ຖ້າມາແລ້ວເກືອບ 8 ປີ, 394 ຄອບຄົວຖືກຟາມໄກ່ດົງໂດກຍັງບໍ່ໄດ້ຮັບດິນຊົດເຊີຍ ຕົ້ນເຫດບຸກເບີກດິນບ້ານນາໂນ ເພື່ອຢູ່ອາໃສ

2-3 ວັນມານີ້ກາຍເປັນກະແສທີ່ເຄັ່ງຮ້ອນໃນສື່ສັງຄົມອອນລາຍສຳລັບບັນຫາທີ່ດິນລະຫວ່າງຜູ້ເປັນເຈົ້າຂອງກຳມະສິດກັບປະຊາ ຊົນຜູ້ບຸກເບີກຢູ່ບ້ານນາໂນ ເມືອງໄຊເສດຖານະຄອນຫຼວງວຽງງຈັນ ຈົນເກີດມີປາກສຽງເຖິງຂັ້ນເຈົ້າຂອງດິນຍີງປືນນາບຂູ່ທັງນີ້ແມ່ນເນື່ອງຈາກປະຊາຊົນທີ່ຖືກໂຄງການຟາມໄກ່ດົງໂດກຈໍານວນ 394 ຄອບຄົວແຕ່ ປີ 2012 ຮອດປະຈຸບັນເລີຍເວລາເກືອບ 8 ປີ ຍັງບໍ່ດິນຊົດເຊີຍຈາກລັດຖະບານ.
ຕໍ່ກັບບັນຫາດັ່ງກ່າວນີ້ ທາງທີມງານ ຂ່າວໜັງສືພິມເສດຖະກິດ-ສັງຄົມ ໄດ້ລົງຕິດຕາມພື້ນທີ່ຕົວຈິງໃນວັນທີ 18 ມີນາ, ໂດຍ ທ່ານ ດວງຕາ ຈັນທະລັກ ນາຍບ້ານນາໂນ ເປີດເຜີຍໃຫ້ຮູ້ວ່າ: ເຫດການດັ່ງກ່າວເກີດຂຶ້ນລະຫວ່າງເຈົ້າຂອງດິນ ແລະຜູ້ໄປບຸກເບີກກໍຄືປະຊາຊົນທີ່ຖືກຜົນກະທົບຈາກດິນຟາມໄກ່ດົງໂດກຈໍານວນ 394 ຄອບຄົວ ນັບແຕ່ຕົ້ນເດືອນມີນາ 2019 ເປັນຕົ້ນມາ, ຍ້ອນປະຊາຊົນຜູ້ທີ່ໄດ້ຮັບຜົນກະທົບດັ່ງກ່າວໄປບຸກເບີກດິນທີ່ມີເຈົ້າຂອງ 15 ເຮັກຕາ ຈາກເນື້ອ ທີ່ດິນທັງໝົດ 17 ເຮັກຕາ ໃນນີ້ມີດິນທີ່ມີເຈົ້າຂອງຖືກໍາມະສິດໃບຕາດິນຂອບ ທອງ ຈໍານວນ 5 ເຮັກຕາ (ມີ 8 ຕອນ), ດິນກອງພັນ 988 ມີ 5 ເຮັກຕາ ແລະດິນ ຈັດສັນ 7 ເຮັກຕາ.
ສໍາລັບການບຸກເບີກຂອງປະຊາຊົນຖືກ ຜົນກະທົບແມ່ນຍັງບໍ່ມີຂໍ້ຕົກລົງໃຫ້ບຸກ ເບີກ ແລະໃນວັນທີ 5 ມີນາ 2019 ຫ້ອງ ວ່າການປົກຄອງເມືອງໄຊເສດຖາ ໄດ້ ອອກແຈ້ງການເຖິງປະຊາຊົນ ແລະອໍາ ນາດການປົກຄອງ ເມືອງໄຊເສດຖາ ໃຫ້ຢຸດຕິການບຸກເບີກທີ່ດິນບ້ານນາໂນແຕ່ປະຊາຊົນດັ່ງກ່າວຍັງຝ່າຝືນຂໍ້ຕົກລົງ ໂດຍດໍາເນີນການບຸກເບີກຕໍ່, ດ້ວຍເຫດນີ້ ຈິ່ງເຮັດໃຫ້ເຈົ້າຂອງດິນເກີດຄວາມບໍ່ພໍ ໃຈ ແລະມີປາກສຽງກັບຜູ້ບຸກເບີກ ຊຶ່ງການຍີງປືນນາບຄູ່ທີ່ເປັນປະເດັນເຄັ່ງຮ້ອນໃນສື່ສັງຄົມອອນລາຍຕ່າງໆມີຊື່ວ່າ: ທ້າວ ສີພັນ ປະຈຸບັນຢູ່ບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ ເປັນໜຶ່ງໃນເຈົ້າຂອງດິນທີ່ມີໃບຕາດິນ ຂອບທອງຖືກຕ້ອງຕາມກົດໝາຍ, ທັງນີ້ ກໍຍ້ອນວ່າ ປະຊາຊົນຈໍານວນດັ່ກ່າວບໍ່ ຢຸດຕີການບຸກເບີກ ຊຶ່ງກ່ອນໜ້ານີ້ກໍມີ ການເວົ້າເຈລະຈາກັນຫຼາຍເທື່ອແລ້ວ.
ນາງ ແກ້ວ ຄໍາອ້ວນ ຕາງໜ້າປະຊາ ຊົນບຸກເບີກເນື້ອທີ່ດິນກໍຄືຜູ້ທີ່ຖືກຜົນກະ ທົບໃຫ້ສໍາພາດວ່າ: ໃນເດືອນສິງຫາປີ 2012 ປະຊາຊົນ ຈໍານວນ 394 ຄອບ ຄົວຖືກໂຍກຍ້າຍຍ້ອນຖືກຜົນກະທົບຈາກ ດິນຟາມໄກ່ດົງໂດກ, ປະຊາຊົນຈໍານວນ ດັ່ງກ່າວ ໄດ້ພາກັນແຕກຢາຍຊະຊາຍ ບາງຄອບຄົວກໍພາກັນໄປຢູ່ນໍາຍາດຕິພີ່ນ້ອງ, ລູກຫຼານ ເພື່ອລໍຖ້າການຊົດເຊີຍ ຈາກລັດຖະບານ, ປະຈຸບັນ ຊຶ່ງເປັນເວ ລາເກືອບ 8 ປີ ຍັງບໍ່ໄດ້ຮັບການຊົດເຊີຍ, ດັ່ງນັ້ນ ປະຊາຊົນຈໍານວນດັ່ງກ່າວຈິ່ງ ເຕົ້າໂຮມກັນ ແລະລົງບຸກເບີກເນື້ອດິນ ຢູ່ບ້ານນາໂນ ໂດຍອີງວ່າສໍານັກງານ ນາຍົກໄດ້ຕົກລົງມອບດິນນາໄຫ-ນາໂນ ທົດແທນ ຈໍານວນ 46 ເຮັກຕາ ແລະ ເຈົ້າຄອງນະຄອນຫຼວງ ກໍອອກຂໍ້ຕົກລົງ ວ່າດ້ວຍການແຕ່ງຕັ້ງຄະນະຮັບຜິດ ຊອບລົງກວດກາທີ່ດິນລັດຄຸ້ມຄອງຢູ່ ຂອບເຂດຄ້າຍຄຸມຂັງ ບ້ານນາໄຫ ແລະ ບ້ານນາໂນ ເມືອງໄຊເສດຖານະຄອນ ຫຼວງວຽງຈັນ ສະບັບເລກທີ 0221/ຈນວ, ດ້ວຍເຫດຜົນດັ່ງກ່າວ ປະຊາຊົນຜູ້ຖືກ ຜົນກະທົບຈິ່ງໄດ້ເຮັດໃບສະ ເໜີຫາຂັ້ນເທິງເພື່ອຈັດຕັ້ງປະຕິບັດກັນເອງ ແລະ ໄດ້ກໍາເນີນການບຸກເບີກດິນດ້ວຍການ ເກັບເງິນກັນເອງຄອບຄົວລະ 7 ແສນກີບ ເພື່ອຈ້າງລົດມາບຸກເບີກ ແລະປັກຫຼັກ ໝາຍໃນເນື້ອທີ່ 15 ເຮັກຕາ.

