ຂໍອານຸຍາດເລົ່າເລື່ອງສີ່ງທີ່ຜູ້ຫລັກຜູ້ໃຫຍ່ບໍ່ຄວນກະທຳໃຫ້ບັນດາທ່ານຟັງ:
1). ຕອນຄ່ຳວັນອາທິດ 10 ມີນາ 1013, ຂ້າພະເຈົ້າເດີ່ນທາງຜ່ານຖນົນລ້ານຊ້າງ ຕາມທິດທາງໄປໂພນເຄັງ
ພໍມາເຖີງຈຸດໄຟອຳນາດທີ່ຢູ່ຫົວວົງວຽນແຈຮົ້ວ ກຊ ໂຍທາ, ມີລົດ PRADO ສີຂາວຄັນໜື່ງ ປ້າຍສີຟ້າ (ລົດລັດ)
ແຂວງ ອັດຕະປື ຄິດວ່າຕ້ອງແມ່ນຜູ້ມີຕຳແໜ່ງສູງ ຢ່າງໜ້ອຍຕ້ອງແມ່ນລະດັບຫົວໜ້າພະແນກການ, ລົດຄັນ
ດັ່ງກ່າວແລ່ນບໍ່ຖືກກົດຈະລາຈອນ ຄື: ແລ່ນລົງມາແຕ່ ກຊ ການຕ່າງປະເທດ ລົງມາຊື່ເລີຍ ຜ່ານໄຟອຳນາດແລ່ນ
ລົງມາຕາມເສັ້ນທາງເບື້ອງ ກຊ ໂຍທາ ກຊ ກະສິກຳເລີຍ ໄວພໍສົມຄວນ ແບບບໍ່ສົນບໍ່ກ່ຽວກັບໃຜ ຊ້ຳບໍ່ພໍຍັງກົດໄຟ
ຕາສູງໃສ່ລົດທີ່ແລ່ນສວານທິດທາງມາ ທີ່ເປັນສິດຂອງເຂົາແລ້ວນັ້ນຫລີກທາງໃຫ້ເພີ່ນ.
2). ອີກເລື່ອງໜື່ງ, ຢູ່ຕູ້ ATM ຂ້າງປະຕູຮົ້ວ ກຊ ກະສິກຳ. ມື້ນັ້ນມີຄົນຢືນລໍຖ້າຄີວເພື່ອເຂົ້າໄປໃຊ້ຕູ້ ຂ້າພະເຈົ້າ
ກໍ່ຢືນລໍຢູ່ຕາມຄີວຄືກັນ, ຄາວໜື່ງມີທ່ານສຸພາບບູລຸດຜູ້ໜື່ງ ໄວປະມານ 50ປີ ຫລື 50+ ນີ້ລະຂີ່ລົດກະບະ 4ປະຕູ
ປ້າຍສີຟ້າ (ລົດລັດ) ແຂວງ ຊຽງຂວາງ ຄິດວ່າຕຳແໜ່ງໄດ້ໃຊ້ລົດ 4ປະຕູຢ່າງໜ້ອຍຕ້ອງ ຮອງ ຫົວໜ້າພະແນກ
ການ. ຜູ້ກ່ຽວລົງຈາກລົດມາກໍ່ບໍ່ຫລາຍເລື່ອງຍ່າງໝົ້ນເຂົ້າໄປເລີຍບໍ່ສົນກັບໃຜໝົດ.
ຂ້າພະເຈົ້າຢາກຖາມວ່າການປະພຶດແບບໃຊ້ອະພິສິດແນວນີ້ກໍ່ສົມຄສນເປັນຜູ້ໃຫຍ່ທີ່ມີກຽດມີສັກສີໃຫ້ຄົນນັບຖືຢູ່ບໍ່?
ເພາະວ່າເພີ່ນເປັນຄົນມີອໍານາດ ແຕ່ວ່າຂາດການສຶກສາ ຈຶ່ງເຣັດໃຫ້ການນໍາໃຊ້ ອໍານາດຂອງເພີ່ນ ບໍ່ຖືກຕອ້ງ ບໍ່ໃຫ້ກຽດຊື່ງກັນແລະກັນ ໂດຍທີ່ອ້າງວ່າ ໂຕເອງມີ ອໍານາດສູງ ບໍ່ມີມະນຸດຊະຍາທັມ ບໍ່ນັບຖືກົດຫມາຍ ທີ່ໂຕເອງວາງອອກ ບັງຄັບໃຫ້ແຕ່ປະຊາຊົນ ບັບຖືແຕ່ຝ່າຍດຽວ
