6 ໝູ້ບ້ານໄດ້ຮັບຜົນກະທົບຈາກໂຄງການບຶງທາດຫລວງ ຍ້ອນພັກລັດ
ຂາຍຊາດ
ປະກາດ-ແຈ້ງການ
- ອີງຕາມສັນຍາວ່າດ້ວຍການພັດທະນາເຂດເສດຖະກິດສະເພາະບຶງ ທາດຫຼວງ (ເມືອງທ່ອງທ່ຽວໜອງນ້ຳ ທຳມະຊາດ ແລະ ວັດທະນະທຳ) ຢູ່ເມືອງໄຊເຊດຖາ ແລະ ເມືອງສີສັດຕະນາກ ນະຄອນຫຼວງວຽງຈັນ ສປປ ລາວ ສະບັບລົງວັນທີ 28/12/2011.
- ອີງຕາມຂໍ້ຕົກລົງຂອງທ່ານລັດຖະມົນຕີວ່າການ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ສະບັບເລກທີ 2971/ກຊສ ລົງວັນທີ 14ພຶດສະພາ 2012ວ່າດ້ວຍການຮັບຮອງເອົາ ເນື້ອທີ່ດິນຈຳນວນ 365ເຮັກຕາຂອງໂຄງການດັ່ງກ່າວ.
ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ອອກປະກາດ-ແຈ້ງການ:
1. ບັນດາທ່ານເຈົ້າຂອງສິດທີ່ມີຕອນດິນໃນຂອບເຂດໂຄງການ ໃຫ້ນຳເອົາເອກະສານຫຼັກຖານກ່ຽວກັບທີ່ດິນ ມາແຈ້ງຕໍ່ຄະນະກຳມະການຮັບຜິດຊອບວຽກງານສຳຫຼວດເກັບກຳຂໍ້ມູນ ສິດໃຊ້ ສິດນຳໃຊ້ທີ່ດິນ ສິ່ງປຸກສ້າງ ແລະ ຜົນລະປູກທີ່ລົງປະຕິບັດງານຢູ່ 6 ບ້ານໃນເຂດບຶງທາດຫຼວງທີ່ຖືກໂຄງການຄື: ບ້ານດອນກອຍ ບ້ານໂພນປ່າເປົ້າ ບ້ານໂພນທັນ ບ້ານໂນນຄໍ້ເໜືອ ບ້ານໂນນຫວາຍ ແລະ ບ້ານເມືອງນ້ອຍ.
2. ກຳນົດເວລາທີ່ກຳມະການຈະເຮັດວຽກງານກັບເຈົ້າຂອງສິດ.
- ວັນທີ 11/6/2012ຫາວັນທີ 19/6/2012ເລີ່ມແຕ່ເວລາ 8:30-16:00ໂມງຂອງທຸກວັນລັດຖະການ ໃຫ້ບັນດາທ່ານເຈົ້າຂອງສິດໄປພົວພັນກັບຄະນະກຳມະການ ຢູ່ທີ່ຫ້ອງການປົກຄອງບ້ານທີ່ກ່ຽວຂ້ອງ ຈຳນວນ 6ບ້ານ ຕາມທີ່ກ່າວຂ້າງເທິງ.
3. ເອກະສານນິຕິກຳ ທີ່ກະກຽມເພື່ອແຈ້ງຕໍ່ຄະນະກຳມະການ: (1) ປຶ້ມສຳມະໂນຄົວ (2) ບັດປະຈຳຕົວ ຫຼື ໃບຢັ້ງຢືນທີ່ຢູ່ (3) ເອກະສານຕ່າງໆທີ່ຢັ້ງຢືນ ຫຼື ຕິດພັນກັບຕອນດິນທີ່ຖືກເຂດໂຄງການ (ໃບຕາດິນ ຫຼື ເອກະສານຢັ້ງຢືນສິດກ່ຽວກັບທີ່ດິນ) ສະບັບສຳເນົາ ພ້ອມດ້ວຍຕົ້ນສະບັບ.
4. ຖ້າເຈົ້າຂອງສິດຫາກບໍ່ນຳເອກະສານ ແລະ ຫຼັກຖານຕ່າງໆ ມາແຈ້ງຕາມກຳນົດເວລາຂ້າງເທິງນັ້ນ ທາງຄະນະກຳມະການຈະບໍ່ຄົ້ນຄ້ວາ ການຄິດໄລ່ປະເມີນລາຄາ ເພື່ອການຊົດເຊີຍເວນຄືນແຕ່ຢ່າງໃດ.
ດັ່ງນັ້ນ ຈຶ່ງປະກາດແຈ້ງການມາຍັງເຈົ້າຂອງສິດໃຊ້ ສິດນຳໃຊ້ທີ່ດິນທີ່ຖືກເຂດໂຄງການ ເພື່ອຊາບ ແລະ ຫວັງຢ່າງຍິ່ງວ່າ ຈະໄດ້ຮັບການຮ່ວມມືຈາກທ່ານເປັນຢ່າງດີ.
ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ.
