ການນຳພັກ-ລັດ ເຂົ້າວາງພວງມາລາໄວ້ອາໄລເຖິງ ທ່ານ ສັນຍາຮັກ ພົມວິຫານ
ຂປລ. ໃນວັນທີ 19 ກໍລະກົດ 2013 ນີ້ ທີ່ກະຊວງປ້ອງກັນປະເທດ, ການນຳພັກ-ລັດ ໄດ້ເຂົ້າວາງພວງມາລາ ເພື່ອໄວ້ອາໄລເຖິງທ່ານ ພົນຕີ ສັນຍາຮັກ ພົມວິຫານ ອະດີດ ກຳມະການສູນກາງພັກ, ອະດີດລັດຖະມົນຕີຊ່ວຍວ່າການກະ ຊວງປ້ອງກັນປະເທດ ທີ່ໄດ້ເສຍຊີວິດໃນວັນທີ 17 ກໍລະກົດ 2013 ນີ້ ໂດຍມີຄະນະບໍລິຫານງານສູນກາງພັກ ນຳໂດຍ ທ່ານ ຈູມມະລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ.ລາວ; ຄະນະສະພາແຫ່ງຊາດ ນຳໂດຍທ່ານນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ, ປະທານສະພາແຫ່ງຊາດ;, ຄະນະລັດຖະບານ ນຳໂດຍທ່ານ ທອງສິງ ທຳມະວົງ ກຳມະການກົມການເມືອງສູນກາງພັກ, ນາຍົກ ລັດຖະມົນຕີ; ຄະນະຫ້ອງ ວ່າການສູນກາງພັກ ນຳໂດຍ ທ່ານ ບຸນປອນ ບຸດຕະນະວົງ ກຳມະການກົມການເມືອງສູນກາງພັກ, ຄະນະເລຂາທິການ ສູນກາງພັກ, ຫົວໜ້າຫ້ອງວ່າ ການສູນກາງພັກ; ຄະນະສຳນັກງານປະທານປະເທດ ນຳໂດຍທ່ານ ພົງສະຫວັດ ບຸບຜາ ລັດຖະມົນຕີ, ຫວົໜ້າຫ້ອງວ່າການສຳນັກງານປະທານປະເທດ; ຄະນະສູນກາງແນວລາວ ສ້າງຊາດ ນຳໂດຍ ທ່ານ ສຈ. ດຣ. ພັນດວງຈິດ ວົງສາ ກຳມະການສູນກາງພັກ, ປະທານສູນກາງແນວລາວສ້າງຊາດ; ຄະນະໂຄສະນາອົບຮົມສູນກາງພັກ ນຳໂດຍ ທ່ານ ເຈືອງ ສົມບູນຂັນ ກຳມະການ ສູນກາງພັກ, ຄະນະເລຂາທິການສູນກາງພັກ, ຫົວໜ້າໂຄສະນາອົບຮົມສູນກາງພັກ; ມີບັນດາກະຊວງ, ສຳນັກງານ, ກົມກອງ, ອົງການຈັດຕັ້ງຕ່າງໆ. ພ້ອມນີ້ ຍັງມີບັນດາຄອບຄົວ ທຳມະວົງ, ຄອບຄົວ ເລັ່ງສະຫວັດ ກໍໄດ້ເຂົ້າວາງພວງມາລາໃນມື້ນີ້. ສຳລັບມື້ວານນີ້ (ວັນທີ 18 ກໍລະກົດ) ກໍໄດ້ມີຄະນະນຳ ພັກ-ລັດ ກະຊວງປ້ອງກັນປະເທດ ນຳໂດຍທ່ານ ພົນໂທ ດວງໃຈ ພິຈິດ ກຳມະການກົມການເມືອງສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ, ຄະນະຫ້ອງການປ້ອງກັນຄວາມສະຫງົບສູນກາງ ນຳໂດຍທ່ານ ພົນຈັດຕະວາ ຄຳແກ້ວສານ ບຸນຄຸນໄຊ ຫົວໜ້າ ຫ້ອງວ່າການປ້ອງກັນຊາດປ້ອງກັນຄວາມສະຫງົບສູນກາງ, ຄະນະນຳກົມໃຫຍ່ພະລາທິການກົມໃຫຍ່ກອງທັບ ນຳໂດຍ ທ່ານ ພົນຕີ ສຸເພັດ ໄພວິສິດ ຫົວໜ້າກົມໃຫຍ່ ພະລາທິການ ກົມໃຫຍ່ກອງທັບ. ພ້ອມນີ້ ຍັງມີບັນດາຄອບຄົວການນຳ ຊຶ່ງມີ ຄອບຄົວ ພົມວິຫານ ນຳໂດຍທ່ານ ນາງທອງວິນ ພົມວິຫານ; ຄອບຄົວສີພັນດອນ ນຳໂດຍທ່ານ ດຣ. ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ; ຄອບຄົວສີສຸລິດ ນຳໂດຍນາງ ນາລີ ສີສຸລິດ ພັນລະຍາຂອງທ່ານ ດຣ.ທອງລຸນ ສີສຸລິດ ລັດຖະມົນຕີວ່າການ ກະຊວງການຕ່າງປະເທດ ເຂົ້າວາງພວງມາລາ./.
ຄອບຄົວການນໍາຄົນອື່ນໆເດ໋ ຈະໄປວາງພວງມາລາມື້ໃດ?
