ນະຄອນຫຼວງມີແຜນສັ່ງປິດຮ້ານບັນເທີງຫຼາຍແຫ່ງບໍ່ນັບຖືລະບຽບ ປັດຈຸບັນພະແນກຖະແຫຼງຂ່າວວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ໄດ້ຂຽນຄຳສະເໜີ ໄປຍັງທ່ານ ເຈົ້າຄອງນະຄອນຫຼວງວຽງຈັນແລ້ວເພື່ອຂໍຄຳສັ່ງປິດຮ້ານບັນ ເທີງ 7 ແຫ່ງທີ່ເປີດບໍລິການຜິດລະບຽບ ແລະ ເຮັດໃຫ້ສັງຄົມບໍ່ມີຄວາມເປັນລະບຽບຮຽບຮ້ອຍ, ເຊິ່ງຜ່ານມາທາງເຈົ້າໜ້າທີ່ໄດ້ມີການກວດກາ ແລະ ພົບວ່າບັນດາຮ້ານບັນເທີງດັ່ງກ່າວໄດ້ລະເມີດລະບຽບ, ເປັນຕົ້ນເປີດກາຍໂມງເວລາ, ປ່ອຍໃຫ້ໄວໜຸ່ມໄປມົ້ວສຸມ, ມີສຽງດັງເນືອງນັນລົບກວນປະຊາຊົນໃກ້ຄຽງ, ຊຶ່ງຜ່ານມາກໍໄດ້ມີການຕັກເຕືອນ ແລະ ປັບໃໝ ຕາມລະບຽບການມາແລ້ວ, ແຕ່ກໍເຫັນວ່າຍັງບໍ່ປັບປຸງຕົນເອງ ແລະ ບໍ່ປະຕິ ບັດຕາມລະບຽບການ, ດັ່ງນັ້ນ ຈຶ່ງໄດ້ສະເໜີຂໍຄຳເຫັນຈາກທ່ານເຈົ້າຄອງເພື່ອສັ່ງປິດຮ້ານດັ່ງກ່າວ. ການຄຸ້ມຄອງຮ້ານບັນເທີງໃຫ້ເຂົ້າສູ່ລະບຽບນັ້ນ ເຊິ່ງຜ່ານມາເຈົ້າຄອງນະຄອນຫຼວງກໍໄດ້ອອກແຈ້ງການ ເພື່ອໃຫ້ຜູ້ປະ ກອບການປະຕິບັດຢ່າງເຂັ້ມງວດ ແຕ່ເຫັນວ່າບາງຮ້ານກໍຍັງຝ່າຝືນລະບຽບການ, ເຮັດໃຫ້ສັງຄົມບໍ່ມີຄວາມເປັນລະບຽບ ແລະ ເກີດປະກົດການຫຍໍ້ທໍ້ຫຼາຍຢ່າງເກີດຂື້ນ, ພົ້ນເດັ່ນແມ່ນໄວໜຸ່ມກໍ່ເຫດອາລະວາດຕີກັນ ແລະ ໄລ່ຍິງກັນຈົນເສຍຊີວິດ, ບັນຫາມົ້ວສຸມຢາເສບຕິດ ແລະ ໄພສັງຄົມອື່ນໆ ແລະ ສ່ວນໜຶ່ງກໍແມ່ນຍ້ອນການກວດກາຂອງເຈົ້າໜ້າທີ່ກ່ຽວຂ້ອງບໍ່ທັນເຂັ້ມ ງວດ ເປັນໂອກາດໃຫ້ຜູ້ປະກອບການດັ່ງກ່າວສວຍໃຊ້ໄປໃນທາງທີ່ບໍ່ຖືກຕ້ອງ ແລະ ເມື່ອບໍ່ດົນມານີ້ ເຈົ້າໜ້າທີ່ກ່ຽວຂ້ອງໄດ້ມີການສັ່ງປິດການບໍລິ ການຂອງຮ້ານບັນເທີງ 2 ແຫ່ງມາ ແລ້ວຄື: ຮ້ານ ໄດມອນວີ ແລະ ຮ້ານ ຊ້າງຄຳ ຫຼັງເຮັດຜິດລະບຽບບໍ່ມີຄວາມສະຫງົບພາຍໃນຮ້ານ ແລະ ກໍ່ໃຫ້ເກີດມີເຫດ ການຍິງກັນເສຍຊີວິດໃນຮ້ານດັ່ງກ່າວ.
ບໍ່ໄດ້ຢອດນໍ້າຫຼໍ່ລື້ນຕິ?ມັນຈຶ່ງຝືດ. ແນະນຳໃຫ້ພາກັນຢອດນໍ້າມັນເດີ.
ສັ່ງປິດກໍປິດໄປ ແຕ່ໄປເປີດໃຫມ່ໃສ່ຊື່ໃຫມ່ກໍບໍ່ເຫັນມີບັນຫາຫຍັງ
ເພາະນັກທຸຣະກິດຊາວວຽງຈັນທນ໌ເຂົາຮູ້ຫມົດແລ້ວຂີ້ແຂ້ວຂອງນັກສວຍໂອກາດແຖວໆນີ້.
