ນະຄອນຫຼວງ ມີ 6 ປະກົດການຫຍໍ້ທໍ້ຕ້ອງໄດ້ແກ້ໄຂ
ກອງ ປະຊຸມວຽກງານຕ້ານ-ສະກັດກັ້ນປະກົດການຫຍໍ້ທໍ້ໃນສັງຄົມ ນະຄອນຫຼວງວຽງຈັນ ໄດ້ຈັດຂຶ້ນວັນທີ 6 ເມສາ 2012 ທີ່ຫ້ອງວ່າການປົກຄອງນະຄອນຫຼວງ ໂດຍເປັນປະທານຂອງທ່ານ ພົນໂທ ດວງໃຈ ພິຈິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງປ້ອງກັນປະເທດ ມີທ່ານເຈົ້າຄອງ ຮອງເຈົ້າຄອງນະຄອນຫຼວງ ລັດຖະມົນຕີວ່າການ ຊ່ວຍວ່າການ ກະຊວງກ່ຽວຂ້ອງ ແລະ ພະນັກງານຫຼັກແຫຼ່ງນະຄອນຫຼວງ ເຂົ້າຮ່ວມ.
ທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ ໄດ້ຂຶ້ນລາຍງານການຈັດຕັ້ງປະຕິບັດວຽກງານຕ້ານ-ສະກັດກັ້ນ ປະກົດການຫຍໍ້ທໍ້ໃນສັງຄົມທົ່ວນະຄອນຫຼວງ ໃນໄລຍະ 3 ເດືອນຕົ້ນປີ 2012 ແລະ ທິດທາງແຜນການ ຕໍ່ໜ້າຊຶ່ງເຫັນໄດ້ວ່າ ພາຍຫຼັງມີຄໍາສັ່ງຂອງທ່ານນາຍົກລັດຖະມົນຕີ ວ່າດ້ວຍການຕ້ານ-ສະກັດກັ້ນປະກົດການຫຍໍ້ທໍ້ໃນສັງຄົມນະຄອນຫຼວງ ກໍໄດ້ຈັດກອງປະຊຸມທົ່ວນະຄອນຫຼວງ ພ້ອມກັນຄົ້ນຄວ້າຕີລາຄາສົມທຽບໃສ່ຈຸດພິເສດສະພາບຄວາມເປັນຈິງ ຂອງນະຄອນຫຼວງ ແລະ ສັງລວມໄດ້ວ່າ ນະຄອນຫຼວງມີ 6 ປະກົດການຫຍໍ້ທໍ້ໃນສັງຄົມທີ່ຕ້ອງໄດ້ເອົາໃຈໃສ່ ຄື: 1. ບັນຫາການເສບ-ຊື້-ຂາຍຢາເສບຕິດ 2.ບັນຫາປຸ້ນຈີ້ຊີງຊັບພົນລະເມືອງ ກໍ່ອາດຊະຍາກຳທາງອາດຍາ 3.ບັນຫາຈຸດມົ້ວສຸມ-ຫຼິ້ນກິນຟຸມເຟືອຍຂອງບາງຫ້າງຮ້ານບັນເທີງ ຊຶ່ງກໍໃຫ້ເກີດມີນັກເລງອັນຕະພານ ອາລະວາດຕີກັນ ກຸ່ມແກ້ງກວນເມືອງ 4.ບັນຫາການຈະລາຈອນແອອັດ ສິ່ງກີດຂວາງຕາມເສັ້ນທາງ ແລະ ອຸປະຕິເຫດຕາມທ້ອງຖະໜົນ 5.ບັນຫາຄົນຂໍທານ-ບ້າໃບ້ເສຍຈິດ ເດັກບໍ່ມີຜູ້ປົກຄອງ ແລະ ແຮງງານຕ່າງປະເທດທີ່ບໍ່ຖືກຕ້ອງ ແລະ 6.ບັນຫາຄວາມສະອາດ-ສວຍງາມ ການຮັກສາສະພາບແວດລ້ອມຂອງຕົວເມືອງ.
ພາຍຫຼັງຄົ້ນຄວ້າຕີລາຄາແລ້ວ ນະຄອນຫຼວງ ໄດ້ອອກຄໍາສັ່ງຕ້ານ-ສະກັດກັ້ນ ໂດຍແຕ່ງຕັ້ງຄະນະຮັບຜິດຊອບຂັ້ນນະຄອນຫຼວງ ຂັ້ນເມືອງ ຂັ້ນບ້ານ ເພື່ອແກ້ໄຂ.
ຜ່ານການລົງເຄື່ອນໄຫວຂອງພະນັກງານໄດ້ພົບເຫັນບັນຫາປະກົດການ ຫຍໍ້ທໍ້ຫຼາຍເປົ້າໝາຍ ຄື: ບັນຫາຢາເສບຕິດກໍາໄດ້ເປົ້າໝາຍ 1.292 ຄົນ ໃນນັ້ນຜູ້ເສບ 909 ຄົນ ແລະ ຜູ້ຂາຍ 39 ຄົນ ການປຸ້ນຈີ້ຊີງຊັບມີເປົ້າໝາຍເຄື່ອນໄຫວເປັນນັກເລງອັນຕະພານ ປຸ້ນຈີ້ 390 ຄົນ ໃນນັ້ນ ຫົວໂປ່ໂຕການ 75 ຄົນ ແລະ ໄດ້ປະຕິບັດຕາມລະບຽບກົດໝາຍແລ້ວ.
ສໍາລັບແຜນການຕໍ່ໜ້າເພື່ອຮັບປະກັນໃຫ້ນະຄອນຫຼວງມີຄວາມສະຫງົບ ມີຄວາມເປັນລະບຽບຮຽບຮ້ອຍ ເຮັດໃຫ້ບ້ານເມືອງສະອາດສວຍງາມ ແລະ ມີສະພາບແວດລ້ອມທີ່ດີ ແລະ ສ້າງບ້ານພັດທະນາຕາມ 4 ເນື້ອໃນ 4 ຄາດໝາຍ ຕິດພັນກັບການປະຕິບັດທິດນຳ 3 ສ້າງ ເອົາ 10 ບ້ານ ແລະ 3 ເມືອງ ເປັນຈຸດສຸມຕົວແບບ ປະສົມປະສານກັບການເຮັດທົ່ວໄປ ແລະ ກະຕຸກຊຸກຍູ້ຂະບວນການແຂ່ງຂັນຮັກຊາດ-ພັດທະນາ ຕາມ 5 ມາດຖານທີ່ວາງອອກໃຫ້ເຂັ້ມງວດ.
ປານນີ້ຈິ່ງຮູ້ຫວະ ທ່ານ ພົນໂທ ດວງໃຈ ພິຈິດ ທ່ານໄປນອນດົມ ຫອຍເມັຽ
ນອ້ຍຢູ່ໃສ? ຢາເສດຕິດເຂົ້າທໍາລາຍ ລູກຫລານລາວທົ່ວປະເທດແລ້ວ
ພວກສູຍັງທໍາທ່າບໍ່ຮູ້ຫຍັງ
