ປິດຕຳນານ ຕາດຫ່ຽນທີ່ງົດງາມ ໄດ້ຫາຍຈາກໂລກນີ້ໄປແລ້ວໃນພິບຕາ

ຍ້ອນນ້ຳມືຂອງມະນຸດ ຕັດໄມ້ທຳລາຍປ່າ,ຂູດຄົ້ນບໍ່ແຮ່,ສ້າງເຂື້ອນ

ເຂດປົດປ່ອຍ ແນວລາວສ້າງຊາດ

ຊາວເມືອງວຽງໄຊແຂວງຫົວພັນ ຂືນປ້າຍຂຽນດ່າສາບແຊ່ງ
ຄົນມາລັກເອົາເຄືອງປູກຂອງຝັງຂອງຊາວບ້ານ ນ່າຈະເປັນຄົນ
ຫວຽດນາມມັນເຊື້ອຂີ້ລັກຢູ່ແລ້ວ

ອາດມີຄົນລາວທີ່ຢູ່ພາຍໃນແລະຕ່າງປະເທດຈຳນວນຫລວງຫລາຍທີ່ບໍ່ຮູ້ ເມືອງນານ ກ່ອນການປ່ຽນແປງລະບອບ

ການປົກຄອງຂອງປະເທກລາວຈາກ ພຣະຣາຊະອານາຈັກ ມາເປັນ ສາທາຣະນະຣັຖ.  ເມືອງນານເປັນເມືອງນຶ່ງທີ່

ຕັງຢູ່ທາງພາກໃຕ້ຂອງນະຄອນຫລວງພະບາງ ແລະຕັ້ງຢູ່ຣະຫວ່າງໃຈກາງຂອງແຂວງຫລວງພຣະບາງແລະແຂວງ

ໄຊຍະບູຣີ, ຫ່າງໄກຈາກແມ່ນ້ຳຂອງປະມານ 10 ຫລັກ ກລມ. ເຫດຜົນທີ່ເຮັດໃຫ້ຊາວລາວບໍ່ຄ່ອຍຮູ້ກັບເມືອງນານ

ກ່ອນການປົດປ່ອຍທົ່ວປະເທດນັນ (ກ່ອນ 1975) ເນືອງຈາກວ່າພາຍຫລັງທີ່ຝຣັ່ງເສສຄືນເອກະຣາດໃຫ້ລາວ,ເມືອງ

ນານກໍຢູ່ພາຍໃຕ້ການປົກປັກຮັກສາຂອງຣັຖບານຣາຊະອານາຈັກມາຕລອດ ຈົນເຖິງປະເທດລາວເກີດສົງຄາມກາງ

ເມືອງຂຶ້ນ ເມືອງນານກໍຕົກຢູ່ພາຍໃຕ້ການປົກຄອງຂອງຝ່າຍຣັຖະບານວຽງຈັນເລື້ອຍມາ.     ເມືອງນານເປັນເມືອງ

ປອດໃນການຕົກເປັນເຫຍື່ອສົງຄາມທຳລາຍເຜົາຜານຈົນເປັນເຫດໃຫ້ປະຊາຊົນຈຳຕ້ອງອົພະຍົບຫລົບໜີອອກໄປ

ຕັ້ງຖິ່ນຖານປົນກັບຄົນເມືອງອື່ນແຂວງອື່ນເໝືອນກັນກັບຫລາຍໆຮ້ອຍ-ພັນເມືອງທົ່ວປະເທດທີ່ຖືກສົງຕາມທຳລາຍ

ເຜົາຜານ ແລະປະຊາຊົນແຕກສະນະໂມໄປຄົນລະທີບລະແດນດັ່ງທີ່ພວກເຮົາເຫັນໃນອະດີດປາງສົງຄາມອິນດູຈີນ

ທີ່ຜ່ານມາເມື່ອ 50-60 ປີກ່ອນໜ້ານັນ. ເມືອງນານກັບກາຍມາເປັນຖານທີ່ໝັ້ນຂອງຝ່າຍຣັຖະບານວຽງຈັນທີ່ບໍ່ເຄີຍ

ມີຝ່າຍກົງກັນຂ້າມຫລືແນວລາວຮັກຊາດຍົກພົນເຂົ້າມາໂຈມຕີຈົນເຖິງໃຈກາງຕົວເມືອງໄດ້ ເຖິງວ່າພວກແນວລາວ

ຮັກຊາດຈະພະຍາຍາມຫລາຍໆຄັ້ງແຕ່ບໍປະສົບຜົນສຳເຣັດຈັກເທື່ອ.    ທາງກອງນັບຊາການທະຫານພາກ 1. ໄດ້

ຂຍາຍຕາໜ່າງຂອງການປ້ອງກັນຕົວເມືອງຢ່າງປິຊາສາມາດເຊິ່ງມີຄ້າຍທີ່ໝັ້ນທະຫານນັບເປັນສິບກວ່າແຫ່ງອ້ອມ

ຮອບຕົວເມືອງຊຶ່ງຫ່າງໄກກັບສູນກາງກອງບັນຊາການປະມານຫ້າເຖິງສາມສິບກິໂລແມັດ ຈຶ່ງເປັນຮົ້ວອັນແຂັງແກ່ນ

ທີ່ພວກແນວລາວຮັກຊາດຈະຜ່ານຄ້າຍທີ່ໝັ້ນປ້ອງກັນກອງໜ້າເຫລົ່ານັ້ນມາໄດ້ກ່ອນຈະເຂົ້າເຖິງໃຈກາງທີ່ຕັ້ງຂອງ

ກອງບັນຊາການທະຫານ ແລະ ອົງກອນທຸກຂະແໜງການໆປົກຄອງຂອງພົລະເຮືອນໄດ້.

ປະຊາກອນຊາວເມືອງຂອງເມືອງນານຕ່າງກໍເຊື່ອຖືແລະຊ່າລືກັນມາວ່າ ເຫດຜົນທີ່ເມືອງນານພົ້ນຈາກການເປັນ

ເຫຍື່ອສົງຄາມທຳລາຍເຜົາຜານເໝືອນເມືອງອື່ນໆນັ້ນກໍຍ້ອນມີເຈົ້າທີ່ເຈົ້າທາງປົກປັກຮັກສານັ້ນມາ ຊຶ່ງປະຊາຊົນ

ຕ່າງກໍສັທາໃນຄວາມເຊື່ອຖືຈາກເຈົ້າພໍ່ພູຊ້າງ ແລະ ພູສະແຄນ. ພູຊ້າງຕັ້ງຢູ່ບໍ່ຫ່າງໄກຈາກຕົວເມືອງ ພຽງຫ່າງໄກ

ກັນປະມານ 5 ຫລັກ ກລມ ຢູ່ທາງທິດຕາເວັນຕົກຂອງເມືອງ. ພູໜ່ວຍນີ້ມີຮູບລັກສະນະເໝືອນກັນກັບຊ້າງຂຸເຄົ່າ

