ລາຍໄດ້ຈາກພາສີ ແລະອາກອນຕ່າງໆ ຈໍານວນມະຫາສານ ຖືກສູນເສັຽໄປຍ້ອນການຄຸ້ມຄອງ ຂອງລະບົບການເງິນບໍ່ມີປະສິດທິພາບ ແລະ ໜ່ວຍທຸຣະກິດ ບໍ່ໃຫ້ຄວາມຮ່ວມມື. ຕາມການເປີດເຜີຽ ຂອງທ່ານ ພູເພັດ ຄໍາພູນວົງ ຣັຖມົນຕຣີການເງິນ ໃນວັນຈັນຜ່ານມາ. ທ່ານ ພູເພັດ ໄດ້ເວົ້າເຣື້ອງນີ້ ເນື່ອງໃນໂອກາດກອງປະຊຸມປະຈໍາປີລະຫ່ວາງ ຣັຖບານກັບເຈົ້າແຂວງທົ່ວປະເທດ. ທ່ານວ່າລາຍໄດ້ພາສີ ທີ່ສູນເສັຽໄປນັ້ນ ສ່ວນຫລາຍແມ່ນ ພາສີຂາເຂົ້າແລະຂາອອກ, ຮ່ວມທັງ ພາສີ ລົດນໍ້າມັນ ພາສີຍົກເວັ້ນ ແກ່ນັກລົງທຶນ ຕ່າງປະເທດ.
ໃນສົກປີ 2011-2012 ຣັຖບານສູນເສັຽລາຍໄດ້ພາສີ ເປັນຈໍານວນເງິນ 1,200 ຕື້ກີບ ຫລືປະມານ $152.91 ລ້ານໂດລາສະຫະຣັດ ແລະ ໃນສົກປີ 2012-2013 ຣັຖບານສູນເສັຽລາຍໄດ້ພາສີເປັນຈໍານວນເງິນ 1,300 ຕື້ກີບ ຫລືປະມານ $165.65 ລ້ານໂດລາ. ການລັກລອບນໍາ ເຂົ້າສິນຄ້າ ແລະການບໍ່ປະຕິບັດກົດໝາຍພາສີ ຮ່ວມທັງພໍ່ຄ້າແມ່ຄ້າ ຫລີກລຽງເສັຽພາສີ ເປັນບັນຫານຶ່ງອີກທີ່ເຮັດໃຫ້ຣັຖສູນເສັຽລາຍໄດ້. ຍົກ ໂຕຢ່າງພໍ່ຄ້ານໍາເອົາລົດເຂົ້າປະເທດໃສ່ຣາຄາຕໍ່າ ກ່ວາຣາຄາໂຕຈິງເພື່ອຫລີກລຽງເສັຽພາສີ.
ນອກນັ້ນ ຣັຖບານ ສູນເສັຽລາຍໄດ້ພາສີຈາກການຂາຍຊັພຍາກອນທັມມະຊາດ ໂດຍສະເພາະໄມ້. ທ່ານວ່າ ຣັຖບານເກັບພາສີໄດ້ 20 ລ້ານ ໂດລາ ສະຫະຣັດ ຈາກການສົ່ງໄມ້ອອກໄປຂາຍຢູ່ປະເທດເພື່ອນບ້ານ ແຕ່ວ່າ ລາວໄດ້ຂາຍໄມ້ໃຫ້ປະເທດ ເພື່ອນບ້ານເປັນຈໍານວນເງິນຫຼາຍ ຮ້ອຍລ້ານ ໂດລາໃນແຕ່ລະປີ. ເຈົ້າໜ້າທີບາງຄົນສົມຮູ້ຮ່ວມຄິດ ກັບພໍ່ຄ້າຜິດກົດໝາຍ ໃນການສົ່ງໄມ້ອອກນອກປະເທດຮ່ວມທັງ ໄມ້ປະເພດ ທີ່ຫວງຫ້າມ. ທ່ານວ່າຣັຖບານໄດ້ອອກກົດໝາຍການຄຸ້ມຄອງ ຊັພຍາກອນທັມມະຊາດ ແຕ່ວ່າຂາດການປະຕິບັດ.
ລາຍຮັບເກັບເງິນບໍ່ໄດ້ຕາມເປົ້າຫມາຍຍ້ອນມີເຈົ້າຫນ້າທີ່ສວຍໃຊ້ຕຳແໜ່ງຫນ້າທີ່ຍັກຍອກເອົາເງິນງົບປະມານໄປເປັນຂອງຕົວເອງ ແລະ ເຮັດໃຫ້ພະນັກງານຫລາຍຂະແຫນງການບໍ່ໄດ້ຮັບເງິນເດືອນມາຫລາຍເດືອນແລ້ວ ແລະ ອີກຢ່າງຫນຶ່ງໃຫ້ເຫັນໃຈບັນດາອະດີດພະນັກງານບຳນານທີ່ເສຍອົງຄະພິການ ແລະ ເຖົ້າແກ່ ທີ່ເຄີຍທຳຄຸນງາມຄວາມດີໃຫ້ປະເທດຊາດນັ້ນທີ່ຊ່ວຍເຫລືອຕົວເອງລຳບາກຫຍຸ້ງຍາກໃນການໄປມາເອົາເງິນບຳນານດັ່ງກ່າວ ໃນເມື່ອພັກລັດກວດເຫັນທີ່ໄປທີ່ມາເງິນບໍ່ເຂົ້າຄັງເຊິ່ງເປັນສາຍເຫດບໍ່ມີເງິນມາຈ່າຍເປັນເງິນເດືອນໃຫ້ພະນັກງານຕ່າງໆນັ້ນ..........ກໍ່ໃຫ້ກວດຄືນວ່າເງິນຈຳນວນດັ່ງກ່າວນັ້ນພວກທີ່ຍັກຍອກເອົາເງິນທີ່ສວຍໃຊ້ຫນ້າທີ່ບໍ່ເອົາເງິນເຂົ້າຄັງນັ້ນໄປໄວ້ຢູ່ໃສ???????????? ຖ້າພວກດັ່ງກ່າວເອົາເງິນໄປຊຸກເຊື່ອງໄວ້ນຳທະນາຄານ,ຊື້ວັດຖຸມີຄ່າຫລືຊື້ດິນສ້າງເຮືອນຊານ....ພັກລັດກໍ່ຄວນຍຶດຊັບພວກທີ່ກ່ຽວຂ້ອງນັ້ນໄວ້ແລ້ວມາປະມູນຂາຍເອົາເງິນເຂົ້າຄັງ ຫລື ເອົາມາເປັນຊັບຂອງພັກລັດນຳໃຊ້ໃຫ້ເປັນປະໂຫຍດ,,,,,,,,,ຈະດີກ່ວາໃຫ້ພວກເຈົ້າທີ່ກະທຳຜິດກົດຫມາຍນັ້ນເສບສຸກສະເຫວີຍເງິນຄຳຂອງລັດໄປແບບລອຍນວນໂດຍບໍ່ມີຄວາມຜິດເລີຍ..........ຖ້າເປັນແບບນັ້ນກໍ່ເປັນຕົວຢ່າງໃຫ້ພະນັກງານຮຸ່ນຫລັງເອົາເປັນແບບຢ່າງ ແລະ ບໍ່ຮູ້ວ່າມັນຈະສ້າງຄວາມເສຍຫາຍໃຫ້ພັກ ແລະ ລັດນັ້ນຫລາຍອີກເທົ່າໃດ
