ສປປ.ລາວຖືກຈັດໃຫ້ຢູ່ໃນກຸ່ມປະເທດທີ່ປະຊາຊົນບໍ່ມີເສລີ ພາບໃນການສະແດງຄວາມຄິດເຫັນໃນທາງການເມືອງ ແລະສື່ມວນຊົນກໍຖືກຄວບຄຸມໂດຍພັກ-ລັດ ໃນ ທຸກລະດັບ. ອົງການນັກຂ່າວບໍ່ມີພົມແດນ (Reporters Without Borders) ໄດ້ສະເໜີລາຍ ງານປະຈໍາປີ 2013 ໃນໂອກາດວັນເສລີພາບ ຂອງສື່ມວນຊົນໂລກ ຊຶ່ງກົງກັບວັນ ທີ 3 ພຶດສະພາຂອງທຸກປີ ວ່າ ສປປ.ລາວ ນັບເປັນປະເທດນຶ່ງທີ່ຍັງຄົງບໍ່ມີສັນຍານຂອງ ການທີ່ຈະພັດທະນາປັບປຸງເສລີພາບຂອງສື່ມວນຊົນໃຫ້ດີຂຶ້ນ ເນື່ອງຈາກວ່າ ສື່ມວນຊົນໃນທຸກຂະແໜງຍັງຕ້ອງຢູ່ພາຍໃຕ້ ການຄວບຄຸມຂອງພັກປະຊາຊົນປະຕິວັດລາວ ແລະລັດຖະ ບານລາວຢ່າງເຂັ້ມງວດ. ຊຶ່ງດ້ວຍສະພາບການດັ່ງກ່າວ ຈຶ່ງບໍ່ພຽງແຕ່ຈະເຮັດໃຫ້ສື່ມວນຊົນລາວບໍ່ມີເສລີພາບໃນ ການສະເໜີຂໍ້ມູນຂ່າວສານໄປເຖິງປະຊາຊົນເທົ່ານັ້ນ ຫາກແຕ່ຍັງເປັນການຈໍາກັດຮັດ ແຄບເສລີພາບຂອງປະຊາຊົນລາວໃນການເຂົ້າເຖິງຂໍ້ມູນຂ່າວສານຕ່າງໆ ແລະລວມ ໄປເຖິງການບໍ່ມີເສລີພາບໃນການສະແດງອອກເຖິງແນວຄວາມ ຄິດຕ່າງໆ ທັງໃນທາງ ການເມືອງ ການບໍລິຫານງານຂອງລັດຖະບານ ແລະການນໍາຂອງພັກອີກດ້ວຍ. ທັງນີ້ອົງການນັກຂ່າວບໍ່ມີພົມແດນໄດ້ຈັດໃຫ້ສປປ.ລາວ ຢູ່ໃນອັນດັບທີ 168 ຈາກການ ສໍາຫຼວດກ່ຽວກັບສະພາບການທາງດ້ານເສລີພາບຂອງສື່ມວນຊົນໃນ 179 ປະເທດທົ່ວ ໂລກໃນຕະຫຼອດປີ 2012 ທີ່ຜ່ານມາ ຊຶ່ງພົບວ່າ ຟິນແລນດ໌ເປັນ ປະເທດທີ່ມີເສລີພາບ ຂອງສື່ມວນຊົນເປັນອັນດັບ 1 ຂອງໂລກ ຂະນະທີ່ສປປ. ລາວ ນັ້ນຖືກຈັດໃຫ້ຢູ່ໃນກຸ່ມ ດຽວກັນກັບຈີນ ຫວຽດນາມ ແລະເກົາຫຼີເໜືອ ທີ່ສື່ມວນຊົນຖືກຄວບຄຸມໂດຍພັກລັດ ນັ້ນເອງ.
http://lao.voanews.com/content/laos-placed-in-the-group-of-countries-without-freedom-of-people-expression/1656891.html