ນອນໝູບແລະປິ່ນຫົວຂຶ້ນໄປທາງເໜືອ ແລະ ເດ່ຢຽດງາໄປທາງໜ້າສຸດທ່ວງ ແລະຫາງຂອງມັນກໍເດ່ຢຽດອອກໄປ

ສຸດທ່ວງທາງຂ້າງຫລັງຂອງມັນເໝືອນກັນ. ທາງຫາງຂອງມັນເປັນສາຍພູຍາວຢຽດໄປຫລາຍຫລັກກິໂລ ອີກຫ້າ

ກິໂລແມັດຈະເຖິງແຄມແມ່ນ້ຳຂອງ, ສ່ວນທາງຟາກຝ່າຍຫົວຫລືງາຂອງມັນແມ່ນຢຽດຍາວເປັນສາຍພູຂຶ້ນໄປຈົນ

ຮອດຕີນພູສະແຄນຊຶ່ງເປັນຖິ່ນອາສັຍຂອງພະລືສີຕາໄຟຕາມຄວາມເລົ່າລືສືບຕໍ່ກັນມາ. ດັ່ງນັ້ນປະຊາຊົນເມືອງນານ

ຈຶ່ງເຊື່ອຖືກັນວ່າພູຊ້າງເປັນຊ້າງຂອງລືສີຕາໄຟທີ່ຕາຍໄປກ່ອນລືສີຕາໄຟຂະໝົດອາຍຸສັງຂານແລະນີຣະພານຕາມ

ຊ້າງນັ້ນໄປ.

ຢູ່ໃນກາງຕົວເມືອງໆນານນັນມີ 5 ບ້ານ ແຕ່ລະບ້ານເປັນບ້ານໃຫຍ່ພໍສົມຄວນໃນຍຸກກ່ອນປ່ຽນຣະບອບການປົກຄອງ,

ຫ້ອງການເມືອງ, ກອງບັນຊາການທະຫານ ຕຳຣວດ, ໂຮງໝໍເມືອງ ໄປສະນີແລະຄົມະນາຄົມແມ່ນຕັ້ງຢູ່ຣະຫວ່າງໃຈ

ກາງເມືອງ ແລະມີແມ່ນນ້ຳນານໄຫລຜ່າທາງກາງ. ເມືອງນານເປັນເມືອງອຸດົມສົມບູນ ເມືອງອູ່ເຂົ້າອູ່ປາປະຈຳແຂວງ

ເພາະເມືອງນີ້ດູທ່າງສ້າງສາແລະປູກຝັງຂອງຊາວກະສິກອນ ເພາະເປັນເມືອງທີ່ບໍ່ຖືກສົງຄາມທຳລາຍ ແລະເມືອງນານ

ເປັນເມືອງທີ່ກ້ວາງໃຫຍ່ກ່ອນເມືອງອື່ນໆທີ່ຂຶ້ນກັບແຂວງຫລວງພະບາງໃນສມັຍສົງຄາມ. ເມືອງນານເປັນເມືອງທີ່ງົດ

ງາມທາງທັມະຊາດ, ປະເພນີຮິດຄອງ, ສາສນາ ແລະ ຝູງຊົນຊາວເມືອງກໍມີຈິດໃຈງົດງາມ ເອື້ອເຟື້ອເພື່ອແຜ່ຊຶ່ງກັນ

ແລະກັນຈົນເປັນທີ່ຍອມຮັບຈາກແຂກຄົນທີ່ໄດ້ໄປສຳພັດແລະຢ້ຽມຢາມ.

ບໍ່ໜ້າເຊື່ອວ່າ ບາງເຂດຂອງເມືອງຈະຖືກທັມະຊາດທຳລາຍໃຫ້ຢ້ອຍຫຍັບ ສວັນຊ່າງບໍ່ເມຕາ ອະດີດສົງຄາມຜ່ານມາ

ຍັງບໍ່ຖືກທຳລາຍ ແຕ່ມາຖທກທຳລາຍໃນຍຸນີ້. ຂໍຮ້ອງຣັຖະບານລາວຈົ່ງໂຈະໆການຕັດໄມ້ທຳລາຍປ່າລົງແດ່ ຍຸກນີ້ເປັນ

ຍຸກສິທະຍາສາດ ໃຜໆກໍສັນນິຖານດີນເຈື່ອນ ນ້ຳຖ້ວມ ແຫ້ງແລ້ງຫລືໂລກຮ້ອນ ແມ່ນມາຈາກການຕັດໄມ້ທຳລາຍປ່ານີ້.

( ຕໍ່ຈາກສະບັບທີ່ແລ້ວ )

ປະຊາຊົນຊາວເມືອງໆນານເປັນຄົນດຸໝັ່ນແລະເຫຼື້ອມໃສໃນພະພຸດທະສາດສະໜາ ດັ່ງນັ້ນທຸກໆບ້ານບໍ່ວ່ານ້ອຍຫຼືບ້ານໃຫຍ່ແມ່ນມີ

ວັດວາອາຮາມແບບຕາມມີຕາມເກີດ ແລະມີທົ່ງນາຮົ້ວສວນກ້ວຍອ້ອຍຂຽວງາມຢາຍໄປຕາມສອງແຄມນ້ຳນານແບະຫ້ວຍຮ່ອງຄອງ

ທານຕ່າໆ. ຫ້າໝູ່ບ້ານທີ່ເປັນໃນເມືອງຂອງໂຕເມືອງນັ້ນຕ່າງກໍມີວັດແລະອາຮາມທີ່ສວຍງາມເຊັ່ນ: ບ້ານສີມຸງຄຸນ, ບ້ານສີບຸນເຮືອງ,

ບ້ານໃຫຍ່, ບ້ານປ່ໄຜ່ ແລະບ້ານໂພຫີນ. ເມືອງນານມີສິນລະປະທາງການຂັບລຳແບບດຽວກັນກັບຄົນເມືອງຫຼວງພະບາງ ແລະມີຮິດ

ຄອງປະເພນີບໍ່ແຕກຕ່າງກັບເມືອງຫລວງພະບາງເລີຍ.  ບ້ານແລະຕາແສງຕ່າງໆທີ່ອ້ອມແອ້ມຕົວເມືອງກໍມີໂຮງມູນລະປະຖົມສຶກສາ

ສາມຊັ້ນຫ້ອງຮຽນ ປ.1-2-3 ນັ້ນທຸກໆແຫ່ງ ເພາະພໍ່ແມ່ຫຼືຜູ້ປົກຄອງເດັກໆແລະລູກຫຼານຕ່າງກໍຢາກໃຫ້ລູກຫຼານເຂົ້າໂຮງຮຽນຫຼື

