ໃນວັນທີ 18 ມົກກະຣາ ນີ້ ຈະເປັນມື້ ເລີ້ມຕົ້ນ ຂອງ ກອງປະຊຸມໃຫ່ຽ ເປັນເວລາ 5 ວັນ ຂອງ ພັກ ປະຊາຊົນ ປະຕິວັດລາວ ຊຶ່ງ ຈະດໍາເນີນ ໄປຮອດ ວັນທີ 22 ທີ່ ສໍານັກງານ ສູນກາງພັກ ນະຄອນຫຼວງ ວຽງຈັນ.
ກອງປະຊຸມ ໃຫ່ຽນີ້ ມີຂຶ້ນທຸກໆ 5 ປີ ເພື່ອເລືອກ ຜູ້ນໍາພັກ ຊຸດໃໝ່. ຣາຍການ ກອງປະຊຸມ ຄາດວ່າ ຈະບໍ່ມີຫຍັງ ແຕກຕ່າງ ກັບ ກອງປະຊຸມໃຫ່ຽ ຄັ້ງທີ 9 ທີ່ຈັດຂຶ້ນ ໃນເດືອນ ມິນາ ປີ 2011 ຊຶ່ງ ມີຜູ້ແທນ ສະມາຊິກ ພັກ ທົ່ວປະເທດ ເຂົ້າຮ່ວມ ທັງໝົດ ກວ່າ 570 ຄົນ ໃນຈໍານວນ ສະມາຊິກ ທັງໝົດ ກວ່າ 191,000 ຄົນ. ສໍາຫຼັບ ປີນີ້ ກໍຄາດວ່າ ຈໍານວນ ຜູ້ແທນ ທັງໝົດ ທີ່ເຂົ້າຮ່ວມ ກອງປະຊຸມ ຈະເພີ້ມຂຶ້ນ.
ກອງປະຊຸມ ໃນປີນັ້ນ ແມ່ນຫົວຂໍ້ ສ້າງຄວາມ ສາມັກຄີ ປຶກແຜ່ນ ພາຍໃນພັກ, ປົກປັກຮັກສາ ການນໍາພາ ແລະສ້າງ ຄວາມສາມາດ ຂອງ ພະນັກງານ ພາຍໃນ ພັກ, ຈັດຕັ້ງ ປະຕິບັດ ນະໂຍບາຍ ການປ່ຽນແປງ ໃໝ່, ສ້າງເງື່ອນໄຂ ພື້ນຖານ ເພື່ອໃຫ້ ປະເທດຊາດ ຫລຸດພົ້ນ ຈາກການເປັນ ປະເທດ ດ້ອຍ ພັທນາ ພາຍໃນ ປີ 2020 ເພື່ອ ກ້າວຂຶ້ນສູ່ ສັງຄົມ ນິຍົມ.
ສໍາລັບ ກອງປະຊຸມ ຄັ້ງນີ້ ຈຸດໝາຍ ກໍບໍ່ແຕກຕ່າງ ຈາກ ປີຜ່ານມາ ຫຼາຍປານໃດ ເພາະວ່າການ ຈັດຕັ້ງ ປະຕິບັດ ແຜນການ ພັທນາ ເສຖກິດ-ສັງຄົມ 5 ປີທີ່ ພັກ ກໍານົດ ແລະ ຊີ້ນໍາ ບໍ່ໄດ້ ຄາດໝາຍ ຫມົດທຸກຢ່າງ ໝາຍຄວາມວ່າ ພະນັກງານ ປະຕິວັດ ຕັ້ງແຕ່ ຣະດັບສູງສຸດ ຮອດຕໍ່າສຸດ ຍັງບໍ່ ເອົາໃຈໃສ່ ນໍາການ ປັບປຸງ ຕົນເອງ ໃຫ້ເປັນ ຕົວຢ່າງ ໃນການເປັນ ຜູ້ເສັຽສຣະ ຕໍ່ ປະເທດຊາຕ ແລະ ສັງຄົມ, ແຕ່ ກົງກັນຂ້າມ ພຍາດຕິດແປດ ການສໍ້ຣາສ ບັງຫຼວງ ຣະບົບ ຫຼີ້ນເສັ້ນ ຫຼິ້ນສາຍ ເກື້ອກຸນ ຄອບຄົວ ແລະ ພັກພວກ ຊຶ່ງ ເປັນສັຕຣູ ຕົວຮ້າຍກາດ ຂອງ ພັກ ພັດແຜ່ລາມ ຢ່າງບໍ່ຢຸດຢັ້ງ.
