ທ່ານ ກຸ ກໍຍອມຮັບວ່າ ໃນປັດຈຸບັນນີ້ ມີເຍົາວະຊົນລາວຕິດຢາບ້າ ຫຼາຍກວ່າ 40,000 ຄົນ ແລະຖ້າຫາກຄິດລວມກັບຄົນທີ່ຊົມໃຊ້ຢາເສບຕິດຊະນິດ ອື່ນໆເຂົ້າດ້ວຍ ກໍເຊື່ອວ່າມີຄົນລາວຫຼາຍກວ່າ 60,000 ຄົນ ທີ່ຕິດຢາເສບຕິດໃນ ທົ່ວປະເທດລາວໃນ ເວລານີ້. ໃນຈໍານວນດັ່ງກ່າວກໍແບ່ງເປັນ 80% ທີ່ຕິດຢາບ້າ. ສ່ວນ 20% ທີ່ເຫຼືອນັ້ນ ຕິດ ຢາຝິ່ນ ເຮໂຣອີນ ກັນຊາ ແລະຢາເສບຕິດ ຊະນິດອື່ນໆ.
ທ່ານກຸ ໄດ້ເນັ້ນຍໍ້າດ້ວຍວ່າສໍາລັບຄົນທີ່ຕິດຢາບ້ານັ້ນ ມີຢູ່ໃນ ທຸກສັງຄົມໃນລາວ ໂດຍບໍ່ວ່າຈະເປັນຜູ້ອອກແຮງງານ ຜູ້ສູງ ອາຍຸ ພະນັກງານຂອງລັດຖະບານ ພະສົງ ແລະນາງຊີ ກໍຕາມ ຕ່າງກໍລ້ວນແລ້ວແຕ່ໄດ້ມີການຊົມໃຊ້ຢາບ້າດ້ວຍກັນ ທັງນັ້ນ ໂດຍມີສາເຫດທີ່ ສໍາຄັນມາຈາກການທີ່ລາວໄດ້ກາຍເປັນເສັ້ນ ທາງຂອງການລັກ ລອບຂົນສົ່ງຢາບ້າ ໄປຕ່າງປະເທດຫຼາຍ ຂຶ້ນນັບມື້ ແລະໃນຂະນະດຽວກັນ ການລັກລອບປູກຝິ່ນຢູ່ໃນ ລາວ ກໍຍັງຄົງມີການຂະຫຍາຍພື້ນທີ່ເພີ່ມຂຶ້ນຢ່າງຕໍ່ ເນື່ອງ ອີກດ້ວຍ.
ຕົວເລກນີ້ເອົາມາຈາກສູນບໍາບັດຫລືເອົາມາຈາກແຫລ່ງສໍາຫລວດໃດ? ຂ້ອຍຄິດວ່າໃນຕົວຈິງອາດຈະມີຫລາຍກ່ວານັ້ນ
ຄົນຕິດເຄື່ອງດື່ມມືນເມົາເດມີຫລາຍເທົ່າໃດ?
