ການນໍາເຂົ້າ ຜລິດຕະພັນ ໄມ້ ຈາກ ສປປລາວ ຫລື ຈາກປະເທດ ສະມາຊິກ ອາຊຽນ ໄປຍັງຕລາດ ຢູໂຣບ ຕ້ອງເປັນ ການນໍາເຂົ້າ ຈາກແຫຼ່ງ ຜລິດຕະພັນໄມ້ ທີ່ຖືກຕ້ອງ ຕາມກົດໝາຍ ເທົ່ານັ້ນ. ຕາມການ ເປີດເຜີຽ ຂອງ ທ່ານ ຄໍາພຸດ ບັນດານຸວົງ ຮອງ ອະທິບໍດີ ກົມກວດກາ ປ່າໄມ້ ນະຄອນຫລວງ ວຽງຈັນ:
"ວັນທີ່ 23 ເດືອນ 3 ປີ 2013 ມັນເປັນກົດ ຂອງ ອີຢູ ທີ່ວ່າ ເຮັດວຽກຢູ່ ໃນພູມີພາກ ອາຊຽນ ເພາະວ່າ ມັນເປັນ ລະບຽບ ຂອງເຂົາເຈົ້າ ສີ່ກຽມເຣື້ອງ ຕລາດຢູໂຣບ ກ່ຽວກັບໄມ້ ທຸກໆແຫ່ລງ ທີ່ມາ ຂອງ ໄມ້ຫຍັງ ຕ່າງໆ ທີ່ເຮັດເປັນ ຜົນຜລິດຕະພັນ ສົ່ງໄປຫາ ຕລາດ ອີຢູ ພວກນັ້ນ ຈະຕ້ອງຢູ່ ພາຍໄຕ້ ລະບຽບຂອງ ອີຢູ ທີ່ວ່າ ເຮັດອອກມານີ້".
ທ່ານ ຄໍາພຸດ ເວົ້າວ່າ ກ່ອນຈະປະກາດ ໃຊ້ລະບຽບການ ຂອງ ຢູໂຣບນັ້ນ ຝ່າຍລາວ ຕ້ອງໄດ້ ກະຕຽມ ຄວາມຢືນຢັນ ແຫ່ລງທີ່ມາ ຂອງໄມ້ ຢ່າງຖືກຕ້ອງ. ຫລັງຈາກ ປະກາດ ໃຊ້ລະບຽບການ ຂອງ ຢູໂຣບ ແລ້ວ ບໍ່ໄດ້ ໝາຍຄວາມວ່າ ຢູໂຣບ ຈະນໍາເຂົ້າ ຜລິດຕະພັນໄມ້ ຈາກ ລາວ ໂລດ. ຢູໂຣບຕ້ອງ ລໍຖ້າເບິ່ງວ່າ ລາວ ໃຊ້ລະບຽບ ການໃໝ່ ໃນການ ລະບຸ ແຫ່ລງທີ່ມາ ຂອງ ໄມ້ ແບບໃດ ແລະ ມີ ປະສິດທິພາບ ເທົ່າໃດ ກ່ອນຈະຮັບເອົາ ສິນຄ້າ ຜລິດຕະພັນໄມ້ ຈາກ ສປປລາວ ເຂົ້າໄປຂາຍ ໃນຕລາດ ຢູໂຣບ.
