ລາວໂຮມລາວ ເພື່ອປະຊາທິປະໄຕ

พอดีไปพ้ออยู่ panlao เห็นลาวในพากันด่าพวกเจ้าอยู่ เลยเข้ามาเบิ่ง 

ข่อยแมนคนอีสาน 

มาบาดใหญ่โพ้นล่ะ ถึงฮู้สึกโต ว่าเจ้าของแมนลาว ลูกลาว 

แนวญาติพี่น้อง พ่อกับแม่ ปู่ย่าตายาย เกิดมาก็แมนคนไทยแล้ว

เพิ่นบ่ได้หัวซาประวัติศาตร์เนอะ 

แล้วแมนคนอีสานส่วนใหญ่ ก็เป็นแนวนี้หมด 

แต่น้อย ก็เคยด่าลาว ดูถูกลาว ด่าบักลาวๆ ล้อเล่นกันนำมู่ บ่ได้หัวซาหยัง

มาบาดใหญ่นี้ล่ะ ถึงฮู้สึกโต และกล้าเว้าว่าเจ้าของแมนลาว 

ไผว่าข่อยลาว ข่อยสิบอกมันเลยว่า เออกูลาว แล้วมึงเด้ บ่ลาวบ่?

ปากบ่ออกจักคน 

บาดนั้น ก็ศึกษาหาข้อมูลเชื้อแนวเจ้าของ 

แตกม้างกันหมดเนอะลาวนิ  ลาวอีสาน ลาวนอก ลาวใน แตกม้ากันหมด

ในใจอยากให้กลับมารวมกัน พัฒนาประเทศ 

แต่ประเทศได๋ล่ะ?

อีสานก็อยู่กับไทย

สปปลาว ก็ไปทั่วทีป 

ลาวนอก ก็คือสิตายอยู่เมืองนอกโพ้นแล่ว 

ข่อยเคยคิดจินตนาการเบิ่งเล่นๆ ถ้าเอาอีสาน เอาลาวมารวมกัน คือสิดีแท้เนอะ 

ข่อยว่าคนลาวมันมีอย่างหนึ่งเด้ ที่สังคมอื่นบ่เคยมีกัน 

คือความฮักแพงกัน ถ้าได้มารวมประเทศกัน ช่วยกันพัฒนาประเทศ

คือสิบ่ไกลเกิน30ปีดอก ประเทศคือสิเจริญได้อยู่ 

ประชากรคือสิ 30 กว่าล้านคน 

คนอีสานทุกมื้อนิก็มีการศึกษา ว่าแมนเฮ็ดงานอยู่ทุกแขนงของประเทศไทยโพ้นล่ะ 

เจ้าว่าอนาคตสิเป็นแนวได๋ ข่อยว่าอีสาน ลาวใน ลาวนอก จูนกันบ่ติดดอก 

แนวข่อยว่าผู้นำสปปลาวย้ายคนอีสาน ย้ายรักษาอำนาจบ่ได้

แล้วคนอีสานแหงบ่มักการปกครองระบอบคอมมิวนิส

ข่อยว่า ถ้าสปปลาวได้ประชาธิปไตย รวมลาวก็บ่ยากดอก 

ท่านว่าแนวได๋

เอาเพลงจากละครเรื่องนี้ไปเพลง ข่อยว่ามันเข้ากับชีวิตคนลาวเฮา