ລາວໂຮມລາວ ເພື່ອປະຊາທິປະໄຕ

ກ່ອນໜ້ານີ້ ລັດຖະບານລາວໄດ້ວາງແຜນການໄວ້ວ່າ ຈະກໍ່ສ້າງ ສະໜາມບິນນານາຊາດແຫ່ງໃໝ່ ຢູ່ເຂດບ້ານດົງໝາກຄາຍ
ເມືອງໄຊທານີ ຫ່າງຈາກເທດສະບານນະຄອນຫລວງວຽງຈັນ 18
ກິໂລແມັດ ໄປຕາມເສັ້ນທາງເລກ 10 ໂດຍມີເນື້ອທີ່ປະມານ
5,000 ເຮັກຕາ ແຕ່ການສຶກສາພົບວ່າ ມີຄວາມເປັນໄປໄດ້ຍາກ
ເນື່ອງຈາກເປັນເຂດ ທີ່ມີບ້ານເຮືອນຂອງປະຊາຊົນຢູ່ ຢ່າງໜາ
ແໜ້ນ ມີຫ້ອງການ ມີຕະຫລາດ ແລະມີສະໜາມກີລາຢູ່ບໍລິເວນ
ໃກ້ຄຽງທັງຍັງເປັນພື້ນທີ່ ຮອງຮັບການຂະຫຍາຍຕົວເມືອງ
ຂອງເຂດນະຄອນຫລວງວຽງຈັນອີກດ້ວຍ.

ສຳຫລັບພື້ນທີ່ ທີ່ຈະທຳການສຶກສາຕາມບົດບັນທຶກຄວາມເຂົ້າໃຈ ສະບັບໃໝ່ນີ້ ຢູ່ທີ່ຫລັກ
35 ຖະໜົນເລກ 13 ໃຕ້ ຊຶ່ງຖ້າຫາກຜົນການສຶກສາພົບວ່າ ມີຄວາມເມາະສົມ ແລະ ຄຸ້ມຄ່າ
ທີ່ຈະລົງທຶນ ລັດຖະບານລາວ ກໍຈະສົ່ງເສີມການລົງທຶນຈາກພາຍໃນ ແລະ ຕ່າງປະເທດ
ທັນທີ ພາຍໃຕ້ເປົ້າໝາຍທີ່ຈະຊຸກຍູ້ ໃຫ້ການກໍ່ສ້າງສະໜາມບິນແຫ່ງໃໝ່ນີ້ ໃຫ້ແລ້ວເສັດ
ແລະ ເປີດໃຊ້ຢ່າງເປັນທາງການພາຍໃນປີ 2025 ເປັນຢ່າງຊ້າ.

ແຕ່ສຳຫລັບໃນລະຍະສະເພາະໜ້ານີ້ ທາງການລາວກໍໄດ້ແກ້ໄຂບັນຫາແອອັດ ຢູ່
ສະໜາມບິນວັດໄຕ ດ້ວຍການພັດທະນາ ແລະ ປັບປຸງ ເພື່ອຍົກລະດັບສະໜາມບິນວັດໄຕ
ໃຫ້ໄດ້ມາດຕະຖານສາກົນຫຼາຍຂຶ້ນ ດັ່ງທີ່ທ່ານສົມມາດ ພົນເສນາ ລັດຖະມົນຕີປະຈຳ
ສຳນັກງານນາຍົກລັດຖະມົນຕີ ໄດ້ໃຫ້ການຢືນຢັນວ່າ:

“ລັດຖະບານພວກເຮົານີ້ ກໍໄດ້ເອົາໃຈໃສ່ ໃນການພັດທະນາການບິນໃນໄລຍະ
ຜ່ານມານີ້ ກໍຄືມີລານຈອດເຮືອບິນ ຫຼືວ່າທາງຂຶ້ນ-ລົງ ລະບົບບັນຊາການບິນ ດຽວນີ້ບັນຫາທີ່ວ່າ ພວກເຮົາຈະຕ້ອງໄດ້ປັບປຸງ ກໍຄືຍົກລະດັບອາຄານ
ຜູ້ໂດຍສານນີ້.”

ທັງນີ້ ໂດຍລັດຖະບານລາວໄດ້ຮັບການສະໜັບສະໜຸນເງິນທຶນ ຈາກລັດຖະບານຍີ່ປຸ່ນ
1,246 ລ້ານເຢນ ແລະກູ້ຢືມຈາກລັດຖະບານຈີນຫຼາຍກວ່າ 37 ລ້ານດອນລາ ສຳຫລັບ
ໃຊ້ໃນການພັດທະນາສະໜາມບິນວັດໄຕ ເພື່ອຮອງຮັບການເປັນເຈົ້າພາບ ຈັດປະຊຸມ
ສຸດຍອດຜູ້ນຳເອເຊຍ-ຢູໂຣບ ຄັ້ງທີ 9 ເມື່ອທ້າຍປີ 2012 ຢູ່ທີ່ນະຄອນຫລວງວຽງຈັນ
ໂດຍໄດ້ຂະຫຍາຍລານຈອດ ໃຫ້ສາມາດຮອງຮັບເຮືອບິນຂະໜາດໃຫຍ່ໄດ້ ເຖິງ 40 ລຳ
ພ້ອມທັງຕິດຕັ້ງລະບົບຮັກສາຄວາມປອດໄພ ແລະສິ່ງອຳນວຍຄວາມສະດວກຕ່າງໆ
ຢ່າງຄົບຊຸດມາແລ້ວ.

ເບື່ອຫນ່າຍ ກັບແຜນການພັດທະນາ ຄວາມເປັນຊາດລາວຈະສູນເສຍກ້າວຫາຄວາມເປັນຕົວເອງບໍ່ມີແທ້ເດ

ຂະນາດລົດໄຟຄວາມໄວສູງງງງງງງງງ ທີ່ກຳລັງຈະສ້າງຈັກຊິມີຜົນດີ ປະໂຍດຊຳໃດຫຸ ອັນຜົນເສຍຫັນ

ຊຳເມັດຊາຍໃນທະເລຊາຍພຸ້ນລະ ເອົາບ້ວງຕັກເທື່ອດຽວມານັບເມັດຍັງວ່າຫລາຍແລ້ວ ຄືບໍ່ພັດທະນາດ້ານອື່ນ

ປະເທດໄທກະມີ ຫວຽດນາມກະມີ ມາເລກະມີ ຊິໄປແຂ່ງຂັນກັບເຂົາຕິ ຮ່າໆໆ

ນະໂຍບາຍໝໍ້ໄຟໄປໃສແລ້ວ ໂອ່ຫຼືວ່ານ້ຳແຫ້ງ ເລີຍວ່າງຜ່ານການໄກວ່າຊັນເທາະ