ເມື່ອເຮົາຖາມ ຄວາມເຫັນ ຂອງ ຊາວລາວ ທີ່ຫາເຊົ້າ ກິນຄໍ່າ ວ່າມີຄວາມ ກະຕືລືລົ້ນ ແນວໃດ ກັບ ກອງປະຊຸມ ຄັ້ງນີ້ ທ່ານ ກໍຕອບວ່າ:
(ເຊີນທ່ານ ຕິດຕາມ ຟັງສຽງ ຕໍ່ໄປໄດ້)
ພະນັກງານ ຜແນກ ການເງິນ ແຂວງ ອຸດົມໄຊ ເວົ້າວ່າ ຮູ້ຂ່າວ ທ່ານ ພູເພັດ ຄຳພູນວົງ ອະດີດ ຣັຖມົນຕຣີ ກະຊວງ ການເງິນ ແລະ ພະນັກງານ ຂັ້ນສູງ ອີກ 4 ຄົນ ກໍາລັງ ຖືກ ສອບສວນ ເຣື້ອງ ທຸຈຣິດ ນັ້ນແລ້ວ.
ເຈົ້າຫນ້າທີ່ ຜແນກ ການເງິນ ແຂວງ ອຸດົມໄຊ ກ່າວຕໍ່ ເອເຊັຽ ເສຣີ ໃນວັນທີ 15 ມົກກະຣາ 2016 ນີ້ວ່າ ໄດ້ຮັບ ແຈ້ງການ ເມື່ອ ທ້າຍເດືອນ ທີ່ແລ້ວ ແລະ ຢືນຢັນວ່າ ເຣື້ອງ ໂຄງການ ບໍ່ມີຕົວຕົນ ຢູ່ ແຂວງ ອຸດົມໄຊ ໃນປີ 2014 ນັ້ນ ພະນັກງານ ການເງິນ ແຂວງ ບໍ່ໄດ້ ກ່ຽວຂ້ອງ ນຳ:
“ເພິ່ນແຈ້ງ ເມື່ອ ທ້າຍເດືອນ 12 ແຈ້ງໃຫ້ຮູ້ວ່າ ສາຍການເງິນ 4 ທ່ານ ຖືກ ເຈົ້າຫນ້າທີ່ ເອົາໄປ ກັກຕົວແລ້ວ. ສ່ວນຫຼາຍ ເພິ່ນ ຈະເນັ້ນໃສ່ ພາກສ່ວນ ຮັບຜີດຊອບ ສູງ ກະ ບໍ່ກ່ຽວວ່າ ທາງຂັ້ນສູງ ເພິ່ນຈະປົກປິດ ຫຼື ປ້ອງກັນ ແນວໃດ ເຮົາກໍບໍ່ ສາມາດຮູ້, ແຕ່ວ່າ ສາຍການເງິນ ພາກສ່ວນ ວິຊາການ ນີ້ ບໍ່ມີສ່ວນ ກ່ຽວຂ້ອງ”.
ນາງວ່າ ໃນຣະຍະ ທີ່ ແຂວງ ອຸດົມໄຊ ເປັນເຈົ້າພາບ ຈັດ ງານກິລາ ແຫ່ງຊາດ ເມື່ອປີ 2014 ນັ້ນ ມີຄວາມຜົດ ປົກກະຕິ ກ່ຽວກັບ ໂຄງການ ບໍ່ມີຕົວຕົນ. ຫລັງແລ້ວງານ ຈຶ່ງມີການ ກວດສອບ ແລະ ສັ່ງປົດ ເຈົ້າແຂວງ ແລະ ຜູ້ຮອງ ຢ່າງ ກະທັນຫັນ.
ນາງກ່າວ ປຽບທຽບໃສ່ ປະເທດຈີນ ແລະ ວຽດນາມ ທີ່ ມີການ ປາບປາມ ການສໍ້ຣາສ ບັງຫຼວງ ຢ່າງເຂັ້ມງວດ ຊຶ່ງນາງ ຖືວ່າ ເປັນເຣື້ອງດີ, ແຕ່ຢູ່ ປະເທດລາວ ອາດຈະ ເຮັດບໍ່ໄດ້ ປານນັ້ນ.
