ລາວໂຮມລາວ ເພື່ອປະຊາທິປະໄຕ

ທີ່ດິນຂອງໃຜ ກໍຫວງແຫນ ຍອ້ນມັນເປັນທັງບອ່ນຢູ່ ແລະບອ່ນຜລິດເພື່ອລ້ຽງຊີບ

ແຕ່ບັນຫາທີ່ດິນ ກາຍເປັນບັນຫາຍ້ອນວ່າ

1.ໂຄງການສຳປະທານໄດ້ກວມເອົາເນື້ອທີ່ຂອງປຊຊ

2.ການຫັນເອົາດິນມາເປັນທຶນ ແບບຊື້ຖືກຂາຍແພງ

3.ຍົກຍ້າຍ ປຊຊ ໄປຢູ່ບອ່ນທີ່ບໍ່ທັນມີຫຍັງເປັນພື້ນຖານ

4. ພະນັກງານລັດ ໃຊ້ອຳນາດຂົ່ມຂູ່ ແລະບີບຮັດ ປຊຊ

1. ການອອກອະນຸຍາດເນື້ອທີ່ສຳປະທານທີ່ດິນຍັງຂາດການສຳຫລວດ
ວັດແທກລະອຽດໃນພາກສະໜາມ ແລະ ການຂະຫຍາຍເຂດແດນ
ບໍ່ຈະແຈ້ງຊັດເຈນ ຈາກນັ້ນ ຈິ່ງມີການອອກອະນຸຍາດທັບຊ້ອນກັບທີ່ດິນ
ຂອງປະຊາຊົນ ບາງບ່ອນກໍ່ກວມເອົາເຂດປ່າດົງດິບ, ປ່າສະຫງວນ
ຮອດ 600-700 ເຮັກຕາກໍມີ.
2. ການຫັນທີ່ດິນເປັນທຶນເພື່ອດຳເນີນໂຄງການພັດທະນາຈຳນວນໜຶ່ງ
ເປັນຕົ້ນແມ່ນການສ້າງຖະໜົນຫົນທາງຍັງບໍ່ທັນມີນະໂຍບາຍ ແລະ ນິຕິກຳ
ອັນລະອຽດ ເວົ້າສະເພາະການກຳນົດລາຄາດິນຊົດເຊີຍໃຫ້ຜູ້ເປັນເຈົ້າຂອງ
ແລະ ກຳນົດລາຄາດິນຕອນດຽວກັນ ພາຍຫລັງກໍ່ສ້າງສຳເລັດກໍຫລຸດໂຕນ
ກັນຫລາຍ ຊຶ່ງເຮັດໃຫ້ຜູ້ເປັນເຈົ້າຂອງມີຄວາມຮູ້ສຶກວ່າຕົນເອງຖືກເອົາປຽບ
ຈາກນັ້ນເກີດຄວາມຂັດຂ້ອງ ແລະ ບໍ່ຍິນຍອມປະຕິບັດ.
3. ການຍົກຍ້າຍຈັດສັນຜູ້ໄດ້ຮັບຜົນກະທົບຈາກໂຄງການໄປຢູ່ບ່ອນໃໝ່
ແລະ ການຊົດເຊີຍທີ່ບໍ່ເໝະສົມ-ບໍ່ທັນການ ເປັນສາເຫດໜຶ່ງທີ່ສຳຄັນຂອງ
ບັນຫາພົ່ນເດັ່ນຄື: ການກຽມບ່ອນຍົກຍ້າຍຈັດສັນບໍ່ດີ ບໍ່ສາມາດຮອງຮັບ
ໃຫ້ແກ່ການດຳລົງຊີວິດຂັ້ນພື້ນຖານ, ບາງບ່ອນຂາດນ້ຳກິນ-ນ້ຳໃຊ້ທີ່ສະອາດ,
ຂາດຖະໜົນຫົນທາງ ແລະ ທີ່ດິນເພື່ອເພີ່ມພູນຜະລິດຜົນ, ໂຮງຮຽນກໍບໍ່ມີ,
ຕະຫລາດກໍຢູ່ໄກ, ໄປ-ມາກໍບໍ່ສະດວກ.
4. ສາເຫດສຳຄັນອີກອັນໜຶ່ງ ແມ່ນຍ້ອນເຈົ້າໜ້າທີຂອງລັດປະຕິບັດໜ້າທີ່
ໂດຍຂາດຄວາມຮັບຜິດຊອບຕໍ່ຜົນປະໂຫຍດຂອງລັດ, ຂອງປະຊາຊົນ,
ມີການກະທຳສວຍໂອກາດຫາຜົນປະໂຫຍດແກ່ຕົນເອງ ແລະ ໝູ່ພວກ,
ສວຍໃຊ້ອຳນາດຂອງລັດຂົ່ມຂູ່ ແລະ ກົດໜີບປະຊາຊົນ, ບໍ່ເປັນທຳໃນການ

ແກ້ໄຂບັນຫາຂັດແຍ່ງກ່ຽວກັບທີ່ດິນ ລະຫວ່າງເຈົ້າຂອງໂຄງການລົງທຶນ
ກັບປະຊາຊົນ ຫຼື ລະຫວ່າງອົງການໜ່ວຍງານຂອງລັດກັບປະຊາຊົນ
ຊຶ່ງຫລາຍກໍລະນີແມ່ນຖືເບົາຄວາມເຫັນ ແລະ ສິດຜົນປະໂຫຍດອັນຊອບທຳ
ຂອງປະຊາຊົນ.