ໄດ້ຮັບການສຶກສາຈຶ່ງສົ່ງລູກຫຼານເຂົ້າໄປຮຽນເມື່ອອາຍຸເຖິງກຳໜົດເລີ່ມຕົ້ນເຂົ້າໂຮງຮຽນ. ເມື່ອຮຽນຈົບ ປ.3 ນັກຮຽນຢູ່ຈາກໝູ່

ບ້ານຕ່າງໆກໍເຂົ້າມາສອບເສັງເອົາແຊກນ້ອຍເພື່ອເຂົ້າຮຽນຕໍ່ຫ້ອງ ປ.4 ຫຼືຫ້ອງທີສອງນ້ອຍທີ່ໂຮງຮຽນ ໝວດປະຖົມສຶກສາເມືອງ

ນານ. ດັ່ງນັ້ນການເຕີບໃຫຍ່ຂະຫຍາຍຕົວຂອງນັກຮຽນແມ່ນເຜີ້ມທະວີຂຶ້ນທຸກໆປີ ທາງກົມສຶກສາເມືອງຈຶ່ງໄດ້ສ້າງເຄິ່ງໝວດປະ

ຖົມສຶກສາຂຶ້ນຢູ່ສາມແຫ່ງໃນປີ 1963,ເຄິ່ງໝວດປະຖົມສຶກສານີ້ມີຊັ້ນຮຽນ 4 ຊັ້ນ: ປ.1-2-3 ແລະ ປ.4, ຂຶ້ນຢູ່ທີ່ບ້ານນາ

ເຄິນ, ບ້ານປາກລ້ານ ແລະ ບ້ານນາຝາຍ. ສ່ວນນັກຮຽນຊັ້ນ ປ.5-6 ນັ້ນແມ່ນຈຳຕ້ອງເຂົ້າມາຮຽນຢູ່ທີ່ໝວດປະຖົມສຶກສາເມືອງ

ນານ. ແຕ່ລະປີນັບແຕ່ປີ 1963 ຂຶ້ນມາມີນັກຮຽນຈົບແຊກແລ້ວເສັງເຂົ້າ ຮຮ ອາຊີວະສຶກສາ ເຊັ່ນ ໂອບລົມຄູ, ແພດ, ກະສິກຳ

ແລະ ມັດທະຍົມສາມັນສຶກສາຫລື ລີເຊຫລວງພະບາງ ນັ້ນຫລາຍສິບຄົນ.

ໃນປີ 1959 ປະຊາຊົນຊາວເມືອງໄດ້ລະດົມເຫື່ອແຮງກັບສ້າງທາງລົດຂຶ້ນສອງເສັ້ນທາງ ຈາກໃນເມືອງອອກໄປຫາບ້ານ ຄົກຕົມ

ທີ່ເປັນທ່າເຮືອຂົນສົ່ງສິນຄ້າ ເຂົ້າ-ອອກ ຂອງເມືອງ ແລະບ້ານຄົກຕົມນີ້ຫ່າງຈາກໃນເມືອງ 10ກລມ ແລະເປັນບ້ານແຄມແມ່ນ້ຳ

ຂອງ. ອີກທາງເສັ້ນນຶ່ງນັ້ນແມ່ອອກຈາກໃນເມືອງຂຶ້ໄປທາງທິດເໜືອໂດຍຜ່ານຂຶ້ນໄປຜ່ານບ້ານນາຝາຍຈົນໄປເຖິງບ້ານທ່າຫຼີ່ ຫຼື

ທີ່ຮູ້ກັນໃນນາມ ບ້ານຕາເຫ່ຽນ ໃນມື້ນີ. ທາງເສັ້ນນີ້ໄປສຸດຢູ່ທີ່ບ້ານທ່າຫຼີ່ນີ້ ເພາະບໍ່ສາມາດສ້າງທາງລົດດ້ວຍມືຂອງປະຊາຊົນຕໍ່

ໄປອີກບໍ່ໄດ້ ເພາະວ່າທາງໜ້າລ້ວນແລ້ວແ່ເປັນພູຜາປ່າໄມ້. ການສ້າງທາງລົດດ້ວຍເຫື່ອແຮງແລະມືຂອງປະຊາຊົນສອງເສັ້ນທາງນີ້

ໃຊ້ເວລາພຽງ 6 ເດືອນເທົ່ານັ້ນ ແລະທາງມີໜ້າກ້ວາງ 8ມ ເທົ່ານັ້ນ ບາງຈຸດກໍແຄບກ່ອນເພາະເປັນຈຸດທີ່ເປັນຫ່ອມພູ. ພາຍຫຼັງ

ສຳເລັດສ້າງທາງລົດກໍມີລົດຄັນແລກແລ່ນເຂົ້າມາໃນເມືອງນານແມ່ນລົດຂອງເຖົ້າແກ່ທອງສຸກຢູ່ບ້ານສີມຸງຄຸນ ເປັນລົດ ດອດ

(Dodge) ຂອງອາມລິກາ. ມີການແຫ່ແຫນລົດຄັນດັ່ງກ່າວມາແຕ່ບ້ານຄົກຕົມຈົນເຖິງໂຕເມືອງໂດຍມີປະຊາຊົນແຕ່ລະບ້ານ

ອອກມາຕ້ອນຮັບແລະສ່ວນມາກແມ່ນພາກັນມາເບິ່ງວ່າລົດເປັນແນວໃດເພາະມີແຕ່ໄດ້ຍິນແຕ່ຊື່ແຕ່ບໍ່ເຄີຍເຫັນໂຕຈິງວ່າລົດເປັນ

ລັກສະນະແນວໃດ? ຕໍ່ມາໃນປີ 1960 ກໍມີລົດອີກຄັນນຶ່ງເຂົ້າມາໃນເມືອງອີກ ລົດຄັນນີ້ເປັນລົດ ຈິບ ວິນລີ ແລະເປັນລົດຂອງ

ຂອງອ້າຍກ້ວນໄທບ້ານນາຝາຍ. ລົດສອງຄັນນີ້ໄດ້ຮັບໃຊ້ປະຊາຊົນຊາວເມືອງ ພໍ່ຄ້າແມ່ຄ້າ ແລະຊາວໄຮ່ຊາວນາ ແຕ່ສອງເຈົ້າຂອງ

ລົດໄດ້ຕົກລົງກັນຮັບໃຊ້ສັງຄົມແຕກຕ່າງກັນດັ່ງນີ້: ລົດຂອງເຖົ້າແກ່ທອງສຸກເປັນລົດຂົນສົ່ງັນທຸກໜັກຈະຮັບຂົນສົ່ງສິນຄ້າ ເຄື່ອງ

ກໍ່ສ້າງ ແລະ ສິນຄ້າການກະເສດ ດັ່ງເຂົ້າ ມັນ ກ້ວຍອ້ອຍ ແລະອື່ນໆ. ສ່ວນລົດຈິບຂອງອ້າຍກ້ວນນັ້ນຮັບໃຊ້ຄົນໂດຍສານໂດຍສະ

ເພາະ.