“ຄືຊິຍາກຢູ່. ເຮົາໄດ້ໄປ ຖອດຖອນບົດຮຽນ ຢູ່ ປະເທດ ອ້ອມຂ້າງ ເຮົາກໍເຫັນ ຂະເຈົ້າ ຣະບຽບຫຼາຍ ເຫນືອ ພວກເຮົາແທ້. ພາຫະນະ ປະຈຳ ຕຳແໜ່ງ ຂອງ ການນຳ ຂະເຈົ້າ ຈະບໍ່ມີ ກັມມະສິດ ນອກໂມງ ຣາຊການ, ຄືແນວ ພວກເຮົາ ເອົາໄປສວນ ໄປຫຍັງຫັ້ນ ມັນເປັນໄປ ບໍ່ໄດ້, ພາກສ່ວນໃດ ກະບໍ່ ປະຕິບັດ ເດ”.
ສຳຫຼັບ ກໍຣະນີ ທ່ານ ພູເພັດ ຄຳພູນວົງ ຖືກສອບສວນ ເຣື້ອງ ທຸຈຣິດ ນັ້ນ, ປັຈຈຸບັນ ທ່ານ ຍັງຖືກກັກຕົວ ຢູ່ ຫ້ອງກວດກາ ຂອງຄນະ ກັມມະການ ກົມການເມືອງ ສູນກາງພັກ ຫຼັກ 6, ສ່ວນ ພະນັກງານ ຂັ້ນສູງ 4 ຄົນ ຖືກຂັງ ຢູ່ຄຸກ ໂພນທັນ ນະຄອນຫຼວງ ວຽງຈັນ. ຂນະນີ້ ການສືບສວນ ສອບສວນ ກໍກໍາລັງ ດຳເນີນ ຕໍ່ໄປຢູ່.
ວິທີການ ໂກງກິນ ຂອງພະນັກງານພັກລັດ
ພວກທ່ານຈະເຫັນວ່າເອກະສານບໍ່ມີລາຍລະອຽດຫຍັງເລີຍ. ແຖມຕົວເລກຈຳນວນເງິນໃນໃບບິນ ແມ່ນ 2000 ກີບ ກະມາແປງເປັນ 5000 ກີບ. ຈິ່ງຢາກສະເໜີ ໃຫ້ພາກສ່ວນພາສີອາກອນ ໄດ້ພິຈາລະນາ ເຮັດໃບບິນເກັບເງິນທີ່ມີມາດຕະຖານກວ່ານີ້.
ຂ້າພະເຈົ້າພູມໃຈທີ່ຈະເສຍພາສີອາກອນ ຫາກເງິນທີ່ເສຍໄປ ຈະໜ້ອຍ ຫຼື ຫຼາຍ ມັນໄດ້ປະກອບສ່ວນເຂົ້າໃນການພັດທະນາປະເທດຊາດ, ແຕ່ບໍ່ແມ່ນການໄປພັດທະນາຖົງບຸກຄົນໃດໜຶ່ງ.
ຫວັງວ່າ ການສະເໜີນີ້ຈະໄດ້ຮັບການພິຈາລະນາ.
ຈາກ: ແມ່ຄ້າຕະຫຼາດສີຂຽວ ດອນກອຍ.
ປາແດກເຫນົ່າ ຕ່ອນເກົ່າ ໃສ່ຖ້ວຍໃຫມ່ ມາຂາຍ....
ເພື່ອໃຫ້ເຫດການອັນຊໍ້າຊາກນີ້ໝົດສິ້ນໄປຈາກຜຶນແຜ່ນດິນລາວ,ພີ່ນ້ອງປະຊາຊົນລາວ
ພວກເຮົາບັນດາເຜົ່າຕ່າງໆຕ້ອງພ້ອມກັນລຸກຂື້ນເທເຫຼົ້າອັບປີທີ່ພວກພັກ-ລັດ ສປປ.ລາວ
ຂາຍຊາດກັ່ນມານີ້ພ້ອມທັງທັບກວດທີ່ມັນຈະມາບັນຈຸຖີ້ມໃຫ້ໝົດ.
ຄະນະຕລົກພັກລາວຄອມມິວນິດ ກຳລັງສະແດງລະຄອນຫລອກຕົວເອງແລະປະຊາຊົນລາວ.
