ນະຄອນຫຼວງວຽງຈັນ: ເວລາປະມານ15:00 ວັນທີ 03/12/2017 ເກີດເຫດການໄຟໄໝ້ຕຶກ World Trade Center ທີ່ກຳລັງກໍ່ສ້າງ ເຊິ່ງຕັ້ງຢູ່ຖະໝົນຄູວຽງ ຂ້າງສູນການວຽງຈັນເຊັນເຕີ, ນະຄອນຫຼວງວຽງຈັນ, ສ່ວນສາເຫດ ແລະ ຜົນເສຍຫາຍ ທາງເຈົ້າໜ້າທີ່ຍັງຄົງເລັ່ງກວດຫາສາເຫດ. ຈາກຄລິບຈະເຫັນວ່າ ຈຸດທີ່ໄຟໄໝ້ ແມ່ນລຸກລາມຢູ່ຊັ້ນທີ່ 1 ເຮັດໃຫ້ຄວັນ ກຸ້ມດຳໄປທົ່ວ. ເຊິ່ງຄາດວ່າ ສິ່ງທີ່ໄໝ້ຈະສ້າງຄວາມເສຍຫາຍຫຼາຍສົມຄວນ. ຈຸດທີເກີດໄຟໄໝ້ ແມ່ນດ້ານຂ້າງ ທີ່ໃກ້ກັບ ຕຶກ ວຽງຈັນເຊັນເຕີ. ຕຶກ World Trade Center ເປັນໜຶ່ງໃນໂຄງການທີ່ສຳປະທານໂດຍນາຍທຶນຈີນ ເພື່ອກໍ່ສ້າງເປັນສູນການຄ້າຂະໜາດໃຫຍ່ໃຈກາງນະຄອນຫຼວງວຽງຈັນ ທີ່ຈະເປັນບ່ອນຮອງຮັບກິດຈະກຳທາງເສດຖະກິດຕ່າງໆເຊັ່ນ: ສູນການຄ້າ, ສະຖາບັນການເງິນ, ໂຮງແຮມ ແລະ ອື່ນໆ. ເຊິ່ງມີແຜນການຈະເປີດໃຫ້ບໍລິການ ໃນປີ 2018 ທີ່ຈະມາເຖິງນີ້.
ວຽງຈັນ Trade Center ເໝາະສົມກ່ວາ, ເສຍໃຈນຳ.
