ລາວໂຮມລາວ ເພື່ອປະຊາທິປະໄຕ

ຫລາຍເຫດຜົນທີ່ຄົນບໍ່ໃຊ້ບໍລິການລົດເມໃນນະຄອນຫລວງ

ທີ​ ມຂ່າວ​ເສດຖະກິດ-​ການ​ຄ້າ​ໄດ້​ສອບ​ຖາມ​ຊາວ​ນະຄອນຫລວງ​ວຽງຈັນ​ຕັ້ງ​ແຕ່​ໄວ​ ຫນຸ່ມ​ຈົນ​ເຖິງ​ເຮັດ​ວຽກ ພົບ​ວ່າ: ​ເປັນຄວາມ​ເຄີຍ​ຊິນ​ຂອງ​ຄົນ​ລາວ​ທີ່​ມັກ​ໃຊ້​ລົດ​ສ່ວນ​ຕົວ​ເພື່ອ​ຄວາມ​ສະດວກ ​ໃນ​ການ​ໄປ-ມາ, ​ເຖິງ​ວ່າ​ນ້ຳມັນ​ຈະ​ແພງ​ກໍ​ຈຳ​ເປັນ​ຕ້ອງ​ໄດ້​ໃຊ້​ລົດ​ສ່ວນ​ຕົວ ເພາະວ່າ​ຢາກ​ໄປ​ໃສ​ກໍ​ໄດ້​ຕາມ​​ໃຈ, ຢາກ​ກັບ​​ເມື່ອໃດ​ກໍ​ໄດ້.

ສ່ວນ​ ບາງ​ກຸ່ມ​ຄົນ​ໃນ​ໄວກຳລັງ​ເຮັດ​ວຽກບອກ​ວ່າ: ຫາກ​ໃຊ້​ບໍລິການ​ລົດ​ເມ​ເພື່ອ​ທຽວການຈະ​​ບໍ່​ທັນ​​ເວລາ​ເຮັດ​ວຽກ ​ເພາະວ່າ​ຊັກ​ຊ້າ ​ແລ່ນ​ບໍ່​ກົງ​ຕາມ​ເວລາ, ຫາກ​ຖ້ຽວ​ໃດ​ມີ​ຄົນ​ຂຶ້ນ​-ລົງ​ຫລາຍ​ຍິ່ງ​ຊ້າ ​ເຊິ່ງຮັບ​ຂຶ້ນ​ລົງ​ຈະ​ບໍ່​ເປັນ​ລະບຽບ ​ແລ້ວ​ແຕ່​ຜູ້​ໂດຍສານ​ຈະ​ໂບກ​ລັດ​ຢູ່​ໃສ​ກໍ​ແມ່ນ​ຈອດ​ຮັບ​ເລີຍ ​ແລະ ຢາກ​ລົງ​ໃສ​ກໍ​ຈອດ​ໃຫ້​ລົງ​​ເຊິ່ງ​ເປັນ​ການ​ຈອດ​ຫລາຍ​ຄັ້ງ, ​ເຮັດ​ໃຫ້​ຊັກ​ຊ້າ​ເສຍ​ເວລາ ​ແທນ​ທີ່​ຈະ​ຈອດ​ຂຶ້ນ-​ລົງ​ຕາມ​ປ້າຍ​ລົດ​ເມ, ຫາກ​ຈະ​ໃຊ້​ບໍລິການ​ຕ້ອງ​ໄດ້​ຕື່ນ​ເດິກ​ລຸກ​ເຊົ້າອອກ​ຈາກ​ເຮືອນ​ປະມານ 7 ​ໂມງຈຶ່ງ​ຈະ​ທັນ​ເວລາ​ເຮັດ​ວຽກ, ນອກຈາກ​ນີ້​ຫາກ​ບ່ອນ​ເຮັດ​ວຽກຢູ່ຫ່າງ​ໄກ​ຈາກ​ທາງ​ລົດ​ເມ​ແລ່ນ​ຜ່ານກໍ​ບໍ່​ມີ ​ລົດ​ຕໍ່, ຫາກ​ໃຊ້​ບໍລິການ​ລົດຕຸກໆຊ້ຳພັດ​ແພງ​ລື່ນ​ໃຊ້​ລົດ​ສ່ວນ​ຕົວ​ຫລາຍ​ເທົ່າ.

ອີກ​ ຢ່າງ​ຫນຶ່ງ​ເຫັນ​ສະພາບ​ລົດ​ເມ​ທີ່​ແລ່ນ​ຕາມ​ສາຍ​ທາງ​ຕ່າງໆ​ໃນ​ນະຄອນຫລວງ​ ວຽງຈັນ​ແລ້ວ​ບໍ່​ຢາກ​ໃຊ້​ບໍລິການ ​ເພາະ​ຊຸດ​ໂຊມ​ເກີນ​ໄປ​ເນື່ອງ​ຈາກ​ໃຊ້​ງານ​ມາ​ຫລາຍ​ປີ ​ແຕ່​ບໍ່​ມີ​ການ​ບຳລຸງ​ຮັກສາ​ ​ເຊິ່ງອາກາດ​ຮ້ອນ​ຄື​ທຸກ​ມື້​ນີ້​ຫາກ​ລົດ​ບໍ່​ມີ​ເຄື່ອງ​ປັບ​ອາກາດ​ກໍ​ບໍ່​ ມີ​ໃຜ​ຢາກ​ໃຊ້​ບໍລິການ.

​ແນວ​ໃດ​ກໍ​ຕາມ​ທີ​ມຂ່າວ​ພວກ​ເຮົາ​ໄດ້​ທົດ​ລອງ​​ໃຊ້​ບໍລິການ​ລົດ​ເມ​ສາຍ​ດົງ​ໂດກ​ພົບ​ວ່າ: ຕ້ອງ​ໄດ້​ນັ່ງ​ລໍຖ້າ​ລົດ​ນານ​ເຖິງ 30 ກວ່າ​ນາທີ​ຈຶ່ງ​ເຫັນ​ລົດ​ມາ ​ແລະ ​ໃຊ້​ເວລາ​ແລ່ນ​ຈາກ​ດົງ​ໂດກ​ເຖິງ​ຄິວ​ລົດ (ຕະຫລາດ​ເຊົ້າ) ​ເກືອບ 30 ນາທີ, ດີ​ແຕ່​ບໍ່​ມີ​ຜູ້​ໂດຍສານ​ຫລາຍ, ຫາກ​ຜູ້​ໂດຍສານ​ເຕັມ​ລົດ​ອາດ​ຈະ​ຊ້າ​ກວ່າ​ນີ້.

ສ່ວນ​ສາຍ​ໂພນ​ຕ້ອງ, ​ເວລານັ່ງ​ລໍຖ້າ​ໃກ້​ຄຽງກັບ​ສາຍ​ດົງ​ໂດກ ​ແລະ ​ແລ່ນ​ເຂົ້າ​ຕົວ​ເມືອງ​ຕ້ອງ​ໃຊ້​ເວລາ​​ເຖິງ 35 ນາທີກວ່າ​ຈະ​ເຖິງ​ຄິວ​ ​ເຊິ່ງ​​ຖ້ຽວທີ່​ຜູ້​ສື່​ຂ່າວ​ໃຊ້