ລາວໂຮມລາວ ເພື່ອປະຊາທິປະໄຕ

1. ກ່ຽວກັບການເກັບລາຍຮັບງົບປະມານ
ລາວເຮົາມີແຫຼ່ງລາຍຮັບເພື່ອຈັດເກັບເງິນເຂົ້າງົບປະມານຫຼາຍດ້ານ ຊຶ່ງພັກລັດໄດ້ວາງໄວ້ແລ້ວ, ແຕ່ການຈັດຕັ້ງປະຕິບັດການເກັບລາຍຮັບເຂົ້າງົບປະມານນັ້ນ
ສ່ວນຫລວງລາຍເປັນດາບສອງຄົມ, ຊຶ່ງຄາດວ່າເງິນເຄິ່ງນຶ່ງຂອງການຈັດເກັບນັ້ນຕົກໄປຢູ່ໃນຖົງຂອງພະນັກງານຜູ້ລົງໄປເກັບ. ບາງລາຍຮັບ ລັດເຮົາບໍ່ໄດ້ວາງຖານການ
ເກັບໄວ້, ເພາະເປັນສິນຄ້າທີ່ລັດເກືອດຫ້າມ ເຊ່ນ ໄມ້ຫວງຫ້າມຕ່າງ ໆ ແຕ່ໃນຕົວຈິງພັດມີການສົ່ງອອກ ສະນັ້ນ ຈຶ່ງເປັນຊ່ອງວ່າງຂອງຜູ້ສວຍໂອກາດ.
2. ກ່ຽວກັບງົບປະມານລາຍຈ່າຍ
ການຈັດຊື້ ຈັດຈ້າງບໍ່ມີຄວາມໂປ່ງໃສ, ເຊ່ນ: ການຈັດການປະມູນໂຄງການເຮັດເປັນຮູບການໃຫ້ຖືກຕ້ອງລ້າ ໆ ແຕ່ຕົວຈິງແມ່ນຮົ້ວປະມູນ. ຂາຍຊອງປະມູນຫຼາຍຊອງ
ແຕ່ບໍລິສັດດຽວຊື້ ໂດຍອອກຊື່ຫຼາຍບໍລິສັດ. ການໃຫ້ເອກະຊົນລົງທຶນກ່ອນ ເປັນລາຄາທີ່ສູງກາຍທົບເຄິ່ງ ແລະ ເປັນພຽງຮູບການ. ໃນສັນຍາແມ່ນຊໍາລະດ້ວຍງົບປະມານ
ຜູກພັນຫຼາຍປີ ແຕ່ໃນຕົວຈິງແລ້ວ ແມ່ນເຮັດໄປ ຖອນເງິນໄປນໍາ.
- ການຈັດຊື້ພາຫະນະຮັບໃຊ້ຕໍາແຫນ່ງຟຸມເຟືອຍເກີນໄປ ຊຶ່ງບໍ່ມີປະເທດໃດໃນໂລກເຮັດແບບລາວເຮົາ.
3. ທຸລະກິດລື້ງເຄີຍກັບການຫຼົບຫຼີກພາສີ ຫຼື ອາກອນ ເພາະບໍ່ມີຄວາມເກງກົວກົດໝາຍ, ສາຍເຫດກໍ່ຍ້ອນພະນັກງານມີພຶດຕິກໍາທີ່ເຫັນແກ່ຕົວ ຮ່ວມຫົວກັບນັກທຸລະກິດ
....ບູຮານເພິ່ນເວົ້າວ່າ...ນໍ້າຍ້ອຍຫອຍຈຶ່ງໄຕ່.....
ຫາກພັກລັດປ່ອຍປະ ເກງໝົກເກງໃຈກັນແບບນີ້ຕໍ່ໄປ ແລະ ຍັງຄິດວ່າປະເທດລາວເປັນຂອງໂຕເອງຜູ້ດຽວແລ້ວ ຕໍ່ໃຫ້ອີກ 100 ປີ
ກໍ່ຢ່າຫວັງວ່າຈະຫຼຸດພົ້ນຄວາມທຸກຍາກ.