ຣັຖບານ ສປປ ລາວ ໄດ້ອອກ ຄໍາສັ່ງ ເນຣະເທດ ມາດາມ Anne-Sophie GINDROZ ຜູ້ອໍານວຍການ ອົງການ HELVETAS ຂອງ Switzerland ປະຈໍາລາວ ຊື່ງເປັນອົງການ ບໍ່ຂື້ນກັບ ຣັຖບານ ອອກຈາກ ສປປ ລາວ ພາຍໃນ 48 ຊົ່ວໂມງ ນັບແຕ່ວັນທີ່ 7 ທັນວາ ປີ 2012 ເປັນຕົ້ນໄປ. ຕາມໜັງສື ທາງການ ຂອງ ກະຊວງການ ຕ່າງປະເທດ ເລກທີ 3083/MFA.DIO.3.8
ການທີ່ ທາງການລາວ ໄດ້ອອກຄໍາສັ່ງ ເນຣະເທດ ມາດາມ Anne-Sophie GINDROZ ໃນຄັ້ງນີ້ ຍ້ອນເຫັນວ່າ ມາດາມ ໄດ້ປະພຶດຕົນ ໂຄສະນາ ຕໍ່ຕ້ານ ຣະບອບ ການປົກຄອງ ຂອງ ຣັຖບານລາວ ຊື່ງທາງການລາວ ເຫັນວ່າ ບໍ່ສອດຂ່ອງກັບ ມາຕຖານ ແລະ ຫລັກການ ສາກົນ.
ຈົດໝາຍສ່ວນໂຕ ຂອງ ມາດາມ Anne-Sophie GINDROZ ສົ່ງໄປຫາ ອົງການ ແລະ ປະເທດ ທີ່ໃຫ້ ການຊ່ອຍເຫຼືອ ແກ່ ສປປ ລາວ ກ່ອນຈະມີ ກອງປະຊຸມ ໂຕະມົນ ຂອງ ບັນດາປະເທດ ຜູ້ໃຫ້ການ ຊ່ອຍເຫຼືອແກ່ ສປປ ລາວ ນັ້ນ ມາດາມ ໄດ້ເວົ້າເຖີງ ການຂາດສິດ ເສຣີພາບ ແລະ ປະຊາທິປະໄຕ ຂອງ ປະຊາຊົນລາວ.
ພັກລັດ ວອນຫາທີ່,ໃນອານາຄົດຈະເກີດຫຍັງຂື້ນກັບ ສປປລາວ?
ໄດ້ WTO ໄປມາດໆ.
ຜູ່ນໍາລາວມັກໃຫ້ເວົ້າແຕ່ຈຸດດີຈຸດເດັ່ນ ສ່ວນຈຸດອ່ອນນັ້ນເອົາໄປຝັງດິນໄວ້ຢ່າໃຫ້ໄດ້ກິ່ນ.
ສ່ວນຜູ່ທີ່ປະຕິເສດວ່າເຈົ້າໜ້າທີ່ຂັ້ນສູງຂອງລາວບໍ່ໄດ້ກິນບ້ານກິນເມືອງຫັ້ນ ກໍ່ເຊົາສາ
ເຊົາຕົວະຕົນເອງໄດ້ແລ້ວຖ້າຢາກໃຫ້ບ້ານເມືອງພັດທະນາໄວກ່ວານີ້, ຊ່ອຍກັນເວົ້າ ຊ່ອຍ
ກັນທ້ວງຖ້າເຫັນເພິ່ນຮັບເອົາຊອງກ້ອງໂຕະ ຢ່າໄປສະໜັບສະໜູນມັນເລີຍພວກຖ່ວງດຶງ
ຄວາມຈະເລີນຂອງຊາດຫັ້ນນະ ເຊັນຫຍັງກໍ່ຢາກໄດ້ແຕ່ຊອງຈຶ່ງມີແຮງເຊັນ.
