ລາວໂຮມລາວ ເພື່ອປະຊາທິປະໄຕ

ສສຊ ທາບທາມຮ່າງກົດໝາຍວ່າດ້ວຍການເລືອກຕັ້ງ

ສສຊ ທາບທາມຮ່າງກົດໝາຍວ່າດ້ວຍການເລືອກຕັ້ງ
ຂປລ. ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VII ໃນວັນທີ 20 ກໍລະກົດ 2015 ດໍາເນີນມາເປັນມື້ທີ 14 ພາຍໃຕ້ການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ. ຮ່າງກົດ ໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ແຂວງ, ນະຄອນຫລວງວຽງຈັນ ເຊິ່ງໄດ້ຖືກນໍາເຂົ້າທາບທາມໃນທີ່ປະຊຸມ.
ທ່ານ ສຈ. ດາວອນ ຫວ່າງວິຈິດ ປະທານກໍາມາທິການກົດໝາຍ ໄດ້ສະເໜີຕໍ່ທີ່ປະຊຸມເພື່ອໃຫ້ບັນດາສາມາຊິກສະພາແຫ່ງຊາດທຸກເຂດເລືອກຕັ້ງ ໄດ້ຄົ້ນຄວ້າປະກອບສ່ວນຄໍາຄິດຄໍາເຫັນຢ່າງກົງໄປກົງມາ ໃນແຕ່ລະໝວດ ແຕ່ລະ ມາດຕາ ເພື່ອໃຫ້ມີເນື້ອໃນຄົບຖ້ວນສົມບູນ ແລະ ສາມາດນຳໃຊ້ໄດ້ຢ່າງ ມີປະສິດທິຜົນໃນຕໍ່ໜ້າ.
ພ້ອມນີ້ ທ່ານ ຍັງໄດ້ຊີ້ໃຫ້ເຫັນເຫດຜົນ ແລະ ຄວາມຈຳເປັນ ໃນການທາບທາມຮ່າງກົດໝາຍສະບັບນີ້ໃຫ້ ບັນດາ ສສຊ ໄດ້ຮັບຊາບເປົ້າໝາຍສຳຄັນ ໂດຍປະຕິບັດຕາມແນວທາງປ່ຽນແປງໃໝ່ ກໍຄືໜ້າທີ່ການເມືອງໃນໄລຍະໃໝ່ຂອງພັກ ແລະ ລັດຖະທໍາມະນູນ ສະບັບກໍາລັງດໍາເນີນການປັບປຸງໃນປີ 2015 ນີ້ ທີ່ໄດ້ກໍານົດກ່ຽວກັບສະພາປະ ຊາຊົນຂັ້ນທ້ອງຖິ່ນນັ້ນ ຈຶ່ງມີຄວາມຈໍາເປັນຕ້ອງປັບປຸງກົດໝາຍ ວ່າດ້ວຍການເລືອກຕັ້ງສະມາຊິກສະພາແຫ່ງຊາດ ສະບັບເລກທີ 05/ສພຊ ລົງວັນທີ 15 ທັນວາ 2010 ເພື່ອກໍານົດຫລັກການ, ລະບຽບການ ແລະ ມາດຕະການກ່ຽວກັບການເລືອກຕັ້ງສະມາຊິກສະພາປະຊາຊົນ ແຂວງ, ນະຄອນຫລວງ, ຮັບປະກັນການປະຕິບັດສິດປະຊາທິປະໄຕຂອງພົນລະເມືອງລາວ ໃຫ້ໄດ້ຢ່າງເຕັມສ່ວນ ແລະ ຮັບປະກັນໃຫ້ການເລືອກຕັ້ງເອົາສະມາຊິກສະພາ ຜູ້ທີ່ມີຄວາມຮູ້, ຄວາມສາມາດ ແລະ ຄຸນວຸດທິ ໃນການຈັດຕັ້ງປະຕິບັດໜ້າທີ່ວຽກງານ ໃຫ້ມີປະສິດທິພາບ, ປະສິດທິຜົນ ແນໃສ່ປັບປຸງບູລະ ນະອົງການອໍານາດລັດ ກໍຄື ສະພາໃຫ້ມີຄວາມໜັກແໜ້ນເຂັ້ມແຂງ, ເປັນອົງການຕົວແທນແຫ່ງສິດ ແລະ ຜົນປະໂຫຍດ ຂອງປະຊາຊົນລາວ ບັນດາເຜົ່າຢ່າງແທ້ຈິງ.
ສໍາລັບຮ່າງກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນ ແຂວງ, ນະ ຄອນຫລວງປະກອບມີ XI ໝວດ, 51 ມາດຕາ