ໃນປີ 1964 ພາຍຫຼັງລັດຖະບານລາວໄດ້ອະນຸຍາດໃຫ້ສະຫະລັດນຳເອົາຜູ້ຊຽວຊານເຂົ້າມາພັກພາອາໄສໄດ້ຢູ່ພາຍໃນປະເທດ ຈຶ່ງ

ມີສອງຜົວເມັຍອາສາສະໝັກອາເມຣິກັນເຂົ້າທາພຳນັກຢູ່ໃນເມືອນານ ແລະໄດ້ນຳລົດ ສະກາວ (Scout) ສອງຄັນ, ລັດຈັກ

ຢາມາຮາ ຜູ່ຍິງ 4ຄັນ ແລະ ລົດຖີບ 8 ຄັນ ເຂົ້້າມາມອບໃຫ້ຫ້ອງການເມືອງເພື່ອເປັນສົມບັດຂອງເມືອງ ແຕ່ພາຍລຸນມາທາງເມືອງ

ກໍແບ່ງປັນລົດໃຫຍ່ໃຫ້ກະສິກຳເມືອງໜຶ່ງຄັນ, ໂຮງໝໍໜຶ່ງຄັນ. ສ່ວນລົດຈັກເພິ່ນກໍແບ່ງປັນໃຫ້ໂຮງການເມືອງ ນຶ່ງຄັນ, ໂຮງຮຽນ

ໝວດ ນຶ່ງຄັນ, ກະສິກຳ ນື່ງຄັນ ແລະ ໂຮງໝໍ ນຶ່ງຄັນ. ( ຍຸກນັ້ນຍັງບໍ່ທັນມີຄົນທີ່ມີອຳນາດເຫັນແກ່ໂຕເໝືອນຍຸກຕໍ່ມາ ສິ່ງຂອງ

ຕ່າງໆທີ່ທາງສາກົນຊ່ວນເຫຼືອແມ່ນໄດ້ກັນທົ່ວເຖິງໝົດ). ຄວາມເຕີບໃຫຍ່ຂະຫຍາຍຕົວຂອງເມືອງແມ່ທະວີຄູນຂຶ້ນທຸກໆປີນັບ

ແຕ່ປີ 1959 ຂຶ້ນມາຢ່າງບໍ່ຢຸດຢັ້ງຂອງເມືອງນານຈົນເຖິງກ່ອນການປ່ຽນແປງການປົກຄອງຫຼືຝ່າຍແນວລາວຮັກຊາດໄດຮັບໄຊ

ຊະນະໃນປີ 1975 ໃນທີ່ສຸດໍມີສາຍທາງຫຼວງຈາກກຳແພງນະຕອນຫຼວງພະບາງມາເຖິງເມືອງນານໃນປີ 1972 ແລະຈາກເມືອງ

ບ້ານປາກຄອນເພື່ອເຊື່ອມກັບແຂວງໄຊຍະບູລີ. ເມືອງນານມີໂຮງຮຽນຊັ້ນມັດທະຍົມຂຶ້ນໃນປີ 1973 ແລະເກີດມີ ໝວດປະຖົມ

ສຶກສາ ເຜີ້ມຂຶ້ນອີກ 11 ແຫ່ງ ໃນປີ 1974 ແລະມີປະຊາກອນເຜີ້ມຂື້ນຈາກເດີມ 45%.

ຖ້າທ່ານໃດມີໂອກາດໄກ້ໄປທ່ຽວຊົມເມືອງນານ ກໍໃຫ້ໄປທ່ຽວໃຫ້ຄົບທຸກນ້ານທີ່ຂຶ້ກັບເມືອງ ແລ້ວຢາກໃຫ້ທ່ານໄປເຫັນໂຮງຮຽນ

ທຸກໆແຫ່ງທີ່ສ້າງຂຶ້ນໂດຍພາຍໃຕ້ລັດຖະບານຂອງ ລາຊະອານາຈັກ ໃນຍຸກນັ້ນວ່າມີຄວາມຈິງໃຈກັບຊາດບ້ານເມືອງຂະໜາດໃດ?

ເພາະໂຮງຮຽນເຫຼົ່ານັ້ນຍັງໜາແໜ້ນຢູ່ແລະປຸກຂຶ້ນດ້ວຍໄມ້ໃນປ່າຂອງແຜ່ນດິນລາວທີ່ປະຂາຂົນລາວທຸກຄົນມີສິດເປັນເຈົ້າຂອງທຸກໆ

ຕົ້ນສະເໝີກັນທົ່ວປະເທດ. ແຕ່ກົງກັນຂ້າມກັບໃນຍຸກປັດຈຸບັນ ຈະຫາໄມ້ມາປຸກໂຮງຮຽນກໍບໍ່ມີ ເຖິງມີກໍສວຍໃຊ້ບໍ່ໄດ້ເພາະທາງຜູ້ມີ

ອຳນາດອອກກົດໝາຍຫ້າມປາມໄວ້ເພື່ອຜົນປະໂຫຍດສ່ວນຕົວແລະພວກຜ່ອງດຽວກັນກໍຄືສຳມະຊິກສູນກາງພັກ. ປະຊາຊົນຜູ້ເປັນ

ເຂົ້າຂອງປເທດແລະສົມບັດຂອງຊາດ ຈະໄປຕັດໄມ້ມາປຸກເຣືອນເໝືອນດັ່ງໃນຍຸກຢູ່ພາຍໃຕ້ການປົກຄອງຂອງລັດຖະບານວຽງຈັນ

ແມ່ນບໍ່ໄດ້ ຖ້າໃຜຝືນແມ່ຕິດຄຸກຫລືຖືກນຳໄປງົມຫອຍ.

( ຕໍ່ຈາກສະບັບທີແລ້ວ )

ນ້ຳຕົກຕາດຫ່ຽນເປັນສະຖານທີ່ສວຍງາມເຖິງຈະບໍ່ໃຫຍ່ບໍ່ໂຕເໝືອນກັນກັບນ້ຳຕົກຕາດທີ່ມີຊື່ສຽງທົ່ວໆໄປ

ພາຍໃນປະເທດລາວຂອງເຮົາ ແຕ່ອາດີດຜ່ານມານັບເປັນຮ້ອຍເປັນພັນປີທີ່ຜ່ານມາ ນ້ຳຕົກຕາດແຫ່ງນີ້ເຄີຍ

ໃຫ້ແລະບັນເທົາຄວາມທຸກສຸກຂອງປວງຊົນທີ່ອາໄສຢູ່ທີ່ນັ້ນແລະໃກ້ຄຽງມາຕະຫລອດ,  ບໍວ່າຈະເປັນປູປາ

