ປັດຈຸບັນ ຍັງມີຜູ້ປະກອບການ ຮ້ານກິນດື່ມ ທີ່ ເປີດຂາຍເຫຼົ້າ ໃກ້ສະຖານ ການສຶກສາ ເຊັ່ນ, ຢູ່ມະຫາວິທຍາໄລ ສຸພານຸວົງ ແຂວງ ຫຼວງພະບາງ ເຖິງວ່າທາງການ ໄດ້ສັ່ງຫ້າມ ບໍ່ໃຫ້ເປີດ ຮ້ານກິນດື່ມ ໃກ້ກັບເຂດ ການສຶກສາ ທຸກແຫ່ງ. ຕາມຄຳເວົ້າ ຂອງອາຈານ ທ່ານນຶ່ງ ທີ່ສອນຢູ່ ມະຫາວິທຍາໄລ ໄດ້ກ່າວຕໍ່ ເອເຊັຽເສຣີ ວ່າ:
"ສ່ວນເລື້ອງຫລັກການນີ້ ພວກເຮົາກໍໄດ້ ຄຸຍກັບ ການຈັດຕັ້ງ ໝົດຫັ້ນແຫຼະ ສ່ວນຫຼາຍກະແມ່ນ ການຈັດຕັ້ງແຂວງ ເພິ່ນຈັດຕັ້ງ ແຕ່ວ່າ ຊ້ວງນີ້ ຫລັງຈາກ ງຽບໄປ ກໍກັບຄືນມາ ໃໝ່ເນາະ".
ທ່ານກ່າວຕື່ມວ່າ ຫລັງຈາກທີ່ມີ ຣະບຽບການອອກມາ ເຈົ້າໜ້າທີ່ ແຂວງຫຼວງພຣະບາງ ກໍໄດ້ສັ່ງການ ໃຫ້ຜູ້ປະກອບການ ຮ້ານກິນດື່ມ ມ້າງຮ້ານ ຍ້າຍອອກໄປ, ແຕ່ຕໍ່ມາພຽງ 3 ເດືອນ ເຂົາເຈົ້າ ກໍກັບຄືນ ມາເປີດອີກ ແລະ ທາງມະຫາວິທຍາໄລ ກໍໄດ້ອອກແຈ້ງການ ຫ້າມນັກສຶກສາ ບໍ່ໃຫ້ໄປໃຊ້ ບໍຣິການ ແຕ່ກໍຍັງມີ ນັກສຶກສາ ຈຳນວນນຶ່ງ ເຂົ້າໄປນັ່ງ ກິນ-ດື່ມ ຢູ່.
ທ່ານ ທອງລຸນ ສີສຸລິດ ນາຍົກຣັຖມົນຕຼີ ໄດ້ກ່າວ ໃນວັນທີ 7 ຕຸລາ 2016 ເນື່ອງໃນວັນຄຣູ ແຫ່ງຊາດ ວ່າ, ຈະບໍ່ອະນຸຍາດ ໃຫ້ຮ້ານ ກິນດື່ມ ທີ່ຈຳໜ່າຍ ສິ່ງມຶນເມົາ ໃນສະຖານທີ່ ບັນເທີງ ຫລື ສະຖານທີ່ ການພະນັນ ເປັນຕົ້ນວ່າ ຮ້ານສະນຸກເກີ ແລະ ຮ້ານເກມ ຢູ່ໃກ້ ສະຖານທີ່ ສຶກສາ ເດັດຂາດ, ທີ່ຜ່ານມາ ຮ້ານກິນດື່ມ ພວກນີ້ ເປັນໄພອັນຕະລາຍ ຮ້າຍແຮງ ຢ່າງນຶ່ງ ທີ່ເຮັດໃຫ້ ນັກສຶກສາ ເຍົາວະຊົນ ກາຍເປັນບັນຫາ ຫຍໍ້ທໍ້ ໃນວົງກວ້າງ ແລະ ຮຽກຮ້ອງ ໃຫ້ພໍ່ແມ່ ຜູ້ປົກຄອງ ຮ່ວມມືກັນ ເບິ່ງແຍງຊ່ວຍກັນ ເພື່ອສະກັດກັ້ນ ສິ່ງບໍ່ງາມນີ້ ໃຫ້ໝົດໄປ ຖ້າວ່າ ຮ້ານກິນດື່ມ ແຫ່ງໃດ ຂັດຕໍ່ ຣະບຽບການ ຈະຕ້ອງຖືກ ນຳມາສຶກສາ ອົບຮົມ ຫລື ດຳເນີນຄະດີ ຕາມກົດໝາຍ.
ອານາຄົດລູກຫຼານລາວ ພັງພິນາຕ ຍອ້ນ ພັກລັດ
ລັດຖະບານໄທຍ ສ້າງໃຫ້ລູກຫຼານລາວ
ພັກລັດ ສ້າງໃຫ້ ລູກຫຼານລາວ
