ບັນຫາ ຢາເສພຕິດ ໃນລາວ ຕ້ອງມີການ ແກ້ໄຂ ແລະ ປາບປາມ ຢ່າງຈິງຈັງ.
ການແກ້ໄຂ ບັນຫາ ຢາເສພຕິດ ໃນລາວ ໃນຣະຍະ ທີ່ຜ່ານມາ ທາງການລາວ ໄດ້ດຳເນີນງານ ດ້ວຍການ ຮ່ວມມື ຈາກ ຕ່າງປະເທດ, ອົງການ ຣະຫວ່າງຊາດ ແລະ ພາກ ເອກກະຊົນ ໄດ້ຮັບຜົລ ພຽງເລັກນ້ອຍ ຍັງບໍ່ສາມາດ ລົບລ້າງບັນຫາ ດັ່ງກ່າວ ໃຫ້ຫມົດໄປຈາກ ສັງຄົມ ໄດ້, ເນຶ່ອງຈາກວ່າ ບັນຫາ ຢາເສພຕິດ ໃນລາວ ເປັນບັນຫາ ໃຫຍ່ ຕ້ອງມີການ ແກ້ໄຂ ຢ່າງຈິງຈັງ ແບບບໍ່ຢ້ານກົວ ຕໍ່ກຸ່ມ ຜູ້ມີອຳນາດ. ດັ່ງຄົນລາວ ຜູ້ນຶ່ງ ເວົ້າວ່າ:
"ຖ້າເວົ້າເຣື້ອງ ຣັຖບານ ບໍ່ຮູ້ຊີ່ ກ່າວເຖິງ ບັນຫາ ເພາະ ວ່າເຮົາເອງ ກໍເປັນ ປະຊາຊົນ ທັມມະດາ ທີ່ວ່າເຂົາ ລົງມາ ເກັບສຽງ ຫລືຫາສຽງ ກໍບໍ່ຄ່ອຍຈະມີ ທີ່ວ່າຈະໃຫ້ ຣັຖບານ ແກ້ໄຂ ອີ່ຫຍັງ ກໍຢາກໃຫ້ ຣັຖບານ ແກ້ໄຂ ເຊັ່ນເຣື້ອງ ຢາເສພຕິດ ການປ້ອງກັນ ຄວາມສງົບ ໃຫ້ມີການ ຂຍາຍຕື່ມ ແຕ່ວ່າບັນຫາ ເຣື້ອງ ຢາເສພຕິດ ມັນ ແຜ່ຂຍາຍ ຫລາຍ".
ເຖິງແມ່ນວ່າ ຣັຖບານ ລາວ ເຄີຍປະກາດ ວ່າຈະໃຫ້ ຄວາມສຳຄັນກັບ ການແກ້ໄຂ ບັນຫາ ຢາເສພຕິດ ເນື່ອງຈາກມັນ ສົ່ງຜົລກະທົບ ຕໍ່ຄວາມເປັນຢູ່ ຂອງ ປະຊາຊົນ ສັງຄົມ ແລະ ຄວາມຫມັ້ນຄົງ ຂອງ ປະເທດຊາດ ແຕ່ພາກ ປະຕິບັດ ນັ້ນ ຍັງບໍ່ສາມາດ ເຮັດໄດ້ ເພາະທຸກມື້ນີ້ ບັນຫາ ຢາເສພຕິດ ຕາມແນວ ຊາຍແດນ ທີ່ໃຊ້ລາວ ເປັນທາງຜ່ານ ຍັງມີຢູ່ ຢ່າງຫຼວງຫຼາຍ.
ຣາຍງານ ຂອງ ຄນະກັມມະການ ຊີ້ແນະ ແລະ ຄວບຄຸມ ຢາເສພຕິດ ແຫ່ງຊາດ ຣະບຸວ່າ, ປັດຈຸບັນ ໃນທົ່ວປະເທດ ມີຜູ້ສ່ຽງຕໍ່ ການຕິດ ຢາເສພຕິດ ປະມານ 55 ພັນ ຄົນ ໃນນັ້ນ 80% ແມ່ນຕິດຢາບ້າ ແລະ ສ່ວນເຫລຶອ 20% ແມ່ນຕິດຝິ່ນ, ເຮໂຣອິນ ກັນຊາແຫ້ງ ແລະ ສານກະຕຸ້ນ ປະສາດ ຊນິດຕ່າງໆ. ສປປລາວ ເປັນທັງ ທາງຜ່ານ ຕົ້ນທາງ ແລະ ປາຍທາງ ຂອງ ກຸ່ມຄ້າ ຢາເສພຕິດ ໃນຂົງເຂດ
