ປະຊາຊົນ ລາວ ສ່ວນໃຫຍ່ ໃຫ້ຄວາມເຫັນວ່າ ຣັຖບານ ຊອກຫາ ຜົລປໂຍດ ສ່ວນຕົວ ຫລາຍກວ່າ ການແກ້ໄຂ ຫລຸດຜ່ອນ ບັນຫາ ຄວາມທຸກຍາກ ຂອງ ປະຊາຊົນ
ຊາວລາວ ສ່ວນໃຫຍ່ ໃຫ້ຄວາມເຫັນວ່າ ປັດຈຸບັນ ຣັຖບານລາວ ຊອກຫາ ແຕ່ຜົລປໂຍດ ສ່ວນຕົວ ຫລາຍກວ່າ ທີ່ຈະສົນໃຈ ໃນການແກ້ໄຂ ບັນຫາ ຫລຸດຜ່ອນ ຄວາມ ທຸກຍາກ ຂອງ ປະຊາຊົນ ເນື່ອງຈາກວ່າ ທີ່ຜ່ານມາ ເທ່ົາເຖິງ ປັດຈຸບັນ ຣັຖບານລາວ ມີແຕ່ໃຫ້ ສຳປະທານ ແກ່ນັກລົງທຶນ ຕ່າງຊາດ ໂດຍບໍ່ຄຳນຶງເຖິງ ປະຊາຊົນ. ການລົງທຶນ ຈາກຕ່າງຊາດ ໃນຫລາຍ ກໍຣະນີ ກໍມີການ ຊື້ຈ້າງຈອບອອຍ ແລະ ໃນຫລາຍ ກໍຣະນີ ກໍກວມເອົາ ດີນຊາວບ້ານ. ດັ່ງຄົນລາວ ຜູ້ນື່ງເວົ້າວ່າ:
"ຄວາມຕັ້ງໃຈ ຫັ້ນມັນມີ ແຕ່ເບີ່ງແລ້ວ ຂະເຈົ້າ ກະຕັ້ງໃຈຫາ ຜົລປໂຍດ ແກ່ໂຕເອງ ຫລາຍກວ່າ ທີ່ຈະໃຫ້ ປະຊາຊົນ ຫລຸດພົ້ນ ຈາກຄວາມທຸກຍາກ ເພາະວ່າໂຄງການ ຫລາຍໂຄງການ ມັນກໍບໍ່ ເຂົ້າເຖີງມື ປະຊາຊົນ ຂະເຈົ້າ ກໍບໍ່ສົນໃຈວ່າ ຊີ່ຮອດຊີ່ເຖີງ ປະຊາຊົນ".
ຄົນລາວ ຜູ້ນັ້ນ ເວົ້າຕໍ່ໄປວ່າ ໂຄງການ ເຂດເສຖກິດ ພິເສດ ບາງແຫ່ງເຊັ່່ນ ເຂດບໍ່ເຕັນ ແຂວງຫລວງນ້ຳທາ ແລະ ເຂດສາມຫລ່ຽມຄຳ ແຂວງບໍ່ແກ້ວ ກໍເຮັດໃຫ້ ປະຊາຊົນ ຜູ້ທຸກຍາກ ຢູ່ແລ້ວ ແຮ່ງທຸກຍາກ ຕື່ມຂື້ນ ເນື່ອງຈາກ ກຸ່ມຊາວບ້ານ ຕ້ອງໄດ້ໂຍກຍ້າຍ ຈາກພື້ນທີ່ ເສັຽທີີ່ດີນ ທຳມາຫາກິນ ຂອງພວກຂະເຈົ້າ ເຖິງແມ່ນຈະໃຫ້ ຄ່າຊົດເຊີຍ ແຕ່ກໍບໍ່ຄູ້ມຄ່າ ເພາະຊາວບ້ານ ຕ້ອງໄດ້ເລີ້ມຕົ້ນ ຊິວິີດ ທີ່ຂະເຈົ້າເຄີຍ ມີມາກ່ອນໃຫມ່ ດິນບາງແຫ່ງ ກໍປູກຝັງບໍ່ໄດ້.
ເລົາວ່າ ຍັງມີຫລາຍ ໂຄງການພັທນາ ທີ່ບໍ່ໃຫ້ ຜົລປໂຍດ ແກ່ຊາວບ້ານ ດັ່ງການສ້າງ ເຂື່ອນໄຟຟ້າ ການປູກ ຢາງພາລາ ແລະ ການຂຸດຄົ້ນ ແຮ່ທາດ. ສິ່ງດັ່ງກ່າວ ຕ້ອງໄດ້ ໂຍກຍ້າຍ ຊາວບ້ານ ອອກຈາກພື້ນທີ່ ເປັນຈຳນວນ ຫລວງຫລາຍ ແທນທີ່ຊາວບ້ານ ຈະໄດ້ຮັບ ຜົລປໂຍດ ແຮ່ງຈະທຸກຍາກ ຫລາຍກວ່າເກົ່າ ເພາະຂາດບ່ອນ ຫາກິນ ແລະ ສ້າງຣາຍໄດ້ ສຳລັບລ້ຽງ ຄອບຄົວ ຂອງພວກຂະເຈົ້າ.