ກຸ້ງຫອຍກົບຂຽດກໍມີຢ່າງມາກມາຍແລະສາມາດຈັບຫາມາເປັນອາຫານຂອງຄົນທີ່ອາໄສຢູ່ໃນຖິ່ນນັ້ນແລະ

ໃກ້ຄຽງ. ເມື່ອ 50ປີ ກ່ອນນັ້ນຕອນທີ່ຍັງເຍົາເຄີຍໄປຫລີ້ນຕາດຫ່ຽນ ທີ່ຈິງແລ້ວບໍ່ແມ່ນຕັ້ງໃຈໄປທ່ຽວຊົມນ້ຳ

ຕົກຕາດດອກ ພວກເອື້ອຍອ້າຍແລະໄທໃນບ້ານພາກັນໄປຫາເກັບຫອຍຈານກໍເລີຍຫລອຍໄປນຳພວກເພິ່ນ,

ເພາະຢູ່ທີ່ຕາດຫ່ຽນນັ້ນມີຫອຍຈານຫລາຍທີ່ສຸດແລະກໍຜິດກັບທຳມະຊາດຫອຍຈານຢູ່ເຂດອື່ນໆ ຫອຍຈານ

ຢູ່ທີ່ຕາດຫ່ຽນນັ້ນໜ່ວຍໃຫຍ່ກ່ອນຖິ່ນອື່ນປະມານສາມສີ່ເທົ່າ. ຫອຍຈານເຫລົ່ານັ້ນຢູ່ກ້ອງເງີບກີນ ພຽງແຕ່

ເອົາມືງົມລົງໄປກ້ອງເງີບຫີນນັ້ນກໍຈະພໍ້ໂລດບໍຫລຸດສີ່ຫ້າໂຕແຕ່ລະບ່ອນ.   ຕົນເອງກໍບໍ່ສົນໃຈເກັບຫອຍຈານ

ເປັນພິເສດດອກ ມີແຕ່ຍ່າງເລາະຕາມສະບັບແບບຂອງເດັກນ້ອຍທີ່ຫລອຍນ້ຳກົ້ນອ້າຍເອື້ອຍໄປໂດຍເພິ່ນບໍ່ຮູ້

ເຫັນນຳ ຈົນກວ່າໄປຮອດເຄິ່ງທາງແລ້ວໄທບ້ານຈຶ່ງທ້ວງຂຶ້ນ, ແຕ່ອ້າຍເອື້ອຍກໍບໍ່ແນ່ໃຈທີ່ຈະໃຫ້ນ້ອງນ້ອຍຂອງ

ເພິ່ນເດີນທາງປ່ຽວຄົນດຽວກັບບ້ານ ເພາະອອກມາໄກຈາກບ້ານແລ້ວ ກໍປະມານເຄິ່ງທາງຫລືກ່ວາພຸ້ນລະ,

ເພິ່ນຈຶ່ງໃຫ້ຫ້ອຍກົ້ນພວກເພິ່ນໄປ ແລະລະຍະທາງແມ່ນໄກພໍສົມຄວນທີ່ຈາກບ້ານຂອງພວກຕົນເອງໄປຫາ

ຕາດຫ່ຽນ ຍ່າງປະມານສອງສາມຊົ່ວໂມງ. ນອກຈາກຄວາມອຸດົມສົມບູນຂອງປູປາກຸ້ງຫອຍແລະກົບຂຽດ

ແລ້ວ ຍັງມີພືດຜັກປ່າຫລາຍໆຊະນິດທີ່ເປັນອາຫານຂອງຄົນຢູ່ອ້ອມແອ້ມໂຂງເຂດນັ້ນເຊັ່ນໜໍ່ໄມ້ ເຫັດປ່າ

ເກືອຍວ່າທຸກປະເພດ. ສິ່ງທີ່ກ່າວມານີ້ບໍ່ວ່າປູປາກົບຂຽດ ຫອຍຈານ ແລະພືດຜັກຕ່າງໆ ຄົນທີ່ອາໄສຢູ່ເຂດ

ນັ້ນແມ່ນພາກັນເບື່ອໄປກໍເປັນໄດ້ ເພາະເຂົາເຈົ້າບໍ່ຫິນພໍເປັນປະມານ ມີແຕ່ເກັບເອົາໄປຂາຍໃຫ້ປະຊາຊົນ

ຢູ່ໃນໂຕເມືອງໆນານພຸ້ນຈົນເປັນສິນຄ້າພາຍໃນຂອງຜູ່ຄົນທີ່ອາໄສຢູ່ຖິ່ນນັນ.

ເປັນໜ້າເສັຍດາຍທີ່ທຳມະຊາດອັນສວຍງາມ ແລະເປັນແຫລ່ງອາຫານພ້ອມທັງເປັນສິນຄ້າປະຈຳທ້ອງຖິ່ນ

ຕ້ອງມາຖືກທຳມະຊາດທຳລາຍທຳມະຊາດດ້ວຍກັນພາຍຫລັງຫ້າສິບປີຕໍ່ມາຫລັງຈາກທີ່ຕົນເອງໄປທ່ຽວ

ຊົມເທື່ອທຳອິດແລະກໍເປັນເທື່ອສຸດທ້າຍຂອງຊີວິດຕົນເອງ, ເພາະມີມະນຸດທີ່ເຫັນແກ່ໂຕພາກັນເຂົ້າມາທຳ

ລາຍທຳມະຊາດ ບໍວ່າການຕັເໄມ້ທຳລາຍປ່າ ການສ້າງເຊື່ອນໄຟຟ້ານ້ຳຕົກທີ່ເປັນແມ່ຫລັກຂອງການສ້າງ

ທຳມະຊາດທຳລາຍທຳມະຊາດ. ຫວັງວ່າປະຊາຊົນລາວຄວນພາກັນລຸກຂຶ້ນຕໍ່ຕ້ານການຕັດໄມ້ທຳລາຍປ່າ

ແລະສ້າງເຂື່ອນໄຟຟ້ານ້ຳຕົກຕາມສາຍທານຫລືຫ້ວຍນ້ຳລຳເຊຕ່າງໆຂອງພັກລັດຜູ່ມີອຳນາດເຫັນແກ່ໄດ້

ສວ່ນຕົວ ແຕ່ບໍເຫັນເຖິງຜົນຮ້າຍທີ່ປະຊາຊົນໄດ້ຮັບຈາກນ້ຳຖ້ວມແລະດິນເຈື່ອນຈາກນ້ຳມືຂອງພັກລັດນີ້.

