ບັນດານັກສຶກສາເຫຼົ່ານັ້ນ ຈະມີຄວາມສາມາດຈ່າໄດ້ບໍ່ ແລະ ເວລາຢາກຂື້ນລາຄາເຂົາເຈົ້າກໍ່ຂື້ນ ໂດຍບໍ່ມີພາກສວນພັກລັດມາກ່ຽວຂ້ອງເລີຍ ປະຈຸບັນນີ້ລາຄາເຊົ່າຕັ້ງແຕ່ 2,500-3,500 ບາດ ຫຼື ປະມານ 600,000-850,000 ກີບ/ເດືອນ (ເພີ່ນວາງລາຄາເປັນເງີນບາດ) ບໍ່ໄດ້ລວມຄ່ານໍ້າຄ່າໄຟຟ້າ ຄ່າຂີ້ເຫຍື້ອ ແລະ ຄ່າພັກເຊົາໃຫ້ບ້ານ.

ແຕ່ຖ້າເຮົາຕໍ່ວ່າເຈົ້າຂອງ ຄືແພງແທ້ ເຂົາເຈົ້າກໍ່ຕອບວ່າ ບໍ່ພໍໃຈລະໄປບ່ອນອື້ນໂລດ ກໍ່ຍ້ອນມາຄວາມຈຳເປັນເພາະບໍ່ມີບ່ອນຢູ່ (ໜ້າເຫັນໃຈຜູ້ເຊົ່າ). ອັນນີ້ຢາກເໜີໃຫ້ພັກລັດ ມາກວດກາ ແລະ ວາງລາຄາໃຫ້ເໝາະສົມກັບຄວາມເປັນຈິງ.

ບາງຄົນກໍ່ທັງຮຽນທັງເຮັດວຽກໄປນຳ ເພາະທາງຄອບຄົວທຸກຍາກ, ໄປເຮັດວຽກຕອນແລງ ກໍ່ໄດ້ເງິນປະມານ 500,000 -1,000,000 ກີບ ຕໍ່ເດືອນ. ບາງເດືອນຄ່ານ້ຳຄ່າໄຟແພງ ບວກກັບຄ່ານ້ຳມັນທ່ຽວໄປວຽກໄປຮຽນ ກໍ່ເຫັນວ່າກັດແຂ້ວສູ້ເຕັມທີ່.

ຢາກໃຫ້ຄ່າຫໍພັກຖືກລົງແດ່ ແລະ ຖ້າທາງໂຮງຮຽນ ຫຼື ພາກສ່ວນໃດໃຈບຸນ ຫາກຊ່ວຍໃນການສ້າງທີ່ພັກ ໃຫ້ນັກຮຽນບ້ານນອກຟຣີ ກໍ່ຈະເປັນການສົ່ງເສີມການສຶກສາໄປອີກ. ເພາະຫ້ອງພັກ ໃນ ມຊ ແລະ ວິທະຍາເຂດ ຕ່າງໆ ແມ່ນບໍ່ພຽງພໍ ແລະ ສຳຄັນ ແມ່ນຄວາມສະອາດ ໃນບາງບ່ອນ ແມ່ນບໍ່ໄດ້ເລີຍ ແລະ ຍັງແອອັດ.

ຂ້າພະເຈົ້າຕ່າງໜ້າໃຫ້ນັກຮຽນບ້ານນອກທຸກຄົນ ຂໍຄວາມຊ່ວຍເຫຼືອ ໃຫ້ທ່ານຊ່ວຍເປັນສືໃຫ້ຫຼາຍຄົນ ໃຫ້ຄວາມຄິດເຫັນນຳກັນເບິ່ງ ໂດຍສະເພາະຜູ້ພັກເຊົາ.

ຂໍຂອບໃຈ
ແຟນເພດຈ໌ ນັກຮຽນບ້ານນອກ