ສັນດານຊົ່ວ ຂອງຜູ້ນຳ ພັກລັດ ສິດສອນໃຫ້ພີ່ນ້ອງລາວຂ້າກັນເອງ
ຊາວລາວ ຫຼາຍຄົນ ຄິດວ່າ ກອງປະຊຸມ ໃຫຽ່ ຂອງພັກ ປະຊາຊົນ ປະຕິວັດລາວ ຊຶ່ງກຳລັງ ດຳເນີນ ຢູ່ໃນປັດຈຸບັນ ນີ້ ທີ່ ນະຄອນຫຼວງ ວຽງຈັນ ຈະບໍ່ມີ ຄວາມໝາຍ ຫຍັງຫຼາຍ. ກອງປະຊຸມ ອາດຈະເລືອກ ເອົາຜູ້ນຳ ໃໝ່ ຫລື ຄນະ ກົມການເມືອງ ຊຸດໃໝ່ ແຕ່ ອຸດົມການ ນະໂຍບາຍ ແລະ ແຜນການ ສ້າງສາ ພັທນາ ກໍຍັງຈະ ຄືເກົ່າ. ພັກ ປະຊາຊົນ ປະຕິວັດລາວ ຍັງ ຈະຜູກຂາດ ອຳນາດ ຕລອດໄປ ຍັງ ຈະປົກຄອງ ປະເທດດ້ວຍ ຣະບອບ ຜະເດັດການ ສັງຄົມນິຍົມ ຢູ່ຄືເກົ່າ ແລະ ຍັງຈະຈຳກັດ ສິດ ເສຣິພາບ ປະຊາທິປະໄຕ ຂອງ ປະຊາຊົນ ຢ່າງເຄັ່ງຂັດ ສືບຕໍ່ໄປ ເລື້ອຍໆ.
ໃນດ້ານ ການເມືອງ ຕ່າງປະເທດ ຄນະຜູ້ນຳ ພັກ ແລະ ຣັຖບານ ສປປລາວ ຊຸດໃໝ່ ກໍຍັງຈະ ຢູ່ພາຍໃຕ້ ອິດທິພົນ ຂອງວຽດນາມ ແລະ ຈີນ ສືບຕໍ່ໄປ ຢູ່ຄືເກົ່າ. ທ່ານ ພູສີ ສັກດາ ຜູ້ຕາງໜ້າ ຣັຖບານ ພຣະຣາຊອານາຈັກລາວ ສມັຍຮື້ຟື້ນ ກໍໄດ້ອອກ ຖແລງການ ຕອບໂຕ້ ກອງປະຊຸມ ໃຫຽ່ ຂອງພັກ ປະຊາຊົນ ປະຕິວັດ ລາວ ທີ່ ມີເນື້ອໃນ ໃຈຄວາມ ທີ່ສຳຄັນ ຕອນນຶ່ງ ວ່າ: ສຽງ ....
ເພື່ອຄວາມ ກະຈ່າງແຈ້ງ ກ່ຽວກັບ ຖແລງການ ດັ່ງກ່າວ ຂ້າພະເຈົ້າ ກໍໄດ້ ໂທຣະສັບ ຫາ ພະຍາ ສິດທິບຸນ ທີ່ ເປັນນາຍົກ ຣັຖມົນຕຣີ ຂອງ ຣັຖບານ ພຣະຣາຊອານາຈັກລາວ ສມັຍຮື້ຟື້ນ ແລະ ກໍໄດ້ຖາມ ຣາຍລະອຽດ ຕື່ມວ່າ: ສຽງ...
ພັກ ປະຊາຊົນ ປະຕິວັດ ລາວ ຈັດກອງປະຊຸມ ໃຫຽ່ ຂອງພັກ ນັບແຕ່ ວັນທີ່ 18 ເດືອນ ມົກກະຣາ ນີ້ ເປັນຕົ້ນມາ. ຈຸດປະສົງ ໃຫຽ່ ກໍເພື່ອ ເລືອກເອົາ ຜູ້ນຳໃໝ່ ຄນະກົມການເມືອງ ຊຸດໃໝ່ ແລະ ສະມາຊິກ ຄນະ ບໍຣິຫານ ສູນກາງພັກ ຊຸດໃໝ່. ນອກນັ້ນ ກອງປະຊຸມ ຫຼວງ ຂອງພັກ ຍັງຈະວາງແຜນ ພັທນາ ເສຖກິດ-ສັງຄົມ ຫ້າປີ ແລະ ສິບປີ ຂ້າງໜ້າ.