Anonymous wrote:

---

( ຕໍ່ຈາກສະບັບທີແລ້ວ )

ເມືອງນານເປັນເມືອງນຶ່ງທີ່ສ້າງປັ້ນສັບພະຍາກອນມະນຸດຂຶ້ນມາຈົນກັບກາຍເປັນເມືອງອັນດັບໜຶ່ງຂອງແຂວງພາຍຫລັງ

ເມືອງຮ້ຽມທີ່ຄອງຕຳແໜ່ງອັນດັບໜຶ່ງມາຕັ້ງແຕ່ປີ 1956 ຈົນເຖິງປີ 1966, ຫລັງຈາກເມືອງຮ້ຽມຖືກທຳລາຍເຜົາຜານ

ຈາກສົງຄາມຂອງທັງສອງຝ່າຍຈົນເປັນເຫດໃຫ້ເມືອງຮ້ຽມພ້ອມກັບໝູ່ບ້ານແລະຕາແສງຕ່າງໆທັ້ງເມືອງກາຍມາເປັນ

ບ້ານປ່າເມືອງຮ້າງ ແລະປະຊາຊົນຕ້ອງຖືກຕ້ອນໂຮມກັນອົບພະຍົບໜີອອກຈາກຖິ່ນຖານກຳເນີດໄປຢູ່ປົນກັບຄົນແຄ້ວນ

ອື່ນຂອງທັງສອງຝ່າຍກໍຄືຝ່າຍປະເທດລາວແລະຝ່າຍລັດຖະບານວຽງຈັນ.   ນັບແຕ່ປີ 1966 ເປັນຕົ້ນມາ ເມືອງນານກໍ

ຄອງຕຳແໜ່ງອັນດັບໜຶ່ງທາງດ້ານປະຊາຊົນຊາວເມືອງໄດ້ຮັບການສຶກສາຈົບຂັ້ນປະຖົມສຶກສາຂຶ້ນຮອດຈົບມັດທະຍົມ

ຕົ້ນແລະປາຍ, ທາງວິຊາຊີບທົ່ວໆໄປ ແລະຍັງມີຫລາຍຄົນທີ່ຈົບການສຶກສາຊັ້ນສູງພາຍໃນປະເທດແລ້ວໄປສຶກສາຕໍ່ທີ່

ຕ່າງປະເທດ ຊຶ່ງນັບແຕ່ປີ 1960 ເຖິງປີ 1970.

ໃນລະຍະປີ 1966 ເຖິງປີ 1976 ເມືອງອາດເປັນເມືອງຢູ່ໃນລະດັບທີໜຶ່ງຂອງ 5 ແຂວງພາກເໜືອທີ່ປະຊາຊົນຊາວເມືອງ

ອ່ານອອກຂຽນເປັນມາກກ່ວາ 80% ຂອງຈຳນວນພົນລະເມືອງທັງໝົດຂອງເມືອງ, ຫ້າແຂວງພາກເໜືອ: ແຂວງຫົວຂອງ,

ຟອງສາລີ, ຫລວງພະບາງ ແລະ ຫົວພັນ.     ດັ່ງນັ້ນການຈະເລີນຂອງເມືອງນານຈຶ່ງໄດ້ຂະຫຍາຍໂຕຂຶ້ນທຸກໆປີນັບແຕ່ປີ

1960 ເປັນຕົ້ນມາ, ບໍ່ວ່າທາງສັງຄົມ ເສດຖະກິດ ແລະ ການເມືອງເເມ່ນຍົກໃຫ້ເມືອງນານເປັນເມືອງຕົວຢ່າງໃນການພັດ

ທະນາຮອບດ້ານ. ການສຶກສາເປັນເປົ້າໝາຍສຳຄັນຂອງລັດຖະບານໃນຍຸກນັ້ນທີ່ໄດ້ເອົາໃຈໃສ່ເພື່ອຍົກລະດັບສັງຄົມມະ

ນຸດພາຍໃນເມືອງໃຫ້ມີລະດັບການສຶກສາສູງຂຶ້ນເພື່ອຄວາມຕ້ອງການຂອງຊາດໃນອານາຄົດເພື່ອປະກອບສ່ວນເຂົ້າໃນ

ແຜນການພັດທະນາປະເທດຊາດໃຫ້ຈະເລີນຮຸ່ງເຮືອງເໝືອນປະເທດອື່ນໆຢູ່ໃນໂລກນີ້. ແນ່ນອນທີ່ສຸດ ນັກລົງທຶນ ນັກທຸ

ລະກິດນ້ອຍບໍ່ວ່າພາຍໃນຫລືຢູ່ຕ່າງປະເທດກໍຈະແລໃສ່ ເມືອງໃດ ແຂວງໃດ ຫລື ປະເທດໃດ ທີ່ພວກເຂົາມີຄວາມໄວ້ວາງ

ໃຈແລະເຊື່ອໝັ້ນຖ້າພວກເຂົາຈະເຂົ້າມາລົງທຶນການຄ້າຂາຍຫລືສ້າງສາຖະໜົນຫົນທາງແລະອື່ນໆ.  ດັ່ງທີ່ໄດ້ກ່າວມາ

ເບື້ອງຕົ້ນນັ້ນແລ້ວວ່າ ເມືອງນານເປັນເມືອງປອດສົງຄາມເຖິງວ່າສົງຄາມຍັງແຂ່ງກັນຍາດແຍ່ງດິນແດນ ຂ້າຟັນລັ່ນແທງ

ກັບຢູ່ກໍຕາມ ແຕ່ສົງຄາມນັ້ນບໍ່ໄດ້ເຂົ້າມາສ້າງຄວາມເສັຍຫາຍຫລືລ້າງຜານໃນໂຂງເຂດເມືອງນີ້ໄດ້, ດັ່ງນັ້ນຈຶ່ງມີນັກລົງ

ທຶນ ນັກຮັບເໝົາກໍ່ສ້າງບໍ່ວ່າພາຍໃນປະເທດແລະປະເທດເພື່ອນບ້ານກໍຄືປະເທດໄທກໍຫລັ່ງກັນເຂົ້າມາທຳທຸລະກິດຢູ່ທີ່

ເມືອງນານນັບປີນັບທະວິຄູນຂຶ້ນ ໃນທີ່ສຸດເມືອງນານກໍມີເສັ້ນທາງລົດອອກສູ່ຫລວງພະບາງທາງພາກເໜືອ ແລະ ລົງທາງ

ໃຕ້ກໍເຂົ້າໄປແຂວງໄຊຍະບູລີຊຶ່ງປະກາດເປັນໃຊ້ທາງການໃນປີ 1972. ນອກຈາກທາງສອງເສັ້ນນີ້ແລ້ວຍັງມີເສັ້ນທາງ

ເສັ້ນເກົ່າທີ່ປະຊາຊົນໃຊ້ເຫື່ອແຮງມະນຸດສ້າງທີ່ອອກຈາກເມືອງນານໄປສູ່ບ້ານຄົກຕົມກໍໄດ້ສ້າງເປັນທາງລົດຍົນອັນຖາ

ວອນ ແລະໄດ້ປະກາດເປີດໃຊ້ເປັນທາງການໃນປີດຽວກັນ. ທາງເມືອງຍັງໄດ້ຂະຫຍາຍຕາໜ່າງຂອງການສຶກສາຂຶ້ນ

ໂດຍທາງແຂວງໄດ້ເປີດໂຮງຮຽນອົບຮົມຄູຊັ້ນຕີຫລັກສູດສອງປີຂຶ້ນ, ສ້າງມັດທະຍົມສາມັນສຶກສາຂຶ້ນ ຊຶ່ງເປັນພຽງມັດ

ທະຍົມພາກຕົ້ນເທົ່ານັ້ນ ຄູ່ຄຽງກັນໄປກັບມັດທະຍົມເມືອງນານ ທາງອົງກອນສົງກໍໄດ້ເປີດມັດທະຍົມປາລີຂຶ້ນໃນປີດຽວ

ກັນ (1973) ແລະໂຮງໝໍກໍໄດ້ສ້າງເຜີ້ມເຕີມຂຶ້ນເພື່ອຕອບສະໜອງຄວາມຕ້ອງການຂອງປະຊາຊົນ.

