ສາກົນເຕືອນ ສປປລາວ ເຣື້ອງຊັພຍາກອນ ທັມຊາຕ
ເຈົ້າໜ້າທີ່ກະຊວງແຜນການແລະການລົງທຶນ ຜູ້ບໍ່ປະສົງອອກຊື່ທ່ານ ນຶ່ງເປີດເຜີຍຕໍ່ເອເຊັຍເສຣີໃນທ້າຍສັປດາຜ່ານມານີ້ວ່າບັນດາອົງການ ຈັດຕັ້ງສາກົນແລະປະເທສຜູ້ບໍຣິຈາກ ໃຫ້ການຊ່ວຍເຫລືອ ຣັຖບາລ ລາວ ຊຶ່ງໄດ້ເຂົ້າຮ່ວມກອງປະຊຸມໂຕະມົນຣະດັບສູງ ຄັ້ງທີ 11 ຢູ່ນະ ຄອນຫລວງວຽງຈັນໃນທ້າຍເດືອນພຶສຈິກາຜ່ານມາໄດ້ເຕືອນຣັຖບາລ ລາວ ກ່ຽວກັບການຂຸດຄົ້ນຊັພຍາກອນທັມຊາດ ເປັນສິນຄ້າສົ່ງອອກ ຕ່າງປະເທສຢ່າງບໍ່ມີການວາງແຜນແລະເປັນການຂຸດຄົ້ນ ແບບບໍ່ຍືນ ຍົງນັ້ນຈະເຮັດໃຫ້ມີຜົລກະທົບທາງລົບຕໍ່ລາວຢ່າງຫຼວງຫຼາຍໃນຣະຍະ ຍາວ.
ໃນທີ່ຜ່ານມາ ກໍໄດ້ຮັບຜົລກະທົບແລ້ວ ຄືພັຍນໍ້າຖ້ວມຢ່າງໜັກໜ່ວງ ໃນຣະຍະຫ້າປີມານີ້ແລະປາກົດວ່າຣາຍຮັບທີ່ໄດ້ຈາກການສໍາປະທານ ຕ່າງໆນັ້ນກໍຍັງບໍ່ຕົກໄປເຖິງການພັທນາຊົນນະບົດຢ່າງທົ່ວເຖິງ ແລະ ຜົລທີ່ຕາມມາກໍຄືປະຊາຊົນຍັງທຸກຍາກຢູ່ ດັ່ງທີ່ທ່ານກ່າວວ່າ:
"ບັນດາຜູ້ໃຫ້ທຶນໄດ້ເຕືອນພວກເຮົາວ່າ ໃນການພັທນາເສຖກິດທີ່ອີງໃສ່ແຕ່ຊັພຍາກອນທັມຊາດເປັນຕົ້ນຕໍນັ້ນ ພວກເຮົາຕ້ອງໄດ້ມີຄວາມຣະ ມັດຣະວັງ ພວກເຮົາຈະເຄີຍເຫັນບົດຮຽນຂອງບັນດາປະເທສຢູ່ອາຟຣິກາ ທີ່ຂຸຸດຄົ້ນເອົາແຮ່ໄປນໍາໃຊ້ເປັນວັດຖຸດິບ ເປັນຫຍັງອອກໄປຂາຍ ຢູ່ທາງນອກ ແຕ່ໃນທີ່ສຸດກະບໍ່ມີ ຄວາມຈະເຣີນ ແຮ່ໝົດ ຄວາມທຸກຍາກ ກະຍັງມີຢູ່ຄືເກົ່າ". ປັດຈຸບັນຣັຖບາລລາວໄດ້ອະນຸມັດໃຫ້ບໍຣິສັດເອກຊົນລາວ ແລະຕ່າງປະເທສ ສໍາປະທານຂຸດຄົ້ນແຮ່ທາດ ຫລາຍກວ່າ 300 ໂຄງການ ແລະ ໃຫ້ສໍາປະທານທີ່ດິນໃນເນື້ອທີ່ 4 ແສນກວ່າເຮັກຕາແລະອະນຸມັດໃຫ້ ສໍາປະທານຕັດໄມ້ເຖິງຈະມີການຄວບຄຸມບໍ່ໃຫ້ເກີນ 5 ແສນແມັດກ້ອນ ໃນແຕ່ລະປີ ແຕ່ໃນຄວາມເປັນຈິງ ຍັງຕັດເກີນຈໍານວນ ທີ່ວ່ານັ້ນ ຢູ່ເລື້ອຍມາ.
ສາກົນ ກະຈັກໂງ່ຫລືສະຫລາດນໍ ເອົາເງິນໄປຍັດໃຫ້ເຂົາສໍ້ໂກງ ຄັນຊິຊ່ອຍແທ້ໆ ກະໄປຊ່ອຍດວ້ຍຕົນເອົງ ແລະໃຫ້ພະນັກງານພັກລັດໄປເບິ່ງນຳ ບໍ່ເອົາເງິນໃຫ້ ເຂົາບາຍ ມັນກະບໍມີໂອກາດໂກງກິນລະ
ຄືຍິ່ປຸ່ນເສັຍໂງ່ມາຫລາຍປີໃນການຊ່ອຍເຫລືອລາວ ດຽວນີ້ຍີ່ປູ່ນບໍ່ໄດ້ເອົາເງິນສົດໄປຊ່ອຍຄືແຕ່ເກົ່າແລ້ວ ເຂົາໄປຕິດຕາມຢ່າງໃກ້ຊິດ ເຮັດໃຫ້ເຈົ້າຫນ້າທີລາວ ທີມັກສໍ້້້ໂກງໄດ້ແຕ່ນ້ຳລາຍຍ້ອຍເຫີຍ ຍ້ອນຢາກ ຫາກບໍມີຊ່ອງທາງ ຍ້ອນ ພວກຍີ່ປູ່ນເຂົາເຫັນພຶດຕິກຳອັນຫນ້າລັງກຽວ ຂອງພວກສໍ້ໂກງ ມາໃນຄາບຜູ້ດີ.
ເລືອງຊັບພະຍາກອນທຳມະຊາດກະຄືກັນ ຄັນຕັດຂາຍທຳລາຍ ກະບໍ່ຕ້ອງໃຫ້ເງິນສະຫນັບສະຫນູນເອື້ອອຳນວຍໃຫ້ເຂົາຫລາຍຄົນໂກງນະ ຄັນເອື້ອກະເອືອຄົນທຸກຈົນ ທຸກຍາກແທ້ໆ.
ຕາມຫລັກມະນຸສສະທັມ.
