ລາວໂຮມລາວ ເພື່ອປະຊາທິປະໄຕ

ທາງການແຂວງອັດຕະປື ໄດ້ດຳເນີນການຊ່ວຍເຫຼືອຄອບຄົວຜູ້ເສຍຊີວິດ ໂດຍການປະກອບສ່ວນປັດໃຈກິນທານໃນງານຊາປະນາກິດສົບຜູ້ທີ່ເສຍຊິວິດຈາກໄພພິບັດຢູ່ເມືອງສະໜາມໄຊ ເປັນຈຳນວນເງິນຄອບຄົວລະ 1,5 ລ້ານກີບ ຊຶ່ງພິທີມອບ-ຮັບ ມີຂຶ້ນໃນວັນທີ 11 ກັນຍາ ຜ່ານມານີ້ ຢູ່ທີ່ພາກສະໜາມ ເມືອງສະໜາມໄຊ ແຂວງອັດຕະປື.

ອິງຕາມຂໍ້ມູນຂອງຄະນະກຳມະການຟຶ້ນຟູ ແລະແ້ກໄຂຜົນກະທົບຈາກໄພພິບັດຢູ່ເມືອງສະໜາມໃຊ້ໃຫ້ຮູ້ວ່າ ປະຊາຊົນທີ່ສູນຫາຍຈາກເຫດການໃນຄັ້ງນີ້ມີທັງໝົດ131 ຄົນ ແລະໃນປັດຈຸບັນໄດ້ພົບສົບ ພ້ອມທັງນໍາມາຈັດງານຊາປະນາກິດສົບ ປະຕິບັດຕາມຮີດຄອງປະເພນີແລ້ວ 39 ສົບ ໃນນັ້ນແມ່ນປະຊາຊົນຈາກບ້ານໃໝ່ 8 ສົບ, ບ້ານທາຫີນ 4 ສົບ, ບ້ານທ່າແສງຈັນ 10 ສົບ, ບ້ານຫີນລາດ 14 ສົບ, ບ້ານດອນມ່ວງ 1 ສົບ ແລະ ປະຊາຊົນຈາກບ້ານທ່າອວນ 1 ສົບ ແລະ ມີອີກ 1 ສົບແມ່ນຍັງບໍ່ທັນມີຍາດພີ່ນ້ອງມາຢັ້ງຢືນເອົາ.

ເຊິ່ງທ່ານນາງ ພອນມະນີ ຂຽນໄຊຍະວົງໄດ້ຊີ້ແຈ້ງກ່ຽວກັບການມອບເງິນໃນຄັ້ງນີ້ວ່າ: ເງິນດັ່ງກ່າວນີ້ແມ່ນເປັນເງິນທີ່ໄດ້ຮັບຈາກສັງຄົມສົງເຄາະແຂວງຈາກກະຊວງແຮງງານ ແລະ ສະຫວັດດີການ ເພື່ອນໍາມາມອບໃຫ້ກັບຄອບຄົວຜູ້ເສຍຊີວິດໃນຈໍານວນ 39ສົບ ຄອບຄົວລະ 1,5 ລ້ານກີບ ໃນຈໍານວນເງິນ 58,5ລ້ານກີບ.