ນີ້ລະຄືຜົນງານຂອງລັດຖະບານວຽງຈັນທີ່ຍາດແຍ່ງເວລາມາສ້າງສາເມືອງນານແລະກໍເມືອງອື່ນໆໃນປາງສົງຄາມ

ເຖິງເພິ່ນຈະມີພາລະໜັກທີ່ຮັບຜິດຊອບກ່ຽວກັບສົງຄາມຍັງຍາດແຍ່ງເວລາມາສ້າງສາພັດທະນາປະເທດຊາດໄດ້. ແຕ່

ກົງກັນຂ້າມກັບລັດຖະບານ ສປປລາວ ໃນຍຸກນີ້ທີ່ບໍມີສົງຄາມທີ່ຮັບຜິດຊອບເໝືອນລັດຖະບານວຽງຈັນ ແຕ່ການພັດທະ

ນາປະເທດແມ່ນ ໂຫລ່ຍໂທ່ຍ ທີ່ສຸດ ແລະທຽບໃສ່ລັດຖະບານເກົ່າຂອງຝ່າຍວຽງຈັນບໍໄດ້. ຖ້າລັດຖະບານວຽງຈັນຍັງ

ມີອຳນາດຢູ່ແລະປະເທດລາວຍັງເປັນລາຊາອານາຈັກ ດຽວນີ້ວຽງຈັນຄົງຈະເລີນແລະເປັນປະເທດທີ່ພັດທະນາແລ້ວ ດີ

ບໍດີໄປກ່ອນປະເືທດໄທ ແລະສູສີກັບສິງຄະໂປແລະເກົາຫລີໃຕ້.

 

ອາວະສານ.

 

---

 ອ່ານເບີ່ງບົດປະພັນຂອງທ່ານແລ້ວ ຄືວ່າເມືອງນານນີ້ໄດ້ຮັບການພັທນາ ຈເຣີນສີວິລັຍມາແຕ່ດົນນານເນາະ

ແຕ່ກໍ່ແປກຢູ່ບ່ອນວ່າ ຖນົນຈາກຫລວງພຣະບາງ ຜ່ານເມືອງນານ ຂ້າມຂອງໄປຫາໄຊຍະບູຣີ ແມ່ນຫາກໍ່ເກີດ

ມທາງປູຫີນແຮ່ໃນລະຫວ່າງ 1988 ຫາ 90 ແລະ ຫາກໍ່ມີທາງປູຢາງ ພ້ອມດ້ວຍຂົວຂ້າມນ້ຳຂອງເມື່ອ 2ປີຜ່ານ

ມານີ້ ໃນສມັຍພຣະຣາຊອານາຈັກລາວ ການເດີນທາງອາສັຍແຕ່ທາງນ້ຳເປັນຕົ້ນຕໍ, ໄຟຟ້າໃຊ້ກໍ່ມີໃນຊຸມປີ 90

ມານີ້. ປະຊາຊົນທຸກຍາກຍ້ອນຣະບອບຣາຊາທິປະຕັຍຄອບງຳມາຕັງຫລາຍສັຕວັດ ຫາກໍ່ລົດຜ່ອນລົງໄດ້ໃນ

ປີ 2015ນີ້, ປະຊາຊົນກືກຫນັງສືເປັນຈຳນວນຫລວງຫລາຍຫາກໍ່ປະກາດຈົບຊັ້ນປະຖົມທົ່ວປະເທດໄດ້ໃນປີ 2015ນີ້

ບໍ່ຮູ້ວ່າທ່ານປຽບທຽບໄດ້ແນວໃດ ຈື່ງວ່າເມືອງນານຈະເຣີນມາແຕ່ສມັຍນັ້ນ

 

---

 ອ່ານເບີ່ງບົດປະພັນຂອງທ່ານແລ້ວ ຄືວ່າເມືອງນານນີ້ໄດ້ຮັບການພັທນາ ຈເຣີນສີວິລັຍມາແຕ່ດົນນານເນາະ

ແຕ່ກໍ່ແປກຢູ່ບ່ອນວ່າ ຖນົນຈາກຫລວງພຣະບາງ ຜ່ານເມືອງນານ ຂ້າມຂອງໄປຫາໄຊຍະບູຣີ ແມ່ນຫາກໍ່ເກີດ

ມທາງປູຫີນແຮ່ໃນລະຫວ່າງ 1988 ຫາ 90 ແລະ ຫາກໍ່ມີທາງປູຢາງ ພ້ອມດ້ວຍຂົວຂ້າມນ້ຳຂອງເມື່ອ 2ປີຜ່ານ

ມານີ້ ໃນສມັຍພຣະຣາຊອານາຈັກລາວ ການເດີນທາງອາສັຍແຕ່ທາງນ້ຳເປັນຕົ້ນຕໍ, ໄຟຟ້າໃຊ້ກໍ່ມີໃນຊຸມປີ 90

ມານີ້. ປະຊາຊົນທຸກຍາກຍ້ອນຣະບອບຣາຊາທິປະຕັຍຄອບງຳມາຕັງຫລາຍສັຕວັດ ຫາກໍ່ລົດຜ່ອນລົງໄດ້ໃນ

ປີ 2015ນີ້, ປະຊາຊົນກືກຫນັງສືເປັນຈຳນວນຫລວງຫລາຍຫາກໍ່ປະກາດຈົບຊັ້ນປະຖົມທົ່ວປະເທດໄດ້ໃນປີ 2015ນີ້

ບໍ່ຮູ້ວ່າທ່ານປຽບທຽບໄດ້ແນວໃດ ຈື່ງວ່າເມືອງນານຈະເຣີນມາແຕ່ສມັຍນັ້ນ

---

 ທ່ານໂອເວີຊີແມັນ ເຄີຍເຫັນອອກມາຕ້ານທຸກກະທູ້ທີ່ຍົກເອົາຄວາມຈິງຂອງບ້ານເມືອງໃນອາດີດຂອງຣັຖະບານວຽງຈັນ