ໃນວັນເປີດ ກອງປະຊຸມ ທ່ານ ຈູມມະລີ ໄຊຍະສອນ ໃນນາມ ເລຂາທິການ ໃຫຽ່ ຂອງພັກ ກໍຣາຍງານວ່າ ໃນລະຍະ 5 ປີຜ່ານມາ ພັກ ໄດ້ນຳພາ ສ້າງສາ ພັທນາ ປະເທດຊາດ ໃຫ້ຈະເຣີນ ກ້າວໜ້າ ຢ່າງ ໜ້າພໍໃຈ ເຊັ່ນໄດ້ສ້າງ ເສຖກິດ ໃຫຽ່ ຂຍາຍຕົວ ຢ່າງໜ້ອຍ 7.4 ສ່ວນຮ້ອຍ ຕໍ່ປີ, ປະຊາຊົນ ມີຣາຍຮັບ ເພິ້ມຂື້ນ ເປັນ ເກືອບຜູ້ລະ 2,000 ດອນລ່າ ສະຫະຣັຖ ຕໍ່ປີ ແລະ ປະຊາຊົນ ທີ່ທຸກຍາກ ໃນ ທົ່ວປະເທດ ຍັງເຫລືອ ພຽງແຕ່ 6.5 ສ່ວນຮ້ອຍ ເທົ່ານັ້ນ.
7 ຍຸດທະສາດ ຂອງພວກໂກງຊາດ ອີກ 10 ປີຕໍ່ໜ້າ
1. ຍຸດທະສາດທຳອິດພັດທະນາເສດຖະ ກິດຢ່າງຕໍ່ເນື່ອງໄປຕາມທິດມີຄຸນນະ ພາບ, ສີຂຽວ ແລະຢືນຍົງ ຊຶ່ງເປົ້າໝາຍແມ່ນເຮັດໃຫ້ເສດຖະກິດຂະຫຍາຍຕົວ ຕໍ່ເນື່ອງໝັ້ນທ່ຽງດ້ວຍຈັງຫວະສະເລ່ຍ 7,5% ຕໍ່ປີ, ເສດຖະກິດມະຫາພາກມີສະ ຖຽນລະພາບ, ຄວາມທຸກຍາກສືບຕໍ່ຫຼຸດ ລົງ, ຊີວິດການເປັນຢູ່ຂອງປະຊາຊົນໄດ້ ຮັບການຍົກລະດັບດີຂຶ້ນ, ຮັບປະກັນການ ຜະລິດສະບຽງອາຫານໃຫ້ພຽງພໍກັບ ຄວາມຕ້ອງການພາຍໃນ, ມີສິນຄ້າສົ່ງ ອອກຈຳນວນໜຶ່ງ, ມີການຈັດສັນເຂດ ການພັດທະນາ ແລະຈັດວາງກຳລັງການ ຜະລິດຕາມເຂດແຄວ້ນຢ່າງເປັນລະບົບ
2. ຍຸດທະສາດທີສອງ ເພື່ອພັດທະນາປະ ເທດໃຫ້ຫຼຸດພົ້ນອອກຈາກສະຖານະພາບ ດ້ອຍພັດທະນາ (LDCs) ແລະປະຕິບັດ ເປົ້າໝາຍການພັດທະນາແບບຍືນຍົງ (SDGs) ໂດຍສຸມໃສ່ປະຕິບັດເປົ້າໝາຍ ຫຼຸດພົ້ນອອກຈາກສະຖານະພາບດ້ອຍ ພັດທະນາໃຫ້ສຳເລັດໃນປີ 2020 ແລະ ປະຕິບັດເປົ້າໝາຍການພັດທະນາແບບ ຍືນຍົງ.
3. ການພັດທະນາຊັບພະຍາກອນ ມະນຸດ ເລັງໃສ່ພັດທະນາຄົນໃຫ້ມີ ຄຸນສົມ ບັດສິນທຳປະຕິບັດ, ມີສະຕິປັນຍາ, ສຸຂະ ພາບ ແລະຮ່າງກາຍແຂງແຮງ, ການສຶກ ສາອົບຮົມດ້ານແນວຄິດການເມືອງ, ການຄຸ້ມຄອງກໍ່ສ້າງພະນັກງານ, ຍົກປະສິດທິພາບຂອງແຮງງານ, ສົ່ງເສີມວຽກງານ ໂພຊະນາການ, ຍົກສູງຄຸນຄ່າວັດທະນະ ທຳອັນດີງາມຂອງຊາດ ແລະຂອງບັນ ດາເຜົ່າ.
