ພາຍຫລັງລັດຖະມົນຕີ ວ່າການກະຊວງສຶກສາທິການ ແລະ ກິລາໄດ້ມີຄຳສັ່ງແນະນຳເລກທີ 155 ກ່ຽວກັບການປະຕິຮູບລະບົບການສຶກສາແຫ່ງຊາດໄລຍະທີ II ສົກປີ 2011-2015 ເພື່ອເຮັດໃຫ້ການສຶກສາມີການຫັນປ່ຽນໃນທ່ວງທ່າທີ່ດີຂຶ້ນ ນັບທັງປະລິມານແລະ ຄຸນນະພາບ ທັງພາກລັດ ແລະ ເອກະຊົນ ດັ່ງ ນັ້ນ ຈຶ່ງເຮັດໃຫ້ບັນດາວິທະຍາໄລເອກກະຊົນຢຸດຮັບນັກສຶກສາລະ ດັບປະລິນຍາຕີໃນສົກຮຽນ 2013-2014 ແລະ ມີແຕ່ມະຫາ ວິທະຍາໄລແຫ່ງຊາດ(ດົງໂດກ), ມະຫາວິທະຍາໄລຈຳປາສັກ, ມະຫາວິທະຍາໄລສະຫວັນນະເຂດ,ມະຫາວິທະຍາໄລສຸພານຸວົງ ແລະ ມະຫາວິທະຍາໄລວິທະຍາສາດການແພດ ເຊິ່ງຢູ່ພາຍໃຕ້ຄວາມຮັບຜິດຊອບຂອງລັດ ມີເງື່ອນໄຂສອນໃນລະດັບປະລິນ ຍາຕີຂຶ້ນໄປ.ຈາກນັ້ນຈຶ່ງເຮັດໃຫ້ບັນຍາກາດໄປ ສະໝັກເຂົ້າຮຽນຂອງນັກຮຽນງຽບເຫງົາລົງ.
ທ່ານ ສາຍຄຳ ປະທານກຸ່ມວິທະຍາໄລເສດຖະກິດໄຊພັດທະນາ ໄດ້ກ່າວກັບນັກຂ່າວໜັງສືພີມລາວພັດທະນາ ໃນໂອ ກາດກອງປະຊຸມໃຫຍ່ຄັ້ງທີ 5 ຂອງສະມາຄົມການສຶກສາພາກເອກະຊົນ ເມື່ອບໍ່ດົນມານີ້ວ່າ:ວິ ທະຍາໄລຕົນໄດ້ເປີດຮັບສະໝັກ ນັກຮຽນໃນລະດັບຊັ້ນສູງມາແຕ່ຕົ້ນເດືອນກໍລະກົດນີ້,ແຕ່ເຫັນວ່າມີ ນັກຮຽນມາສະໝັກບໍ່ຫລາຍເທົ່າທີ່ຄວນເມື່ອທຽບໃສ່ແຕ່ລະປີຜ່ານມາ ຍ້ອນພວກເຮົາປະຕິບັດຕາມຄຳສັ່ງຂອງກະຊວງສຶກສາທິການ ແລະ ກິລາວາງອອກຢ່າງເຂັ້ມງວດ. ແນວໃດກໍດີ ຫວັງວ່າພາຍຫລັງບັນດາມະຫາວິທະຍາໄລຂອງລັດສອບເສັງຈົບ ແລະ ປະກາດຜົນການເສັງແລ້ວ, ນັກສຶກສາທີ່ບໍ່ມີໂອກາດໄດ້ເຂົ້າຮຽນໃນມະຫາວິທະຍາໄລເຫລົ່ານັ້ນ ກໍອາດມາສະໝັກເຂົ້າຮຽນນຳວິທະຍາໄລຕ່າງໆ ເຊິ່ງຈະເລີ່ມເປີດສອນໃນເດືອນຕຸລານີ້.
ຂະນະ ທີ່ມະຫາວິທະຍາໄລແຫ່ງຊາດ (ດົງໂດກ) ພວມຂຸ້ນ ຂ້ຽວກະກຽມໃສ່ບັ້ນສອບເສັງຮັບນັກຮຽນໃນສົກຮຽນ 2013- 2014 ທີ່ຈະມີຂຶ້ນໃນວັນທີ 28-29 ສິງຫານີ້.ຕາມການລາຍງານຂອງມະຫາວິທະຍາໄລແຫ່ງຊາດ ປີນີ້ມີນັກຮຽນສະເໜີເຂົ້າສອບເສັງເກືອບ 15 ພັນຄົນ,ແຕ່ຈະຮັບພຽງ 6 ພັນກວ່າຄົນ.
ແນວ ໃດກໍດີສຳລັບວິທະ ຍາໄລເອກະຊົນທີ່ຍັງມີນັກສຶກສາພວມຮຽນໃນລະດັບປະລິນຍາຕີແມ່ນ ໃຫ້ສືບຕໍ່ຮຽນໃຫ້ຈົບໃນສົກປີ 2014-2015 ແລະ ຈາກນັ້ນ, ກະຊວງສຶກສາຈະກວດຄືນເງື່ອນໄຂຄວາມອາດສາມາດຂອງບັນ ດາວິທະຍາໄລທີ່ມີການປັບປຸງຕົນເອງຖ້າເຫັນວ່າໄດ້ ຕາມເງື່ອນໄຂກໍພິຈາລະນາໃຫ້ສອນໃນລະດັບປະລິນຍາຕີຕໍ່ໆໄປ.