ພໍ່ລຸງ ທອງດໍາ ເທບພະວົງ ຕາງໜ້າ ເຈົ້າຂອງດິນທີ່ມີໃບຕາດິນຂອບທອງ ກ່າວວ່າ: ໃນຈໍານວນດິນທີ່ປະຊົນບຸກເບີກ ເປັນດິນຂອງພໍ່ລຸງທອງທໍາ 3,5ໄລ່, ດິນຈໍານວນດັ່ງກ່າວໄດ້ຊື້ໃນປີ 1993 ແລະໄດ້ອອກໃບຕາດິນຂອບທອງໃນປີ 2005 ໂດຍໄດ້ເສຍຄ່າພາສີທີ່ດິນນັບແຕ່ ຊື້ເຖິງປະຈຸບັນ, ດ້ວຍເຫດນີ້ຈິ່ງຂໍຮຽກ ຮ້ອງມາຍັງການນໍາພັກ-ລັດທຸກຂັ້ນຈົ່ງ ຮີບຮ້ອນແກ້ໄຂເຫດການດັ່ງກ່າວດ້ວຍ.

ແນວໃດກໍຕາມ ບັນຫາດັ່ງກ່າວນີ້ຈະ ຍັງບໍ່ສາມາດແກ້ໄຂໄດ້ຖ້າຫາກການນໍາ ພັກ-ລັດ ຍັງບໍ່ຊ່ວຍເຈລະຈາແກ້ໄຂບັນ ຫາ ຊຶ່ງທ່ານນາຍບ້ານນາໂນ, ເຈົ້າຂອງ ດິນ ແລະຜູ້ຖືກຜົນກະທົບຈາກດິນຟາມ ໄກ່ດົງໂດກຕ່າງກໍໄດ້ຮຽກຮ້ອງມາຍັງ ການນໍາພັກ-ລັດທຸກຂັ້ນຈົ່ງຮີບຮ້ອນຊ່ວຍ ໄກ່ເຂ່ຍແກ້ໄຂ, ທັງນີ້ ຜູ້ຖືກຜົນກະທົບຍິນ ຍອມຍົກຍ້າຍອອກຈາກດິນດັ່ງກ່າວຖ້າ ຫາກພັກ-ລັດ ພ້ອມຮັບຜິດຊອບໃນການຊົດເຊີຍ.