4. ຍຸດທະສາດການປົກປັກຮັກສາ ແລະນຳໃຊ້ຊັບພະຍາກອນທຳມະຊາດ ຢ່າງມີປະສິດທິຜົນຕາມທິດສີຂຽວ ແລະ ຍືນຍົງ ໂດຍສະເພາະທີ່ດິນ, ປ່າໄມ້, ແຮ່ ທາດ, ແຫຼ່ງນ້ຳ, ອາກາດໃຫ້ມີການນຳໃຊ້ເກີດປະໂຫຍດສູງສຸດ, ມີຄວາມຍືນຍົງໝັ້ນຄົງໄປຕາມທິດສີຂຽວ ແລະຮັບປະກັນການບັນເທົາ, ຮັບມື ແລະປັບຕົວເຂົ້າກັບການປ່ຽນແປງຂອງດິນຟ້າອາກາດ.
5. ຍຸດທະສາດການເພີ່ມທະວີຄວາມ ສັກສິດຂອງລະບົບການປົກຄອງດ້ວຍ ກົດໝາຍຂອງລັດປະຊາທິ ປະໄຕປະຊາ ຊົນ: ປັບປຸງສ້າງລະບົບກົງຈັກການປົກ ຄອງ ແລະການບໍລິຫານລັດໃຫ້ເຂັ້ມແຂງ ມີປະສິດທິພາບສູງຂຶ້ນ, ປັບປຸງສ້າງບັນ ດາອົງການຈັດຕັ້ງຂອງລັດໃຫ້ກະທັດ ຮັດ, ສ້າງ ແລະປັບປຸງບັນດານິຕິກຳ, ນະໂຍບາຍລະບຽບການຕ່າງໆໃຫ້ຄົບຖ້ວນ, ຮັດກຸມ, ຈະແຈ້ງ ແລະປັບປຸງກົນໄກການ ປະສານງານລະຫວ່າງສາຍຕັ້ງ ແລະ ສາຍຂວາງໃຫ້ ກົມກຽວກັນ.
6. ຍຸດທະການເຊື່ອມ ໂຍງ, ເຊື່ອມຈອດກັບພາກພື້ນ ແລະສາ ກົນ ຊຶ່ງຕ້ອງເພີ່ມທະວີການມີເພື່ອນມິດ, ຮັດແໜ້ນຄວາມສາມັກຄີ ແລະຂະຫຍາຍ ການພົວພັນຮ່ວມມືກັບພາກພື້ນ ແລະສາ ກົນໃຫ້ກວ້າງຂວາງ ໂດຍເພີ່ມຂີດຄວາມ ສາມາດໃນການແຂ່ງຂັນ ເຂົ້າຮ່ວມໃນ ເຄືອຂ່າຍການຜະລິດຂອງພາກພື້ນ ແລະ ສາກົນ.
7. ສຳລັບຍຸດທະສາດສຸດທ້າຍແມ່ນ ການຫັນປ່ຽນອຸດສາຫະກຳ ແລະທັນສະ ໄໝ ໂດຍສະເພາະຍົກສູງປະສິດທິພາບ ແລະປະສິດທິຜົນຂອງການຜະລິດໃນ ໂຄງປະກອບເສດຖະກິດແຫ່ງຊາດ, ການນຳໃຊ້ ແລະພັດທະນາເຕັກໂນໂລຊີ ທີ່ທັນສະໄໝ, ສະອາດເປັນມິດກັບສິ່ງ ແວດລ້ອມ, ມີພື້ນຖານໂຄງລ່າງທີ່ທັນ ສະໄໝ ແລະສາມາດຮອງຮັບການເຊື່ອມ ຈອດກັບພາກພື້ນ ແລະສາກົນ, ໂດຍຫັນ ຕົວເມືອງໃຫຍ່ໃຫ້ມີຄວາມທັນສະໄໝ, ການຫັນເປັນອຸດສາຫະກຳຕ້ອງສຸມໃສ່ ຂະແໜງອຸດສາຫະກຳເສົາຄ້ຳເປັນຕົ້ນ ອຸດສາຫະກຳໄຟຟ້າ, ອຸດສາຫະກຳປຸງ ແຕ່ງ (ລວມທັງອຸດສາຫະກຳປຸງແຕ່ງ ກະສິກຳ, ປຸງແຕ່ງບໍ່ແຮ່), ອຸດສາຫະກຳ ທ່ອງທ່ຽວ ພ້ອມນັ້ນ ຕ້ອງເອົາໃຈໃສ່ບັນ ດາຂະແໜງການ ປິ່ນອ້ອມ ໂດຍສະເພາະ ກະສິກຳ-ປ່າໄມ້, ທະນາຄານ, ໂທລະຄົມ ມະນາຄົມ, ການບໍລິການທາງຜ່ານ ແລະ ອື່ນໆ.
