ໜີ້ຕ່າງປະເທດຂອງລັດຖະບານລາວ ຈະມີມູນຄ່າສະສົມຫຼາຍກວ່າ 3,000 ລ້ານໂດລາ ໃນປີ 2012 ນີ້ ຊຶ່ງຈະຄິດເປັນສັດສ່ວນທີ່ເກີນກວ່າ 30% ຂອງຄາດໝາຍຜະລິດຕະພັນລວມໃນ ແຜນການປີ 2011-2012.
ທະນາຄານແຫ່ງສປປ.ລາວໄດ້ສະເໜີລາຍງານປະຈໍາປີ 2012 ນີ້ ວ່າສະພາວະໜີ້ສິນຕ່າງປະເທດຂອງລັດຖະບານລາວ ໄດ້ເພີ່ມສູງຂຶ້ນຢ່າງຕໍ່ເນື່ອງໃນໄລຍະ 6 ປີມານີ້ ກໍຄືນັບແຕ່ປີ 2006 ເປັນຕົ້ນມາ ທັງນີ້ກໍເນື່ອງຈາກວ່າ ລັດຖະບານລາວໄດ້ກູ້ຢືມເງິນທຶນຈາກຕ່າງປະເທດເພີ່ມຂຶ້ນທຸກປີ ໂດຍສະເພາະແມ່ນໃນປີ 2007 ນັ້ນ ລັດຖະບານລາວໄດ້ກູ້ຢືມເງິນທຶນຈາກຕ່າງປະເທດເພີ່ມຂຶ້ນເຖິງ 15.46% ເມື່ອສົມທຽບໃສ່ປີ 2006 ແລະເຮັດໃຫ້ໜີ້ສິນຕ່າງປະເທດຂອງລັດຖະບານລາວມີມູນຄ່າສະສົມເກີນກວ່າ 2,900 ລ້ານໂດລາ ໃນປີ 2011 ທີ່ຜ່ານມາ.
ຍິ່ງໄປກວ່ານັ້ນ ເມື່ອປະກອບກັບໃນໄລຍະຂອງແຜນການປະຈໍາປີ 2011-2012 ທີ່ກໍາລັງຈະສິ້ນສຸດລົງໃນທ້ານເດືອນກັນຍານີ້ ກໍຄາດໝາຍວ່າລັດຖະບານລາວຈະໄດ້ຮັບການຊ່ວຍເຫຼືອຈາກຕ່າງປະເທດ ຄິດເປັນມູນຄ່າລວມເກີນກວ່າ 630 ລ້ານໂດລາ ຊຶ່ງໃນນີ້ກໍເປັນການຊ່ວຍເຫຼືອລ້າໃນມູນຄ່າ 529 ລ້ານໂດລາ ແລະກູ້ຢືມອີກຫຼາຍກວ່າ 100 ລ້ານໂດລານັ້ນ ຍ່ອມຈະເຮັດໃຫ້ໜີ້ສິນຕ່າງປະເທດຂອງລັດຖະບານລາວມີມູນຄ່າລວມເກີນກວ່າ 3,000 ລ້ານໂດລາຢ່າງແນ່ນອນ.
http://www.voanews.com/lao/news/Laos-Governments-total-external-debt-to-reach-07-31-2012-164286566.html
ໂຕການໃຫ່ຍ ທີ່ສ້າງໝີ້ສິນໃຫ້ ສປປລາວເພີ້ມຂື້ນ
LaosRichest man: General Khamtai SiphandonEthnicity: LaoIndustry: Miscellaneous Business ActivitiesNet Worth: Est. $800-860 million
Source of Wealth: National wealth