(ຮອງຫົວໜ້າຄະນະຊີ້ນຳໂຄງການ)
ສົມພອນ ຂຸນພິລົມ
ເຈົ້າໜ້າທີ່ ຄນະກັມມະການ ຮັບຜິດຊອບ ການເວນຄືນ ທີ່ດິນ ຂອງ ປະຊາຊົນ ໃນເຂດ ພັທນາ ບຶງທາຕຫລວງ ແຈ້ງວ່າ ຖ້າຫາກ ປະຊາຊົນ ຜູ້ທີ່ຖືກ ຜົນກະທົບ ຈາກໂຄງການ ພັທນາ ທີ່ຣັຖບານ ໃຫ້ສັມປະທານ ແກ່ບໍຣິສັດ ຈີນນັ້ນ ບໍ່ມາຍື່ນ ເອກກະສານ ຢັ້ງຢືນທີ່ດິນ ຂອງຕົນ ຕາມເວລາ ແລ້ວ ກໍຖືວ່າ ຕົນສລະສິດ ຈະບໍ່ສາມາດ ຮຽກຮ້ອງ ຕາມພາຍຫລັງ ໄດ້ອີກ. ດັ່ງເຈົ້າໜ້າທີ່ ກົມ ຊັພຍາກອນ ທັມມະຊາດ ແລະ ສິ່ງແວດລ້ອມ ນະຄອນຫລວງ ວຽງຈັນ ໄດ້ກ່າວວ່າ:
"ເຮັດໄປຈົນຮອດ ເວລາ ເຂົານັ້ນແຫລະ ມັນຕ້ອງ ສລະສິດທິ ລະ ຄັນບໍ່ມາຍື່ນ ຂອງຮູ້ຈັກ ຢູ່ຄັນບໍ່ມາ ຍື່ນກໍຕ້ອງໄດ້ ສລະສິດ ມັນບໍ່ແມ່ນ ເອກກະສານ ຄົບຫລືບໍ່ຄົບ ກໍຕ້ອງມາ ເບິ່ງກ່ອນ ເຮົາຈື່ງຈະຮູ້ ວິຈັຍຂໍ້ມູນ".
ເມື່ອປະມານ ຕົ້ນເດືອນນີ້ ທາງການກ່ຽວຂ້ອງ ໄດ້ແຈ້ງໃຫ້ ປະຊາຊົນ 6 ບ້ານໃນເຂດ ບຶງທາຕຫລວງ ນໍາໃຫ້ເອົາ ເອກກະສານ ໃບຢັ້ງຢື້ນ ຕາດິນມາຍື່ນ ຕໍ່ເຈົ້າໜ້າທີ່ ຮັບຜິດຊອບ ຢູ່ກົມ ຊັພຍາກອນ ທັມມະຊາດ ແລະ ສິ່ງແວດລ້ອມ ຈາກວັນທີ່ 11-19 ມີຖຸນາ ເພື່ອວ່າທາງ ເຈົ້າໜ້າທີ່ ຈະໄດ້ ພິຈາຣະນາ ການໃຫ້ ຄ່າຊົດເຊີຽ ສໍາລັບທີ່ດິນ ທີ່ຕ້ອງ ສົ່ງຄືນຣັຖ:
"ຫລັງຈາກນີ້ ເຂົາມາສລຸບ ເຂົາວິຈັຍ ຂໍ້ມູນ ວິເຄາະຂໍ້ມູນ ຫລັງຈາກ ວິເຄາະຂໍ້ມູນ ແລ້ວເຂົາ ກໍສືບຕໍ່ບັດນີ້ ແລະ ເຂົາເຈົ້າ ຈ່າຍເງິນ ໃຫ້ພວກທີ່ເອົາ ເອກກະສານ ມາແຈ້ງ ຈະຊົດເຊີຽ ໃຫ້ໃນລະຍະ ທີ່ເຮັດວຽກ ການຈ່າຍເວນຄືນ".
ທ່ານວ່າ ການຈ່າຍ ຄ່າຊົດເຊີຽນີ້ ທາງບໍຣິສັດ ຈີນ ທີ່ລົງທືນ ພັທນາບຶງ ທາຕຫລວງ ໃນພື້ນທີ່ 365 ha ນັ້ນ ໄດ້ປະສານ ກັບທາງການ ລາວ ເປັນທີ່ ຮຽບຮ້ອຍແລ້ວ. ເຖິງແມ່ນວ່າ ຣັຖບານ ໄດ້ຈ່າຍໃຫ້ ປະຊາຊົນ ໄປກ່ອນແລ້ວ ກໍດີ ແຕ່ທາງ ບໍຣິສັດ ຕ້ອງຈ່າຍ ໃຫ້ຣັຖບານ ຄືນ.
6 ບ້ານໃນເຂດບຶງທາດຫຼວງທີ່ຖືກໂຄງການຄື: 1.ບ້ານດອນກອຍ
2.ບ້ານໂພນປ່າເປົ້າ
3.ບ້ານໂພນທັນ
4.ບ້ານໂນນຄໍ້ເໜືອ
5.ບ້ານໂນນຫວາຍ
6.ບ້ານເມືອງນ້ອຍ.