ສົງໃສ ແປມາຈາກ ພາສາຫວຽດນາມ
ໃນ 7 ຍຸດທະສາດ, ຂ້າພະເຈົ້າອ່ານຫລາຍຫລົບຫລາຍຕ່າວຍ້ອນການຂຽນມັນບໍແມ່ນພາສາລາວ, ຕົວຢ່າງ: "1 ຍຸດທະສາດທຳອິດ" ຖ້າບັນຫາດັ່ງກ່າວໝາຍດ້ວຍເລກ 1 ແລ້ວ, ຄຳສັບຕໍ່ໄປຈະບໍ່ມີຄຳວ່າ "ທຳອິດ"."ພັດທະນາເສດຖະກິດຢ່າງຕໍ່ເນື່ອງໄປຕາມທິດມີຄຸນະພາບສີຂຽວ ແລະ ຍືນຍົງ" ອ່ານເບິ່ງມັນບໍ່ແມ່ນພາສາລາວ ໃນບົດດັ່ງກ່າວບໍ່ຮູ້ເລີຍວ່າບັນຫາສຳຄັນ, ບັນຫາຕົ້ນຕໍແມ່ນຫຍັງ ບໍ່ຮູ້ຈະໄປຂະຫຍາຍຄວາມສອນ ນສ ແນວໃດ.ການຂຽນປະໂຍກບໍ່່ຮູ້ວ່າສັບໃດເປັນ "ປະທານ" ສັບໃດເປັນ"ກຳ"."ຄວາມທຸກຍາກສືບຕໍ່ຫລຸດລົງ" ປະໂຍກບໍ່ເປັນພາສາລາວ ແລະກໍບໍ່ active ເລີຍ.ຂໍໂທດຫລາຍໆເດີ ເປັນພຽງການສັງເກດການຂຽນພາສາລາວຊື່ໆ ບໍ່ໄດ້ຕຳນິ/ຕ້ານແນວທາງ ແລະການນຳ
ກຳນົດ 7 ຍຸດທະສາດໂກງລະດັບຊາດ ແດກກັນອີກ10ປີ ຄົບ10ປີແລ້ວຈັ່ງມາວາງແຜນໄຫມ່ວ່າຊິແດກກັນຕໍ່ອີກຈັກປີ
ວ່າຊັ້ນບອກມາໂລດແບບນີ້ກະໃດ້ ຊິປິດບັງເຮັດຫຍັງ ມີອຳນາດຜະເດັດການຢູ່ແລ້ວ(ຫມ.ກ.ກ.ຊ)
7ຢຸດທະສາດ ມັນຫລາຍເກີນໄປ ເອົາຢຸດທະສາດດຽວກ່ອນໃດ້ບໍ່? ບໍ່ຕ້ອງໃປຮອດ7ດອກ
ເອົາເວລາມີງານລະດັບຊາດບໍ່ຕ້ອງເກັບເງີນນຳປະຊາຊົນໃດ້ບໍ່?
ຄັນບໍ່ມີປັນຍາຈັດ ກະບໍ່ຕ້ອງເຮັດໃຫ້ເດືອດຮ້ອນປະຊາຊົນ.
ພວກຄວາຍນີ້ ມັນບອກວ່າ
ໃນໂອກາດດໍາເນີນກອງປະຊຸມໃຫຍ່ຄັ້ງທີ 10 ຂອງພັກປະຊາຊົນປະຕິວັດລາວ,