ອອກມາບໍຣິໂພກແກ່ຜູ້ທີ່ເຂົ້າມາຢ້ຽມຢາມເວັບບອດຂອງລາວໂຮມລາວເພື່ອປະຊາທິປະຕັຍນີ້ມີຕລອດ. ຂ້າພະເຈົ້າບໍແປກ

ໃຈດອກທີ່ທ່ານອອກມາດິດເຄຣດິສຂອງທ່ານຜູ້ຂຽນປວັດຂອງເມືອງນານນີ້. ເສັ້ນທາງຣົຖແຕ່ຫລວງພະບາງເຖິງເມືອງນານ

ນັນ ແລະຈາກເມືອງນານໄປຫາບ້ານປາກຄອນແລະເສື່ອມຕໍ່ບ້ານທີ່ເດື່ອແຂວງໄຊຍະບູຣີນັ້ນໄດ້ສ້າງສຳເຣັດແລະປະກາດໃຊ້

ເປັນທາງການໃນປີ 1973. ທີ່ທ່ານກ່າວວ່າເປັນພຽງຖນົນປູດ້ວຍຫີນແຮ່ຫລືດິນແດງກໍຈິງຢູ່ ແຕ່ຢ່າງໜ້ອຍກໍເປັນຜົນງານຂອງ

ຣັຖະບາລພຣະຣາຊະອານາຈັກລາວທີ່ຣິເຣີ່ມສ້າງເພື່ອການຄົມະນາຄົມເພື່ອໃຫ້ຄວາມສະດວກແກ່ສັງຄົມຫລືປະຊາຊົນທີ່

ອາສັຍຢູ່ໃນເຂດນັ້ນ, ທ່ານບໍ່ຮູ້ຄວາມຈິງບໍ່ຕ້ອງອອກມາກ່າວ. ທາງປູຢາງຈາກຫລວງພະບາງຜ່ານເມືອງນານເຂົ້າສູ່ຂົວຂ້າມ

ແມ່ຂອງທີ່ບ້ານປາກຄອນເຂົ້າສູ່ເມືອງທ່າເດື່ອແຂວງໄຊຍະບູຣີນັ້ນ ກໍຈິງດັ່ງທ່ານກ່າວມາວ່າສຳເຣັດກໍ່ສ່້າງມາໃນຣະຍະຊ່ວງ

ປີ 2014-15 ນີ້ ແລະຢ່າງໜ້ອຍເສັ້ນທາງເກົ່າທີ່ຣັຖະບາລພຣະຣາຊະອານາຈັກສ້າງໄວ້ນນັ້ນ ຣັຖະບານ ສປປລາວ ກໍ Up

Grade ແລະຂຍາຍອອກພ້ອມທັງປູຢາງນັ້ນ ກໍກໍ່ສ້າງໄປຕາມຮ່ອງຮອຍຫລທເສັ້ນທາງສາຍເກົ່າເກົ່າທີ່ສ້າງໄວ້ໃນເມືອ່ກ່ອນ

ໜ້ານັ້ນທັງໝົດ.

 ສ່ວນທີ່ວ່າປະຊາຊົນເມືອງນານກືກໜັງສືທັງເມືອງນັ້ນ ແມ່ນທ່ານຫລັບຫູຫລັບຕາເວົ້າອອກມາໄດ້ແນວໃດ? ທາງທີ່ດີທ່ານ

ຄວນຫງັບປາກແລະສະຕິອາຣົມໄວ້ຈະດີກ່ວາ ດຽວຈະເປັນໂຣຄຫົວໃຈວາຍຕາຍໄດຕູ້.

Anonymous wrote:

---

[video=https://search.yahoo.com/search;_ylt=Avk_xTbdeFM2o6S8MDcss9ebvZx4?p=lycee+luang+prabang+laos&toggle=1&cop=mss&ei=UTF-8&fr=yfp-t-118&fp=1]

ມືນຫູມືນຕາຫລືຕີ່ຕາເບິ່ງເອົາ ທ່ານ Overseas Man ວ່າຣັຖະບານ ພຣະຣາຊະອານາຈັກ

ເພິ່ນຍາດແຍ່ງທັງທຶນ ທັງເວລາມາສ້າງຣະບົບການສຶກສາ$ນອາດີດນັ້ນເປັນແນວໃດ. ຢ່າ

ມັກແຕ່ອ້າປາກອອກມາຕ້ານໝູ່ຫລາຍ.

---

Anonymous wrote:

---

ຂໍເປັນກຳມະການໃຫ້ພວກເຈົ້າທັງສອງເດີ້.

ຢາກໃຫ້ Overseas Man ນຳເອົາຮູບໂຮງຮຽນແລະຖະໜົນຫລືທາງຣົດ

ຂອງຝາກຝ່າຍແນວລາວຮັກຊາດຢູ່ຊຳເໜືອຫລືເຂດປົກຄອງອື່ນໆກ່ອນ

1975 ອອກມາໂຊສັງຄົມເບິ່ງດູ ທີ່ວ່າເຈົ້ານັ້ນຍ້ອງໜັກຍ້ອງໜາວ່າຝ່າຍແນວລາວສ້າງ

ສາບ້ານເມືອງດີກ່ອນຝ່າຍອະດີດວຽງຈັນໃນສມັຍສົງຄາມ.

---

 ຈັ່ງແມ່ນເວົ້າແບບເດັກອົມມືເນາະ, ແມ່ນເອົາສມອງສ່ວນໃດມາຄິດ ກີນຫຍັງມາຄິດ

ກະຮູ້ຢູ່ເດວ່າພວກ ອຳນາດການປົກຄອງຫຸ່ນ ປະຕິການຂາຍຊາດ ເອົາຈັກະພັດ

ອະເມຣິກາ ມາຖີ້ມຣະເບີດ ຢູ່ບໍ່ຂາດສາຍຈົນເງີຍຫົວ ເງີຍຄໍບໍ່ໄດ້. ແມ່ນແຕ່ຈະປຸກເຮືອນ

ຢູ່ກະຍັງບໍ່ໄດ້, ເຮັດນາປູກເຂົ້າກີນກະຍັງບໍ່ໄດ້ ເຮັດແນວໃດຈະສ້າງຖນົນຫົນທາງໄດ້.

ສມັຍພວກຫຸ່ນປະຕິການຂາຍຊາດຢູ່ເຮັດຫຍັງໄດ້ພໍປະມານແດ່, ທາງແຕ່ວຽງຈັນ

ໄປຫາບ້ານຂ້ອຍ ເມືອງວັງວຽງ ລົດພໍແຕ່ຫມົ້ນໄປໄດ້ ໃຊ້ເວລາເດີນທາງເປັນມື້ ຢ່າໂມ້ຫລາຍ